ایران میں خاتون وکیل نسرین ستودہ کو مرشد اعلیٰ کی توہین کی پاداش میں 7 سال قید

Source: S.O. News Service | By Shahid Mukhtesar | Published on 16th March 2019, 11:33 AM | عالمی خبریں |

تہران،16مارچ (ایس او نیوز؍ آئی این ایس انڈیا )ایران میں انسانی حقوق کارکن اور خاتون قانون دان نسرین ستودہ کو قید کی سزا سنائے جانے پرعالمی سطح پر شدید رد عمل سامنے آیا ہے۔

گذشتہ سوموارکو ایران کی ایک انقلاب عدالت نے نسرین ستودہ کو مظاہرے منعقد کرنے اور سپریم لیڈر آیت اللہ علی خامنہ ای کی شان میں گُستاخی کے جرم میں 7 سال قید کی سزا سنائی تھی۔

فرانسیسی اخبار'لی مونڈ' نے نسرین ستودہ کو دی جانے والی سزا کی شدید مذمت کرتے ہوئے لکھا ہے کہ نسرین کو اس کی انسانی حقوق کے لیے سرگرمیوں کی پاداش میں کڑی سزا دی گئی ہے۔ نسرین کو دی جانے والی سزا نے ایرانی رجیم کا سفاک اور مکروہ چہرہ پوری دُنیا کے سامنے بے نقاب کردیا ہے۔

ایرانی جج محمد مغیشہ نے کہا کہ نسرین کو نو ماہ قبل حراست میں لیا گیا تھا اوراسے دارالحکومت تہران کی 'ایفین' جیل میں قید رکھا گیا ہے۔ اس کے خلاف کئی الزامات ہیں۔ ان میں ایرانی نظام کے خلاف سازش کرنا، عوامی مظاہرے منعقد کرکے لوگوں کو حکومت کے خلاف اکسانا اور رہبر انقلاب آیت اللہ علی خامنہ ای کی توہین کرنا ہے۔

اسے حکومت مخالف مظاہروں اور ایرانی رجیم کے خلاف سازش کے الزامات میں پانچ سال اور سپریم لیڈر کی توہین پردو سال قید کی سزا سنائی گئی ہے۔ سزا سنائےجانے کے وقت نسرین کو عدالت میں پیش نہیں کیا گیا۔ اسے گذشتہ برس حراست میں لیا تھا۔ اس کے ساتھ 7 ہزار دوسرے ایرانیوں کو بھی گرفتار کیا گیا۔

خیال رہے کہ نسیرن ستودہ کو ایران میں پرامن مظاہرین کا حامی اور ان کے آئینی حقوق کی وکیل قراردیاجاتا ہے۔ اس نے ہمیشہ ایران کے خواتین کے خلاف سخت قوانین کی مخالفت کی اور ظالمانہ قوانین سے متاثرہ خواتین کی مدد کی۔ 55 سالہ نسرین کو پبلک مقامات پر حجاب نہ پہننے والی خواتین کی حمایت کرتے دیکھا گیا۔

ایرانی عدالت کی طرف سے قید کی سزا سنائے جانے کے باوجود نسرین ستودہ اپنے موقف پرقائم ہے اوربین الاقوامی سطح پراس کی حمایت میں مسلسل اضافہ ہو رہا ہے۔ انسانی حقوق کی عالمی تنظیموں‌نے نسرین کو سنائی جانے والی سزا کو غیرانسانی اور ظالمانہ قرار دے کر اسے ختم کرنےکا مطالبہ کیا ہے۔

ایک نظر اس پر بھی

ماسکو کنسرٹ ہال حملے میں 143ہلاکتیں

روس کے دارالحکومت ماسکو میں ایک کنسرٹ ہال پر جمعہ کو ہونے والے حملے میں مرنے والوں کی تعداد بڑھ کر 143 ہوگئی ہے جبکہ 100 سے زائد افراد زخمی ہیں۔روس کی تحقیقاتی کمیٹی نے ہفتے کے روز یہ اطلاع دی۔ کمیٹی نے کہا کہ ایمرجنسی سروسز ماسکو اوبلاست میں کروکس سٹی ہال، دہشت گردانہ حملے کی جگہ ...

80 ہزار افراد نے مسجد اقصیٰ میں نماز جمعہ ادا کی

قابض اسرائیلی فوجوں  کی سختی کے باوجود رواں  سال رمضان کے پہلے جمعہ کو ۸۰؍ ہزار مسلمانوں   نے بیت المقدس میں  پہنچ کر نماز جمعہ ادا کی۔ قدس نیوز نیٹورک نے جو ویڈیوشیئرکئے ہیں  میں  دیکھا جاسکتاہے کہ جوق در جوق مغربی کنارہ، راملہ اور دیگر علاقوں  سے فلسطینی شہری پیدل اور بسوں ...

شہریت ترمیمی قانون پر امریکہ نے بھی اپنی تشویش ظاہر کردی

امریکہ اور نے ہندوستان کے متنازعہ شہریت ترمیمی قانون پر عدم تحفظات کا اظہار کردیا۔ امریکی محکمہ خارجہ کے ترجمان نے بیان میں کہا کہ ہندوستان میں شہریت کے متنازعہ ترمیمی قانون کے نفاذ پر تشویش ہے۔ ایکٹ کے نافذ ہونے کے بعد صورتحال کا بغور جائزہ لے رہے ہیں۔

غزہ پر اسرائیلی حملوں کے سبب جان گنوانے والے فلسطینیوں کی تعداد 31272 ہوئی

غزہ پٹی پر جاری اسرائیلی حملوں سے فلسطینیوں کی ہلاکتوں کی تعداد 31272 ہو گئی ہے۔ غزہ میں قائم وزارت صحت نے بدھ کو یہ اطلاع دی۔ وزارت نے ایک بیان میں کہا کہ اسرائیلی فورسز نے گزشتہ 24 گھنٹوں کے دوران 88 فلسطینیوں کو قتل اور 135 دیگر کو زخمی کیا، جس سے گزشتہ اکتوبر میں اسرائیل اور حماس ...

غزہ میں امداد کیلئے قطار میں منتظر افراد کو پھر نشانہ بنایا گیا، 11 شہید

  انسانیت کی تمام حدوں  کو پار کرتے ہوئے اسرائیلی فوجوں  نے بدھ کو پھر بھکمری کے شکار ان پریشان حال لوگوں  کو نشانہ بنایا جو اپنے بچوں  کی پیٹ کی آگ بجھانے کیلئے امداد حاصل کرنے کے مقصد سے قطار میں  لگے ہوئے تھے۔ بدھ کے اس حملے میں  ۱۱؍ افراد کی شہادت کی تصدیق ہوئی ہے جس کے بعد ...

انڈونیشیا میں سیلاب اور چٹان کھسکنے سے تباہی، 19 افراد ہلاک ،متعدد زخمی

انڈونیشیا کے جزیرے سماترا میں مسلسل بارش نے سیلاب اور چٹان کھسکنے سے بڑے پیمانے پرتباہی ہوئی ہے۔ اس دوران 5سے زائد گھر دب گئے۔ مکانات کے ملبے سے12 لاشیں نکالی گئیں اور 7افراد کو شدید زخمی حالت میں اسپتال پہنچایا گیا۔ ملبے سے دیگر 6 افراد کو بحفاظت نکالا گیا جبکہ5 افراد اب تک ...