آئی پی ایل 2020: ڈیولیئرز اور کوہلی کی جوڑی نے کئی ریکارڈ توڑ ڈالے

Source: S.O. News Service | Published on 13th October 2020, 9:05 PM | اسپورٹس |

ابو ظہبی،13؍اکتوبر(ایس او نیوز؍ایجنسی) آئی پی ایل 2020 کے پیر کے روز کھیلے گئے مقابلہ میں رائل چیلنجرز بنگلور نے کولکاتا نائٹ رائیڈرز کو 82 رنز سے شکست دی۔ ڈی ولیئرز نے اس میچ میں 33 گیندوں پر 73 رنز کی دھماکہ خیز اننگ کھیلی۔ اس اننگز کے دوران انہوں نے 5 چوکے اور 6 چھکے لگائے۔ اس دوران بنگلور کے کپتان وراٹ کوہلی کریز پر ان کے ساتھ موجود رہے۔

کوہلی اور ڈی ولیئرز نے آخری 5 اوورز میں 83 رنز کا اضافہ کیا۔ بنگلور نے 20 اوورز میں دو وکٹوں کے نقصان پر 194 رنز بنائے۔ کولکاتا کی ٹیم لگاتار وکٹیں کھوتی ری اور پورے اوورز کھیلنے کے بعد 9 وکٹوں کے نقصان پر 112 رن ہی بنا سکی۔

اس میچ میں فتح کے ساتھ ہی کوہلی-ڈی ولیئرز کی جوڑی نے ایک خاص ریکارڈ اپنے نام کر لیا اور یہ جوڑی آئی پی ایل میں 10 مرتبہ سنچری کی شراکت داری کرنے والی جوڑی بن گئی۔ کولکاتا کے خلاف کھیلے گئے میچ میں وراٹ اور ڈی ولیئرز نے 47 گیندوں میں 100 رنز جوڑے۔ بنگلور کے لئے وراٹ کوہلی اور کرس گیل نے 9 مرتبہ سنچری کی شراکت داری کی ہے۔

وہیں، شکھر دھون اور ڈیوڈ وارنر نے سن رائزرس حیدرآباد کے لئے کھیلتے ہوئے چھ مرتبہ سنچری کی شراکتیں کی ہیں۔ حیدرآباد کی موجودہ اوپننگ جوڑی ڈیوڈ وارنر اور جانی بیئرسٹو نے بھی 5 مرتبہ سنچری کی شراکت داری کی ہے۔ کوہلی نے شراکت داری کے معاملے میں اپنا ہی ریکارڈ توڑا ہے اور ایک نیا ریکارڈ اپنے نام کر لیا۔

کوہلی اور ڈی ولیئرز کی جوڑی 3000 رنز بنانے والی آئی پی ایل کی تاریخ کی پہلی جوڑی بھی بن گئی ہے۔ کوہلی اور گیل نے مل کر 2782 رنز بنائے ہیں۔ جبکہ دھون اور وارنر نے 2357 رنز بنائے ہیں۔ کوہلی نے اس میچ میں 28 گیندوں پر ناٹ آؤٹ 33 رنز بنائے جبکہ ڈی ولیئرز کو عمدہ بلے بازی کے لئے ’مین آف دی میچ‘ کے ایوارڈ سے نوازا گیا۔

ایک نظر اس پر بھی

حیدرآباد نے آئی پی ایل کا سب سے بڑا اسکور بنایا ، ممبئی کو 31 رنز سے دی بری طرح شکست

آئی پی ایل 2024 کے 8ویں میچ میں سن رائزرز حیدرآباد نے ممبئی انڈینز کو 31 رنز سے شکست دے دی۔ میچ میں حیدرآباد نے پہلے بیٹنگ کرتے ہوئے مقررہ 20 اوورز میں 3 وکٹوں پر 277 رنز بنائے۔ جواب میں ممبئی کی ٹیم 20 اوورز میں 246/5 ​​رنز ہی بنا سکی۔ تلک ورما نے ممبئی کے لیے کافی دیر کوشش کی اور 64 رنز کی ...

