کربلا کے نزدیک مسافر بس دھماکے سے تباہ، 12 افراد جاں بحق

Source: S.O. News Service | Published on 22nd September 2019, 12:32 PM | عالمی خبریں | ان خبروں کو پڑھنا مت بھولئے |

بغداد،22؍ستمبر (ایس او نیوز؍ایجنسی) کربلا کے نزدیک ایک مسافر بس زور دار دھماکے سے مکمل طور پر تباہ ہوگئی جس کے نتیجے میں بچوں اور خواتین سمیت 12 شہری جاں بحق ہوگئے جب کہ 5 مسافر زخمی ہیں۔

بین الاقوامی خبر رساں ادارے کے مطابق عراقی شہر کربلا کے نزدیک ایک فوجی چیک پوسٹ سے گزرنے والی بس میں زور دار دھماکا ہوگیا جس کے نتیجے میں 12 مسافر جاں بحق اور 5 زخمی ہوگئے۔ جاں بحق اور زخمی ہونے والوں میں بچے اور خواتین بھی شامل ہیں۔

ریسکیو اداروں نے امدادی کاموں کا آغاز کرتے ہوئے جاں بحق و زخمی ہونے والوں کو قریبی اسپتال منتقل کیا، دھماکا کربلا اور لاحلہ کے رمیان ایک چیک پوسٹ کے نزدیک ہوا تھا تاہم چیک پوسٹ میں تعینات اہلکار محفوظ رہے۔

ادھر سیکیورٹی فورسز کا کہنا ہے کہ دھماکے کی نوعیت جاننے کے لیے تحقیقات جاری ہیں اب تک واضح نہیں ہوسکا ہے کہ یہ دہشت گردی کی کارروائی تھی یا صرف ایک حادثہ تھا۔ کسی بھی شدت پسند جماعت نے ذمہ داری بھی قبول نہیں کی ہے۔

دوسری جانب عینی شاہدین نے میڈیا سے گفتگو کرتے ہوئے بتایا کہ بس میں دھماکے سے قبل ایک مسافر اپنا بیگ لیے بغیر اتر گیا تھا جس کے فوری بعد دھماکا ہوا۔ زخمیوں نے بھی ابتدائی بیان میں بس سے اترنے والے مسافر پر شک کا اظہار کیا ہے۔

واضح رہے کہ عراقی حکومت نے طویل جنگ کے بعد 2017 میں شدت پسند جنگجو جماعت ‘داعش’ کے مکمل خاتمے کا اعلان کیا تھا تاہم گزشتہ 2 برسوں میں کی گئی مختلف کارروائیاں جنگجوؤں کی کسی نہ کسی صورت موجودگی ظاہر کرتی ہیں۔

ایک نظر اس پر بھی

اپنی حماقتوں سے ترکی کی معیشت کو تباہ نہ کریں: ٹرمپ کا ایردوآن کو انتباہ

وائٹ ہاؤس کےمطابق امریکی صدر ڈونلڈ ٹرمپ کی طرف سے اپنے ترک ہم منصب رجب طیب اردوآن کو 9 اکتوبر کو ایک مکتوب بھیجا گیا تھا جس میں انہیں شمالی شام میں کردوں کے خلاف فوجی آپریشن شروع کرنے کے فیصلے سے باز آنے کو کہا گیا تھا۔ اس مکتوب میں صدر ٹرمپ نے ایردوآن کو خبر دار کیا تھا کہ شام ...

امریکی ایوان نمائندگان کی شام سے فوج واپس بلائے جانے کی شدید مذمت

امریکی ایوان نمائندگان نے صدر ڈونلڈ ٹرمپ کے شمالی شام سے امریکی فوجیوں کے انخلاء کے فیصلے کی مذمت کی ہے۔ گذشتہ روز ایوان میں شام سے امریکی فوج کی واپسی کے حوالے سے ایک قرار داد پر رائے شماری کی گئی جس میں ارکان کی اکثریت نے اس فیصلے کی مخالفت میں ووٹ ڈالا۔

فلپائن میں زلزلہ، مہلوکین کی تعداد پانچ 

فلپائن کے جنوبی حصے میں زلزلے کے نتیجے میں ہلاک ہونے والوں کی تعداد بڑھ کر پانچ ہو گئی ہے۔ بدھ کی رات آنے والی اس قدرتی آفت کی وجہ سے درجنوں افراد زخمی ہوئے جبکہ کئی عمارتوں کو بھی نقصان پہنچا۔

این آر سی دستاویزات کی تیاری میں اقلیتوں کی رہنمائی کرنے روشن بیگ نے اقلیتی کمیشن کے نئے چیرمین سے کیا مطالبہ

مرکزی حکومت کی ہدایت پر ریاستی حکومت کی طرف سے کرناٹک میں این آر سی نافذ کرنے کے لئے جو تیاری کی جا رہی ہے اس کے پیش نظر ریاستی اقلیتی کمیشن کی طرف سے اقلیتوں بالخصوص مسلمانوں کودستاویزات کی تکمیل میں آسانی فراہم کرنے کے لئے فوری طور پر قدم اٹھانے چاہئے۔ کمیشن کی طرف سے مساجد ...

تیراکی میں یونیورسٹی بلیو کا خطاب جیتنے والے بھٹکل انجمن کالج کے محمد اشفاق اب کریں گے آل انڈیا ٹورنامنٹ میں کرناٹکا یونیورسٹی دھارواڑ کی نمائندگی

انجمن آرٹس سائنس  کامرس  کالج اور پی جی سینٹر  بھٹکل کے ایک طالب العلم   محمد اشفاق ابن محمد  اسلم  تیراکی میں  بہترین مظاہرہ پیش کرتے ہوئے  کرناٹکا یونیورسٹی  بلیو   کا خطاب حاصل کرنے میں کامیاب ہوگئے ہیں  ۔کالج کے فزیکل ڈائرکٹر نے   بتایا کہ  تیراکی میں یونیورسٹی ...

پانچ مہینوں بعد  آئی پی ایس  اناملئی کا استعفیٰ منظور : کیا وہ تمل ناڈو کے سنگھ پریوار میں شامل ہوں گے ؟

آئی پی ایس عہدے سے پانچ مہینے پہلے  استعفیٰ دئیے اناملئی کا اب  جا کر مرکزی حکومت نے منظور کیا ہے۔ مستقبل میں اناملئی سنگھ پریوار کے کسی ایک ذیلی ادارے سے جڑ کر زندگی کا دوسرا دور شروع کرنے کے امکانات ظاہر کئے گئے ہیں۔

بابری مسجد مقدمہ میں شامل مسلم پارٹیوں کی طرف سے سپریم کورٹ آف انڈیا میں دیا گیا ایک بیان؛ مسلم پرسنل لاء بورڈ نے جاری کی پریس ریلیز

بابری مسجد کے تعلق سے  آل انڈیا مسلم  پرسنل لاء بورڈ کی بابری مسجد کے کو۔کنوینر   ڈاکٹر قاسم رسول الیاس نے پریس ریلیز جاری کرتے ہوئے مندرجہ ذیل نکات پیش کئے  ہیں :