امریکہ کو شام اور عراق سے نکال دیا جائے گا: ایرانی سپریم لیڈر

Source: S.O. News Service | Published on 18th May 2020, 4:20 PM | عالمی خبریں | ان خبروں کو پڑھنا مت بھولئے |

  تہران،18؍ مئی (ایس او نیوز؍آئی این ایس انڈیا) ایران کے سپریم لیڈر آیت اللہ خامنہ ای نے امریکی فورسز کے مشرق وسطیٰ سے نکل جانے کا مطالبہ کرتے ہوئے کہا ہے کہ امریکیوں کو عراق اور شام سے نکال دیا جائے گا۔

آیت اللہ خامنہ ای نے اتوار کو طلبہ کے ایک اجتماع سے خطاب کرتے ہوئے کہا کہ افغانستان، عراق اور شام میں امریکی اقدامات کی وجہ سے اس سے نفرت کی جاتی ہے۔ امریکہ کو شام اور عراق میں رہنے نہیں دیا جائے گا اور اسے وہاں سے نکال دیا جائے گا۔

آیت اللہ خامنہ ای کی ویب سائٹ پر اس خطاب کی تفصیلات میں مزید کہا گیا ہے کہ امریکی حکومت کی کارکردگی نے امریکہ کو اس مقام تک پہنچا دیا ہے کہ دنیا کے بیشتر ممالک اس سے نفرت کرتے ہیں۔

اُن کا مزید کہنا تھا کہ امریکہ کی طرف سے دنیا میں رائے عامہ کو بہتر بنانے پر خرچ کردہ رقم کے باوجود اس کی حکومت اور نظام دنیا کے بیشتر حصوں میں بدنام ہو گیا ہے۔ یہی وجہ ہے کہ امریکہ سمیت دنیا کے کئی ممالک میں امریکہ کے جھنڈے نظر آتش کیے جا رہے ہیں۔

رواں برس تین جنوری کو امریکہ نے ایک ڈرون حملے میں ایران کی قدس فورس کے کمانڈر جنرل قاسم سلیمانی کو عراق میں نشانہ بنایا تھا جس میں وہ مارے گئے تھے۔ اس حملے کے جواب میں آٹھ جنوری کو ایران نے عراق میں امریکہ کی دو تنصیبات کو نشانہ بنایا تھا۔

جنرل قاسم سلیمانی کی ہلاکت کے بعد امریکہ اور ایران کے درمیان دھمکی آمیز بیانات کا سلسلہ جاری ہے۔

گزشتہ ماہ ہی امریکہ کے صدر ڈونلڈ ٹرمپ نے ملک کی بحریہ کو ہدایت دی تھی کہ اگر خلیج فارس میں کوئی ایرانی جہاز اُنہیں ہراساں کرتا ہے تو وہ اُسے نشانہ بنا سکتے ہیں۔

صدر ٹرمپ کے اس بیان کے بعد ایران کے پاسدارانِ انقلاب کے کمانڈر میجر جنرل حسین سلامی نے اپنے ردِ عمل میں کہا تھا کہ ایران کی سالمیت کو کوئی خطرہ لاحق ہوا تو ایران امریکی بحری بیڑے کو تباہ کر دے گا۔

دونوں ملکوں کے درمیان جاری لفظی جنگ کے دوران اتوار کو ایران کے رہبرِ اعلیٰ کی طرف سے ایک اور سخت بیان سامنے آیا ہے۔

اتوار کو طلبہ سے خطاب میں آیت اللہ خامنہ ای کا مزید کہنا تھا کہ امریکہ سے نفرت کے ذمہ دار امریکی حکومت میں شامل متشدد لوگ ہی نہیں بلکہ امریکی حکومت کی کارکردگی، افغانستان، شام اور عراق میں جارحیت کی وجہ سے بھی امریکہ سے نفرت کی جاتی ہے۔

انہوں نے الزام لگایا کہ امریکہ کی جانب سے شدت پسند گروپ 'داعش' کی حمایت کی وجہ سے بھی امریکہ کو نفرت کا سامنا کرنا پڑ رہا ہے۔ تاہم امریکہ داعش کی حمایت کا ایرانی الزام مسترد کرتا آیا ہے اور امریکی فورسز عراق اور شام میں اس شدت پسند تنظیم کے خلاف گزشتہ کئی سال سے سرگرم ہیں۔

ایرانی سپریم لیڈر کا مزید کہنا تھا کہ امریکہ دہشت گردی کی ترویج اور ناانصافی کر رہا ہے اور خاص کر کرونا وائرس سے نمٹنے میں کوتاہی کی وجہ سے بھی امریکہ کو عالمی نفرت کا سامنا ہے۔

ایک نظر اس پر بھی

امریکہ: ٹرمپ کی فوج تعیناتی کی دھمکی پر فسادات میں شدت، ایئرفورس بیس میں فائرنگ سے 2 اہلکار ہلاک

امریکی صدر ڈونلڈ ٹرمپ کی ملک میں فوج تعینات کرنے کی دھمکی پر امریکہ بھر میں فسادات میں مزید شدت آگئی۔ پوسٹمارٹم رپورٹ میں سیاہ فام جارج فلائیڈ کی موت کو قتل قراردیدیا گیا جبکہ ریاست ڈکوٹا میں ایئر فورس بیس میں فائرنگ کے نتیجہ میں 2 اہلکار ہلاک ہوگئے ۔

