آئی پی ایل 2021: کولکاتہ تیسری مرتبہ آئی پی ایل کے فائنل میں ، راہل ترپاٹھی نے چھکا لگا کر دلائی جیت

Source: S.O. News Service | Published on 14th October 2021, 12:44 PM | اسپورٹس | ان خبروں کو پڑھنا مت بھولئے |

شارجہ ،14؍اکتوبر (ایس او نیوز؍ایجنسی)  آئی پی ایل 2021 کا خطابی مقابلہ اب کولکاتہ نائٹ رائیڈرس اور چنئی سپرکنگس کے درمیان کھیلا جائے گا ۔ کے کے آر نے کوالیفائر 2 کے میچ میں دہلی کیپیٹلز کو 3 وکٹوں سے شکست دیدی ہے ۔ دہلی کی ٹیم پوائنٹس ٹیبل پر سرفہرست رہی تھی اور اس کو کوالیفائر 1 میں چنئی سپرکنگس نے شکست دی تھی ۔ میچ میں پہلے کھیلتے ہوئے دہلی نے 5 وکٹوں پر 135 رنز بنائے۔ جواب میں کے کے آر نے 19.5 اوورز میں 7 وکٹیں گنواکر ہدف کو حاصل کرلیا۔ سلامی بلے باز وینکٹیش ایئر نے 55 جبکہ شبھمن گل نے 45 رنز بنائے ۔ فائنل میچ 15 اکتوبر کو کھیلا جائے گا۔

کے کے آر نے ہدف کا تعاقب کرتے ہوئے شاندار آغاز کیا ۔ وینکٹیش ایئر (55) اور شبھمن گل (46) نے پہلی وکٹ کے لیے 12.2 اوورس 96 رن بنا کر ٹیم کی جیت تقریبا طے کردی ۔ پہلے 6 اوورس میں ٹیم نے کوئی وکٹ گنوائے بغیر 51 رنز بنائے ۔ ایئر کی سیزن کی یہ تیسری نصف سنچری ہے ۔ وہ پہلی مرتبہ ٹی 20 لیگ کھیل رہے ہیں اور انہوں نے 300 سے زائد رنز بنائے ہیں۔ اسٹرائیک ریٹ 125 کا ہے۔

وینکٹیش ایئر نے 38 گیندوں پر اپنی نصف سنچری مکمل کی ۔ 3 چوکے اور 3 چھکے لگائے ۔ ان کو کگیسو ربادا نے آؤٹ کیا ۔ اس کے بعد نتیش رانا (13) نے گل کے ساتھ دوسری وکٹ کیلئے 27 رنوں کا اضافہ کیا ۔ اشون نے 15 ویں اوور کی پہلی گیند پر رانا کا کیچ چھوڑ دیا ، اس وقت وہ 9 رنز پر کھیل رہے تھے۔ لیکن وہ کوئی بڑی اننگز نہیں کھیل سکے اور نارکیا کی گیند پر آوٹ ہوگئے ۔ دوسری وکٹ 123 رنوں کے مجموعی اسکور پر گری ۔ اس کے بعد گل بھی آویش خان کی گیند پر پویلین لوٹ گئے ۔

اس کے بعد دنیش کارتک صفر پر ربادا کی گیند پر بولڈ ہو گئے ۔ ٹیم 3 رنوں میں 3 وکٹیں گنوا چکی تھی ۔ 18 ویں اوور میں ربادا نے صرف ایک رن دیا اور کارتک کی وکٹ حاصل کی ۔ کے کے آر آخری دو اوورس میں 10 رنز بنانے تھے۔ 19 ویں اوور میں نرکیا نے صرف 3 رنز دئے اور مورگن (0) کی وکٹ بھی حاصل کی ۔ کے کے آر کو آخری اوور میں 7 رنز بنانے تھے۔ اشون نے 20 واں اوور پھینکا۔ راہل نے پہلی گیند پر ایک رن بنایا ۔ شکیب دوسری گیند پر کوئی رن نہیں بناسکے اور تیسری گیند پر شکیب (0) ایل بی ڈبلیو آوٹ ہوگئے ۔ اب 3 گیندوں پر 6 رنوں کی ضرورت تھی ۔ نارائن (0) بھی چوتھی گیند پر آؤٹ ہوگئے ۔ راہل ترپاٹھی نے 5 ویں گیند پر چھکا لگا کر کے کے آر کو فتح دلائی ۔ وہ 11 گیندوں پر 12 رن بنا کر ناٹ آوٹ رہے ۔ ٹیم نے 19.5 اوورس میں ہدف کو حاصل کرلیا۔

