ایران کی افریقا میں سرگرمیاں، ایتھوپیا میں ایرانی سلیپر سیلز کا انکشاف

Source: S.O. News Service | Published on 16th February 2021, 8:32 PM | عالمی خبریں |

 دبئی، 16فروری (آئی این ایس انڈیا) ایسا لگتا ہے کہ ایرانی پاسداران انقلاب نے'قدس ملیشیا' کے سربراہ قاسم سلیمانی کے قتل کے انتقام میں افریقی ممالک میں اپنے سلیپر سیلز کو فعال کرنا شروع کردیا ہے۔

امریکی اور اسرائیلی عہدیداروں نے "نیو یارک ٹائمز" کو بتایا کہ ایرانی انٹیلی جنس نے امریکا اور اسرائیلی سفارت خانوں کے بارے میں انٹلیجنس معلومات جمع کرنے کے لیے گذرے موسم خزاں میں ایتھوپیا کے دارالحکومت ادیس ابابا میں ایک سلیپر سیل قائم کیا۔
عہدیداروں نے یہ بھی واضح کیا کہ ادیس ابابا میں متحدہ عرب امارات کے سفارت خانے کو نشانہ بنانے کی کوشش کا اہتمام ایران نے کیا تھا۔

اس کے علاوہ انہوں نے اشارہ کیا کہ یہ آپریشن افریقی ممالک میں آسان اہداف کی تلاش کے لیے وسیع پیمانے پر مہم کا حصہ تھا کہ ایران جوہری سائنسدان محسن فخری زادہ اور قاسم سلیمانی کے قتل جیسے بھاری اور تکلیف دہ نقصانات کا بدلہ لیا جاسکے۔

افریقا کے لیے پینٹاگان کمانڈ میں انٹیلی جنس کے ڈائریکٹر ایڈمرل ہیڈی کے برگ نے وضاحت کی کہ متحدہ عرب امارات کے سفارت خانے کو نشانہ بنانے کی منصوبہ بندی کے سلسلے میں ایتھوپیا میں گرفتار پندرہ افراد کے پیچھے ایران کا ہاتھ ہے۔ اس ناکام سازش کا ماسٹر مائنڈ احمد اسماعیل ہے جسے سویڈن میں گرفتار کیا گیا تھا۔

انہوں نے مزید کہا کہ ایتھوپیا اور سویڈن نے مل کر اس منصوبے کو ناکام بنانے کے لیے تعاون کیا۔

دوسری طرف ایران نے ان الزامات کی تردید کی ہے۔ ادیس ابابا میں ایرانی سفارتخانے کے ترجمان نے کہا کہ یہ الزامات بے بنیاد ہیں اور صرف منفی میڈیا پروپیگنڈے کا حصہ ہیں۔

اگرچہ ایتھوپیا کی پولیس نے ابھی تک ان 15 مشتبہ افراد پر باضابطہ طور پر الزامات عائد نہیں کیے ہیں جبکہ ان میں سے صرف دو کے بارے میں معلومات سامنے آئی ہیں۔ اسرائیلی عہدیداروں نے تصدیق کی ہے کہ ان میں سے کم سے کم تین حقیقی ایرانی ایجنٹ ہوسکتے ہیں۔

ایک نظر اس پر بھی

ماسکو کنسرٹ ہال حملے میں 143ہلاکتیں

روس کے دارالحکومت ماسکو میں ایک کنسرٹ ہال پر جمعہ کو ہونے والے حملے میں مرنے والوں کی تعداد بڑھ کر 143 ہوگئی ہے جبکہ 100 سے زائد افراد زخمی ہیں۔روس کی تحقیقاتی کمیٹی نے ہفتے کے روز یہ اطلاع دی۔ کمیٹی نے کہا کہ ایمرجنسی سروسز ماسکو اوبلاست میں کروکس سٹی ہال، دہشت گردانہ حملے کی جگہ ...

80 ہزار افراد نے مسجد اقصیٰ میں نماز جمعہ ادا کی

قابض اسرائیلی فوجوں  کی سختی کے باوجود رواں  سال رمضان کے پہلے جمعہ کو ۸۰؍ ہزار مسلمانوں   نے بیت المقدس میں  پہنچ کر نماز جمعہ ادا کی۔ قدس نیوز نیٹورک نے جو ویڈیوشیئرکئے ہیں  میں  دیکھا جاسکتاہے کہ جوق در جوق مغربی کنارہ، راملہ اور دیگر علاقوں  سے فلسطینی شہری پیدل اور بسوں ...

شہریت ترمیمی قانون پر امریکہ نے بھی اپنی تشویش ظاہر کردی

امریکہ اور نے ہندوستان کے متنازعہ شہریت ترمیمی قانون پر عدم تحفظات کا اظہار کردیا۔ امریکی محکمہ خارجہ کے ترجمان نے بیان میں کہا کہ ہندوستان میں شہریت کے متنازعہ ترمیمی قانون کے نفاذ پر تشویش ہے۔ ایکٹ کے نافذ ہونے کے بعد صورتحال کا بغور جائزہ لے رہے ہیں۔

غزہ پر اسرائیلی حملوں کے سبب جان گنوانے والے فلسطینیوں کی تعداد 31272 ہوئی

غزہ پٹی پر جاری اسرائیلی حملوں سے فلسطینیوں کی ہلاکتوں کی تعداد 31272 ہو گئی ہے۔ غزہ میں قائم وزارت صحت نے بدھ کو یہ اطلاع دی۔ وزارت نے ایک بیان میں کہا کہ اسرائیلی فورسز نے گزشتہ 24 گھنٹوں کے دوران 88 فلسطینیوں کو قتل اور 135 دیگر کو زخمی کیا، جس سے گزشتہ اکتوبر میں اسرائیل اور حماس ...

غزہ میں امداد کیلئے قطار میں منتظر افراد کو پھر نشانہ بنایا گیا، 11 شہید

  انسانیت کی تمام حدوں  کو پار کرتے ہوئے اسرائیلی فوجوں  نے بدھ کو پھر بھکمری کے شکار ان پریشان حال لوگوں  کو نشانہ بنایا جو اپنے بچوں  کی پیٹ کی آگ بجھانے کیلئے امداد حاصل کرنے کے مقصد سے قطار میں  لگے ہوئے تھے۔ بدھ کے اس حملے میں  ۱۱؍ افراد کی شہادت کی تصدیق ہوئی ہے جس کے بعد ...

انڈونیشیا میں سیلاب اور چٹان کھسکنے سے تباہی، 19 افراد ہلاک ،متعدد زخمی

انڈونیشیا کے جزیرے سماترا میں مسلسل بارش نے سیلاب اور چٹان کھسکنے سے بڑے پیمانے پرتباہی ہوئی ہے۔ اس دوران 5سے زائد گھر دب گئے۔ مکانات کے ملبے سے12 لاشیں نکالی گئیں اور 7افراد کو شدید زخمی حالت میں اسپتال پہنچایا گیا۔ ملبے سے دیگر 6 افراد کو بحفاظت نکالا گیا جبکہ5 افراد اب تک ...