آئی پی ایل 2024: دفاعی چمپئن چنئی نے جیت کے ساتھ کیا آغاز، بنگلورو کو 6 وکٹ سے ملی شکست

آج آئی پی ایل 2024 کا پہلا میچ دفاعی چمپئن چنئی سپرکنگز (سی ایس کے) اور رائل چیلنجرس بنگلور (آر سی بی) کے درمیان کھیلا گیا جس میں چنئی کو 6 وکٹ سے جیت ہاتھ لگی ہے۔ بنگلورو نے چنئی کے سامنے جیت کے لیے 174 رنوں کا ہدف رکھا تھا جسے اس نے 18.4 اوورس میں محض 4 وکٹ کے نقصان پر حاصل کر لیا۔ اس ...

ہندوستان نے پانچویں ٹیسٹ میں انگلینڈ کو اننگ اور 64 رن سے شکست ، سیریز پر 4-1 سے قبضہ

دھرم شالہ میں کھیلے جا رہے پانچویں ٹیسٹ میچ میں ہندوستان نے انگلینڈ کو اننگز اور 64 رنز سےشکست دی  ہے۔ اس طرح ہندوستان نے سیریز 4-1 سے جیت لی۔ ہندوستانی ٹیم نے میچ کے تیسرے دن انگلینڈ کو بڑی شکست دی۔ انگلینڈ کی ٹیم دوسری اننگز میں بھی بری طرح لڑکھڑا گئی۔ صرف جو روٹ ہی بلے سے کچھ ...

ہندوستان نے دوسرے ٹیسٹ میں انگلینڈ کو 106 رنوں سے دی شکست، سیریز 1-1 سے برابر

) ہندوستان نے پہلے ٹیسٹ میچ میں انگلینڈ سے ملی شکست کا بدلہ آج وشاکھاٹنم میں لے کر سیریز کو 1-1 سے برابر کر دیا ہے۔ 5 ٹیسٹ میچوں کی سیریز کا دوسرا ٹیسٹ ہندوستان نے 106 رنوں سے جیت لیا ہے۔ اس جیت کے ہیرو پلیئر آف دی میچ جسپریت بمراہ رہے جنھوں نے دونوں اننگ میں مجموعی طور پر 9 ...

کیپ ٹاؤن میں ہندوستان کی جنوبی افریقہ پر تاریخی فتح، میچ دوسرے ہی دن ختم، ٹیسٹ سیریز 1-1 سے برابر

ہندوستانی مینس کرکٹ ٹیم نے 2024 کا آغاز ایک شاندار اور ریکارڈ ساز جیت کے ساتھ کیا ہے۔ کیپ ٹاؤن کے نیولینڈس میں 3 جنوری سے شروع ہوا ٹیسٹ میچ 4 جنوری یعنی دوسرے دن ہی ختم ہو گیا۔ ہندوستان کو جیت کے لیے دوسری اننگ میں 79 رنوں کا ہدف ملا تھا جسے روہت بریگیڈ نے محض 3 وکٹ کے نقصان پر حاصل ...

جنوبی آفریقہ نے پہلے ٹیسٹ میں انڈیا کو دی ایک اننگ اور 32 رنوں سے شکست

جنوبی افریقہ کے خلاف دو ٹیسٹ میچوں کی سیریز کا پہلا ٹیسٹ ہندوستانی ٹیم ایک اننگ اور 32 رنوں سے ہار گئی ہے۔ اس شرمناک شکست کا ذمہ دار ہندوستانی بلے باز اور گیندبازوں دونوں رہے، کیونکہ پہلی اننگ میں کسی طرح 245 رن کا اسکور بنانے کے بعد ہندوستانی ٹیم دوسری اننگ میں محض 131 رنوں پر ...