تہران، یکم جون (ایس او نیوز؍ایجنسی) ایران اگلے ہفتے سے برکت دوا ساز کمپنی کی تیار کردہ گھریلو کورونا وائرس ویکسین کے ساتھ اپنے شہریوں کی ٹیکہ کاری شروع کرے گا۔وزیر صحت و میڈیکل ایجوکیشن سعید نماکی نے پیر کو اس کے بارے میں واقف کرایا۔

کووایران برکت ویکسین کی تیاری مئی کے شروع میں کی گئی تھی۔ ایرانی میڈیا کے مطابق جون کے وسط تک تقریباً ایک کروڑ خوراک تیار کئے جانے کی توقع ہے۔

 خبررساں ایجنسی نے مسٹر نماکی کے حوالے سے بتایا ’’اگلے ہفتے سے کورونا وائرس کے خلاف آبادی کا ویکسینیشن گھریلو ویکسین سے شروع ہوگا۔ جون کے آخر تک ، 60 سال سے زیادہ عمر کے افراد کے ساتھ ساتھ لاعلاج اور آنکولوجیکل بیماریوں والے لوگوں کو بھی کورونا سے بچاؤ کےٹیکے لگائے جائیں گے۔

ایران نے فروری میں روس کے اسپوتنک وی کورونا وائرس ویکسین کا استعمال کرکے بڑے پیمانے اپنا ویکسینیشن پروگرام شروع کیا تھا۔ مجموعی طور پر ، ملک بین الاقوامی کو ویکسین تقسیم اقدام کے کووڈ 19 ٹیکے کی 1.6 خوراکیں حاصل کرنے اور بیرون ملک سے 2.5 کروڑ خوراکیں درآمد کرنے کے ساتھ ساتھ گھریول سطح پر ر 2.5 لاکھ خوراکیں تیار کرے گا۔

ملک میں اب تک 29،13،136 افراد انفیکشن ہوچکے ہیں جن میں سے 24،58،684 افراد صحت مند ہوچکے ہیں جبکہ 80،156 افراد لقمہ اجل بن چکے ہیں۔