اڈپی : بین الریاستی چور گرفتار ۔ مسروقہ موٹر بائکس، موبائل فون اور نقدی برآمد

Source: S.O. News Service | By I.G. Bhatkali | Published on 13th October 2021, 8:07 PM | ساحلی خبریں |

اُڈپی 13/ اکتوبر (ایس او نیوز) بنانجے کے منجوناتھ آئی ہاسپٹل میں گھس کر رقم چوری کیے جانے کی تحقیقات کر رہی  پولیس ٹیم نے سریش پجاری کو گرفتار کر لیا جس کے قبضے سے 2 موٹر بائکس اور 4,32,000 روپے نقد بھی  برآمد کرلئے ہیں۔

    بتایا جاتا ہے کہ منجوناتھ آئی ہاسپٹل کی ڈاکٹر شکیلہ سچن کی طرف سے 23 ستمبر کو پولیس کے پاس شکایت درج کروائی گئی تھی کہ کسی نے رات کے وقت ہاسپٹل کا شٹر توڑ کر اندر گھسنے کے بعد ٹیبل کی دراز میں موجود 4,74,500  روپے چرائے ہیں اور چور اپنے ساتھ میں سی سی ٹی وی ڈی وی آر بھی اٹھا لے گئے ہیں ۔

    پولیس کی تحقیقاتی ٹیم نے آس پاس کی دکانوں اور عمارت میں موجود دوسرے سی سی ٹی وی کیمروں کی مدد سے چور کا جو خاکہ بنایا وہ کیرالہ کے ایک کیس میں ملوث سریش پجاری سے مطابقت رکھتا تھا ۔ اس بنیاد پر اڈپی کے ایس آر ٹی سی بس اسٹینڈ کے پاس اسے حراست میں لیا گیا ۔ 

    پوچھ تاچھ اور تفتیش کے دوران پتہ چلا ہے کہ سریش پجاری چوری کے بہت سے معاملات میں ملوث ہے ۔ اس نے منجو ناتھ ہاسپٹل میں چور ی کے علاوہ ملپے اور گراڈی  میں بائکس چوری کرنے کا اعتراف کیا ۔ اس کے بعد اس کے  قبضے سے مسروقہ رقم میں سے 4,32,000 روپے نقد،  دو موبائل فون اور دو بائکس برآمد کیے گئے ۔ 

    معلوم ہوا ہے کہ کارکلا کے رہنے والے  سریش پجاری پر کیرالہ کے علاوہ اڈپی، جنوبی کینرا، داونگیرے اور بیلگاوی کے پولیس اسٹیشنوں میں جملہ 11 معاملے درج ہیں ۔
 

ایک نظر اس پر بھی

بھٹکل کے اعلیٰ افسران کے خلاف ہتک ذات مقدمہ درج ہونے کا معاملہ : سرکاری ملازمین سنگھا کی کڑی مذمت

18اکتوبر کو بھٹکل میونسپالٹی کے دکانوں کی نیلامی میں شریک ہوئے بھٹکل اسسٹنٹ کمشنر، تحصیلدار اور چیف آفیسر کے خلاف بغیر کسی وجہ کے ، غیرقانونی طورپر ہتک ذات کا معاملہ درج کئےجانے کی کرناٹکا ملازمین سنگھ بھٹکل شاخ نے مذمت کی ہے۔

کاروار: طلبا اور روزگار وں کےلئے تعلقہ ، ضلعی ، ریاستی اور قومی سطح کا تقریری مقابلہ : 18سے 29سال کی عمر والے توجہ دیں؛ قومی سطح پر اول آنے پر دولاکھ روپیہ انعام

یوتھ اینڈ اسپورٹس وزارت کے تعاون سے نہرو یوا کیندر کی جانب سے تعلقہ ، ضلع، ریاستی اور قومی سطح پر ہندی اور انگریزی زبانوں میں  تقریری مقابلوں کا انعقاد کئے جانے نہرو یوا کیندر کے ذمہ داروں نے پریس ریلیز کے ذریعے جانکاری دی ہے۔

بھٹکل جماعت اسلامی ہند اور سدبھاؤنا منچ بھٹکل کے اشتراک سے’حضرت محمد  ﷺ مثالی رہنما‘ کے عنوان پر پروگرام کا انعقاد

آخری نبی حضرت محمد ﷺ کی تعلیمات کو ریاستی عوام کے سامنے پیش کرنےکی غرض وغایت لے کر جماعت اسلامی ہند کرناٹکا کی طرف سے 17سے 26اکتوبر تک منائی جارہی ’سیرتؐ مہم ‘ کی مناسبت سے بھٹکل کے دعوت سنٹر میں 26اکتوبر بروزمنگل کو  منعقدہ سیرت پروگرام میں مقررین نے اپنے خیالات کا اظہار ...

بھٹکل ہیبلے گرام پنچایت انتظامیہ پر رشوت خوری کا الزام : خصوصی میٹنگ میں الزام ثابت کرنے کا مطالبہ

تعلقہ کے ہیبلے گرام پنچایت کے چند ممبران نے گرام پنچایت انتظامیہ  پر رشوت خوری کا الزام عائد کئےجانےکو لےکر ہیبلے پنچایت ہال میں پنچایت ممبران کی  خصوصی میٹنگ منعقد ہوئی ۔