آئی پی ایل 2019: دلچسپ میچ میں آخری گیند پرچنئی کو شکست دے کرممبئی انڈینس چمپئن

Source: S.O. News Service | By Shahid Mukhtesar | Published on 13th May 2019, 12:31 PM | اسپورٹس |

حیدرآباد،13؍مئی (ایس او نیوز؍ایجنسی) آئی پی ایل 2019 کے فائنل میں دلچسپ میچ میں ممبئی انڈینس نے آخری گیند پرچنئی سپرکنگس کو شکست دے کرخطاب پرقبضہ کرلیا۔ روہت شرما کی قیادت میں ممبئی انڈینس ایک بارپھرچمپئن بن گئی۔ ممبئی انڈینس چوتھی بارچمپئن بنی ہے۔ آئی پی ایل 12 کے فائنل میں ممبئی انڈینس نے چنئی سپرکنگس کو ایک رنوں سے شکست دے کرآئی پی ایل پرقبضہ کرلیا۔

ممبئی انڈینس چوتھی بارچمپئن بنی۔ آخری گیند پرچنئی سپرکنگس کودورنوں کی ضرورت تھی، لیکن لست ملنگا نے شاردل ٹھاکرکو ایل بی ڈبلیوآوٹ کرکے ممبئی کوجیت دلا دی۔ ممبئی انڈینس نے چنئی سپرکنگس کو150 رنوں کا ہدف دیا تھا۔ جواب میں چنئی کی ٹیم 148 رن ہی بناسکی اورچمپئن کا خطاب ممبئی نے جیت لیا۔

اس سے قبل ممبئی انڈینس نے حیدرآباد میں کھیلے جارہے فائنل میچ میں پہلے بلے بازی کرتے ہوئے 20 اوورمیں 8 وکٹ کے نقصان پر149 رن بنائے تھے۔ جس کے جواب میں چنئی سپرکنگس کی ٹیم 148 رن بناسکی اوراسے ایک رن سے شکست کا سامنا کرنا پڑا۔ چنئی سپرکنگس کے لئے شین واٹسن نے سب سے زیادہ 80 رنوں کی اننگ کھیلی۔ فاف ڈوپلیسی نے 26 رن بنائے، ممبئی انڈینس کے لئے جسپریت بمراہ نے دووکٹ لئے، کنال پانڈیا، راہل چہر اورلست ملنگا نے ایک ایک وکٹ حاصل کئے۔

اس سے قبل ممبئی انڈینس کے لئے سب سے زیادہ 25 گیندوں میں ناٹ آوٹ 41 رن کیرون پولارڈ نے بنائے۔ سلامی بلے باز ڈی کاک 29 رن بناکرشاردل ٹھاکرکا شکاربنے۔ اس کے بعد اگلے ہی اوورمیں روہت شرما بھی دیپک چہرکی گیند پردھونی کوکیچ تھما بیٹھے۔ روہت شرما نے 15 رن بنائے۔ سوریہ کماریادو 15 اورکنال پانڈیا نے 7 رن پرآوٹ ہوئے۔ اس کے بعد ایشان کشن 23 رن بناکرآوٹ ہوئے۔ ہاردک پانڈیا بھی 16 رن بناکرآوٹ ہوئے۔ دیپک چہر کوتین، شاردل ٹھاکرکودو اورعمران طاہرنے بھی دو وکٹ جھٹکے۔

ایک نظر اس پر بھی

جرمن ڈفینڈر ڈيالو نے پی ایس جی کے ساتھ کیا 5 سال کا معاہدہ

فرانس لیگ کی چیمپئن پیرس سینٹ جرمین نے فرینچ ڈیفنڈربنڈیس ليگا ابڈو ڈيالو سے پانچ سال کے لیے معاہدہ کیا ہے اور وہ کلب کے ساتھ اب 30 جون 2024 تک وابستہ رہیں گے۔ڈیالو کو اس معاہدہ کے تحت کلب 29 ملین پاؤنڈس دے گا جو ہندوستانی کرنسی کے حساب سے 2478112878 روپے ہوں گے۔

 ورلڈ کپ پا کر انگلینڈ جھوم اُٹھا مگر فتح کے فارمولہ پر تنقیدیں ، آئی سی سی کو متنازع ضابطے پر نظرثانی کا مشورہ دیا 

اتوار کو اعصاب شکن میچ میں انگلینڈ کی فتح سے جہاں پورا برطانیہ جھوم اٹھا ہے اور ملک بھر میں جشن کا ماحول ہے وہیں انٹر ننشنل کرکٹ کونسل (آئی سی سی ) کا وہ ضابطہ تنقیدوں کی زد پر آگیا ہے جس کی وجہ سے میچ اور بعد میں سُوپر اوور کے بھی ٹائی ہونے کے باوجودانگلینڈ کو فاتح قرار دیا گیا۔ ...

ورلڈ کپ کرکٹ ٹورنامنٹ کا فائنل بے حد دلچسپ؛ ٹائی ہونے کے بعد سوپر اوور میں بھی اسکور برابر؛ باونڈریس زائد ہونے پر انگلینڈ پہلی مرتبہ بنا ورلڈ چیمپئن

لندن کے لارڈس میدان میں منعقد ورلڈ کپ 2019 کرکٹ ٹورنامنٹ کا فائنل میچ ڈرامائی انداز میں ٹائی ہونے کے بعد  انگلینڈ  نے سوپر اوور کے بعد نیوزی لینڈ کو سنسنی خیز مقابلے   میں شکست دے دی اور پہلی بار عالمی کپ جیتنے میں کامیاب ہوگئی۔ فائنل مقابلہ اتنا دلچسپ اور کانٹے کا رہا کہ  ...