پوری دنیا میں کورونا کا قہر جاری، متاثرین کی تعداد 63 لاکھ سے تجاوز

پوری دنیا میں عالمی وبا کورونا وائرس کا قہر جاری ہے اور ہر روز متاثرین اور اس سے ہونے والی ہلاکتوں کی تعداد میں مستقل اضافہ ہو رہا ہے۔تازہ اعداد و شمار کے مطابق کورونا متاثرین کی تعداد 63لاکھ سے زیادہ ہوگئی ہے جبکہ اس وبا سے اب تک 3.73لاکھ سے زیادہ لوگوں کی موت ہوچکی ہے۔

عراق: فضائی حملے میں دو فوجی اور دو دہشت گردوں کی موت

عراق کے صوبہ نینوا اور دييالہ میں پیر کو ایک فضائی حملے اور ایک بم دھماکے میں دو فوجی ہلاک ہو گئے جبکہ دو دہشت گرد بھی مارے گئے۔ عراق کے جوائنٹ آپریشن کمانڈ کے میڈیا آفس نے ایک بیان میں بتایا کہ ایک حملہ میں دوعراقی فوجی ہلاک اور دو دیگر زخمی ہو گئے۔

انگلینڈ میں لاک ڈاؤن میں نرمی، 10 ہفتوں بعد کھلے اسکول

10 ہفتوں کے بعد برطانیہ کے انگلینڈ ریجن میں لاک ڈاؤن کے بعد اسکول کھول دیئے گئے، مگر نصف کے قریب والدین نے اپنے بچوں کو اسکول بھیجنے سے گریز کیا ہے۔ برطانوی حکومت نے گزشتہ روز لاک ڈاؤن میں نرمی کرنے کا اعلان کیا تھا جس میں اسکولوں کا کھولا جانا بھی شامل تھا، کچھ علاقوں میں ...

کرناٹک میں کورونا کے 24 گھنٹوں میں 267 نئے معاملات ، داونگیرے میں مریض کی موت سے مرنے والوں کی تعداد 53

گزشتہ 24 گھنٹوں کے دوران منگل کی شام 5 بجے تک ریاست میں 267 نئے کو رونا مریض پائے جانے سے ریاست میں کووڈ۔19 سے متاثر مریضوں کی تعداد بڑھ کر 2494 تک پہنچ گئی اور داونگیرے میں مزید ایک مریض کے ریاست میں فوت ہونے سے ریاست میں اس وبائ سے مرنے والوں کی تعداد بڑھ کر 53 ہوگئی۔

یکم جولائی سے کرناٹک میں اسکول کھل جائیں گے۔کلاسس شروع کرنے کے لئے مرحلہ وار تاریخوں کا اعلان

کرناٹک حکومت نے ریاست بھر میں یکم جولائی سے مرحلہ وار پرائمری اور سکینڈری اسکول کھول دینے کے احکامات جاری کر دئیے ہیں - وزیر برائے بنیادی و ثانوی تعلیم سریش کمار کی صدارت میں محکمہ تعلیمات عامہ کے اعلیٰ عہدیداروں کی میٹنگ کے بعد کمشنر برائے تعلیمات عامہ کی جانب سے اسکولس ...

ہوناور: لاری میں بے ہوش پڑے ہوئے ڈرائیور کو پولیس نے عوام کے تعاون سے پہنچایا اسپتال، کورونا کا شبہ

ہوناور کے شراوتی سرکل پر کھڑی ایک لاری  میں ڈرائیور بے  ہوش پائے جانے کےبعد پولس نے اسے مقامی لوگوں کی مدد سے اسپتال پہنچادیا ہے۔ عوام کو شبہ ہے کہ اس پر کورونا وائرس کا حملہ ہوا ہے۔

لاک ڈاؤن کے دوران جان گنوا نے والے مہاجر مزدوروں کے اہل خانہ کو 25لاکھ روپئے معاوضہ دینے ایس ڈی پی آئی کا مطالبہ

   سوشیل ڈیموکریٹک پارٹی آف انڈیا  کے قومی صدر ایم کے فیضی نے اخباری بیان جاری کرتے ہوئے   مرکزی حکومت سے مطالبہ کیا ہے کہ بغیر تیاری کے اعلان کردہ لاک ڈاؤن کی وجہ سے کام کرنے کی جگہ اور اپنے گھروں کو پیدل سفر کرنے والے جو مہاجر مزدور بھوک اور تھکن سے جان گنو ا چکے ہیں،  ان کے ...

کرناٹک میں ایک ہی دن 187 افراد کورونا پوزیٹیو، تین ہزار سے پار ہوا اکڑہ

ریاست کرناٹک میں پیر کے دن 187 افراد کورونا پوزیٹیو پائے گئے ، جس سے کل تعداد 3408 ہوگئی ۔ 2026 افراد زیر علاج ہیں۔ 110 مریض شفایاب ہو کر رخصت ہوئے ۔ اب تک رخصت ہونے والوں کی تعداد 1328 ہوگئی ہے، 52 ؍ افراد ہلاک ہوئے ہیں۔