آئی پی ایل 2021: راجستھان رائلس نے دلچسپ مقابلہ میں دہلی کیپیٹلس کو دی شکست

Source: S.O. News Service | Published on 16th April 2021, 3:49 PM | اسپورٹس |

ممبئی، 16؍اپریل (ایس او نیوز؍ایجنسی) راجستھان رائلس نےانتہائی دلچسپ مقابلہ میں دہلی کیپیٹلس کو تین وکٹ سے شکست دی ۔پہلے کھیلتےہوئے دہلی کیپیٹلس نے 20 اوور میں147 رن بنائے جو راجستھا ن رائلس نے آخری اوور کی چوتھی گیند پر بنا لئے اوراس نے یہ ہدف حاصل کرنے میں سات وکٹ گنوائے ۔

راجستھان رائلس کے ڈیوڈ ملر نے 62 رن بنائے اور کرس مارس نے 36 رن بنائے اور مارس نے جیت کے لئےآخری اوور کی چوتھی گیند پر چھکالگایا۔ملر نے 36 گیندو پر سات چوکےاور د و چھکے لگائےجبکہ مارس نے 18 گیندوںپر 36 رن بنائے۔

راجستھان رائلس کی شروعات بہت خراب رہی اور اس کی آدھی ٹیم 42 رن پر ہی پویلئن میں واپس لوٹ گئی تھی لیکن پانچوے نمبر پرمیدان میں آئے ملر نےشاندار بلے بازی کی اور 62 رن بنائے۔اس سے قبل بائیں ہاتھ کے تیز گیند باز جے دیو اونادکٹ کی شاندار گیندبازی کی بدولت راجستھان رائلس نے دہلی کیپیٹلس کی مضبوط بلے بازی کو آئی پی ایل 14 کے مقابلے میں آٹھ وکٹ پر 147 رن پر روک دیا انہوں نے 15 رن دے کر تین وکٹ لئے۔

راجستھان رائلس نے ٹاس جیت کر پہلے فیلڈنگ کرنے کا فیصلہ کیا۔ اونادکٹ نے شاندار گیندبازی کرتے ہوئے اپنے پہلے تین اوور میں دہلی کے سرفہرست تین بلے بازوں کو پویلین بھیج دیا۔ کپتان رشبھ پنت نے 32 گیندوں پر نو چوکوں کی مدد سے 51 رن کی شاندار نصف سنچری والی پاری کھیلی جس سے دہلی کی ٹیم کچھ لڑنے لائق اسکور تک پہنچ سکی۔

للت یادو نے 20، ٹام کرین نے 23 اور کرس ووکس نے ناٹ آؤٹ 15 رن بنا کر دہلی کے اسکور کو کچھ ٹھیک کیا۔ مارکس اسٹائنِس کھاتہ کھولے بغیر مستفیض الرحمٰن کا شکار ہو گئے۔ آر اشون سات رن بنا کر ناٹ آؤٹ رہے جبکہ کَیگیسو ربادا نو رن بنا کر ناٹ آؤٹ رہے۔ پنت نے للت یادو کے ساتھ پانچویں وکٹ کے لیے 41 رن کی شراکت داری کی۔

اونادکٹ نے پاری کے اپنے دوسرے اور پہلے اوور میں پرتھوی شا (2) کو، اگلے اوور میں شیکھر دھون (9) کو اور اجنکیا رہانے (8) کو آؤٹ کرکے دہلی کا اسکور تین وکٹ پر 36 رن کر دیا۔ اسٹائنِس چوتھے بلے باز کے طور پر ٹیم کے 37 کے اسکور پر آؤٹ ہوئے۔ اس کے بعد پنت نے دہلی کی پاری کو للت یادو کے ساتھ سنبھالا لیکن اپنی نصف سنچری پوری کرنے کے بعد وہ ریان پراگ کے تھرو پر رن آؤٹ ہو گئے۔ للت یادو ٹیم کے 100 کے اسکور پر آؤٹ ہوئے۔ ٹام کرین دہلی کے 128 اور آر اشون 136 کے اسکور پر آؤٹ ہوئے۔

راجستھان کی جانب سے اونادکٹ نے 15 رن پر تین وکٹ، مستفیض نے 29 رن پر دو وکٹ اور مورِس نے 27 رن دے کر ایک وکٹ لیا۔

ایک نظر اس پر بھی

آئی پی ایل 2021: دہلی کیپٹلس چھٹی جیت کے ساتھ ٹاپ پر ، پنجاب کنگس کو پانچویں شکست

سلامی بلے باز شیکھر دھون کے بہترین 69 رن اور شمرن ہیٹمائر کے زوردار 16 رنوں کی بدولت دہلی کیپیٹل نے پنجاب کنگس کو یہاں نریندر مودی اسٹیڈیم میں اتوار کے روز آئی پی ایل مقابلے میں سات وکٹ سے شکست دیکر فہرست میں 12 پوائنٹ کے ساتھ پہلا مقام حاصل کرلیا ۔

آئی پی ایل 2021: جوس بٹلر کی سنچری سے راجستھان رائلس کی تیسری جیت ، سن رائزرس حیدرآباد کی چھٹی ہار

سلامی بلے باز جوس بٹلر (124) کی شاندار اور جارحانہ سنچری سے راجستھان رائلس نے سن رائزرس حیدرآباد کو اتوار کے روز یہاں ارون جیٹلی اسٹیڈیم میں آئی پی ایل مقابلے میں اتوار کے روز یکطرفہ انداز میں 55 رن سے شکست دی ۔

آئی پی ایل 2021 : پولارڈ کی دھماکہ دار اننگز سے ممبئی انڈینس نے چنئی سپرکنگس کو دی شکست

  جارح بلے باز کیرون پولارڈ نے ناٹ آؤٹ 87 رن کی زبردست اننگز کھیل کر ممبئی انڈینس کے چنئی سپر کنگس کےخلاف سنیچر کو یہاں ارون جیٹلی اسٹیڈیم میں کھیلے گئے آئی پی ایل مقابلے میں آخری گیند پر چار وکٹ سے دلچسپ جیت دلادی ۔

آئی پی ایل 2021 : پنجاب نے بنگلورو کو 34 رن سے ہرایا ، راہل کے بعد چمکے ہرپریت برابر

  کپتان لوکیش راہل کی ناٹ آؤٹ 91 رن کی شاندار اننگز اور لیفٹ آرم ہرپریت برار (19 رن پر تین وکٹ) کی بہترین گیند بازی کی بدولت پنجاب کنگس نے رائل چیلنجرز بنگلورو کو جمعہ کو یہاں نریندر مودی اسٹیڈیم میں آئی پی ایل مقابلے میں 34 رن سے شکست کا سامنا کرنے پر مجبور کردیا۔

آئی پی ایل 2021: چنئی سپرکنگس کی لگاتار پانچویں جیت ، حیدرآباد کی چھ میچوں میں پانچویں شکست

سلامی بلے بازوں رتوراج گائیکواڑ (75) اور فاف ڈو پلیسس (56) کی شاندار نصف سنچری اور ان کے درمیان 129 رن کی اوپننگ شراکت داری کی بدولت چنئی سپر کنگس نے سن رائزر حیدر آباد کو بدھ کے روز آئی پی ایل مقابلے میں یکطرفہ انداز میں سات وکٹ سے شکست دیدی ۔