ایک نظر اس پر بھی

ٹی-20 ورلڈ کپ: پاکستان نے ہندوستان کو 10 وکٹوں سے شکست دی

پاکستان نے اپنے اوپنرز کپتان بابر اعظم (ناٹ آؤٹ 68) اور محمد رضوان (ناٹ آؤٹ 79) کی شاندار نصف سنچریوں اور 152 رنوں کی ریکارڈ اوپننگ پارٹنرشپ کی مدد سے آئی سی سی ٹی-20 ورلڈ کپ میں ہندوستان کو یکطرفہ انداز میں 10 وکٹوں سے شکست دے کر ورلڈ کپ میں مسلسل پانچ میچوں میں شکست کھانے کا سلسلہ توڑ ...

ٹی۔ 20 ورلڈ کپ: جنوبی افریقہ کو پانچ وکٹوں سے شکست دے کر آسٹریلیا کا فاتحانہ آغاز

آسٹریلیا نے ہفتہ کے روز اپنے گیندبازوں کی شاندار کارکردگی کی بدولت یہاں ٹی 20 ورلڈ کپ 2021 کے افتتاحی میچ میں جنوبی افریقہ کو پانچ وکٹوں سے شکست دے کر پورے پوائنٹس حاصل کئے۔ آسٹریلیا نےجنوبی افریقہ کو گروپ 1 کے اس مقابلے میں نو وکٹوں پر 118 رن کے معمولی اسکور پر روکنے کے بعد 19.4 اوور ...

آئی پی ایل فائنل میں چنئی نے دی کولکاتا نائٹ رائڈرس کو شکست، چنئی بنا چوتھی مرتبہ آئی پی ایل چیمپئن

سلامی بلے باز ڈو پلیسسز (86) کی بہترین نصف سنچری کے ساتھ روبن اتھپا کے (31) اور معین علی کے (ناٹ آؤٹ37) کی جارحانہ اننگز کے نتیجے میں چنئی سپر کنگس نے کولکاتا نائٹ رائڈرس کو  27 رنوں سے شکست دے دی اور چوتھی بار آئی پی ایل چمپئن بننے کا فخر حاصل کرلیا۔ 

منگلورو:  اُروا پولس تھانہ سب انسپکٹر اور ہیڈ کانسٹبل معطل : دستاویزات پر غیر قانونی طور پر دستخط لینے کا الزام

اپنے فرائض کی انجام دہی  کے دوران  کوتاہی برتنے کے الزام میں منگلورو سٹی پولس کمشنر این ششی کمار نے اُروا پولس تھانے کی  سب انسپکٹر شری کلا اور ہیڈ کانسٹبل پرمود کو معطل کردیا ہے۔

شاہ رخ خان بی جے پی میں شامل ہو تے ہی منشیات چینی بن جائے گی .این سی پی نےبی جے پی پرسادھا نشانہ،پوچھا ؛ گجرات بندرگاہ کے ڈرگس پرکیا کارروائی ہوئی؟

منشیات کے الزام میں جیل میں بند شاہ رُخ خان کے بیٹے آرین خان کے معاملے کو لے کر مہاراشٹرا کے وزیر چھگن بھجبل نے  بی جے پی پرسخت وار  کرتے ہوئے کہا کہ   اگر مشہور اداکار شاہ رُخ خان  زعفرانی پارٹی میں شامل ہو جاتے ہیں  تو منشیات چینی بن جائے گی۔

انکولہ : ہندوشمشان بھومی اتی کرم معاملہ کو لے کرمکینوں نے کیا احتجاج، کہا؛ مکینوں کو نکالا گیاتو کرلیں گے خودکشی

نکولہ میونسپالٹی حدود کی  شمشان زمین پر اتی کرم معاملےمیں نوٹس جاری کئے جانےکی سخت مذمت کرتےہوئے کوٹے واڑا کے مکینوں نے سنیچر کی شام اچانک احتجاجی دھرنا پر بیٹھ گئے اور اتی کرم کے نام پر  گھروں کو ڈھانےکی کوشش کرنے پر خود کشی کرلینےکا انتباہ  دے دیا۔