نئی دہلی،16؍اکتوبر (ایس او نیوز؍یو این آئی) آئی این ایکس میڈیا معاملہ میں سپریم کورٹ میں سابق مرکزی وزیر پی چدمبرم کی ضمانت کی عرضی پر سماعت چہارشنبہ تک ملتوی ہوگئی-جج آر بھانومتی کی صدارت والی بنچ کو مرکزی تفتیشی بیورو کی طرف سے آج بتایا گیا کہ سالیسٹر جنرل تشار مہتہ تحویل اراضی معاملہ سے متعلق ایک معاملہ کی سماعت میں مصروف ہیں اس لئے جانچ ایجنسی کو اپنے دلائل رکھنے کے لئے کل کا وقت دیا جائے - اس کے بعد بنچ نے سماعت چہارشنبہ تک کے لئے ملتوی کردی-اس سے پہلے چدمبرم کی طرف سے پیش سینئر وکیل کپل سبل اور ابھیشیک منو سنگھوی نے دلائل پیش کیں -

انہوں نے کہاکہ مسٹر چدمبرم واور ان کے رشتہ داروں کے کبھی بھی معاملہ کے گواہوں کو متاثر کرنے کی کوشش نہیں کی-سابق مرکزی وزیر نے دہلی ہائی کورٹ کے ذریعہ ضمانت کی عرضی خارج کئے جانے کو عدالت عظمی میں چیلنج کیا ہے -