مرڈیشور کے ساحل پر بین الاقوامی یوم ِصفائی مہم پروگرام کا انعقاد
بھٹکل:21؍ستمبر(ایس اؤ نیوز)اترکنڑا ضلع انتظامیہ ، تعلقہ انتظامیہ بھٹکل ، تعلقہ پنچایت بھٹکل ، بلدیہ بھٹکل اور جالی پنچایت کے اشتراک سے بین الاقوامی یوم ِ صفائیٔ ساحل کا پروگرام مرڈیشور سمندر کے ساحل پر سنیچر کومنعقد کیا گیا۔
پروگرام کا افتتاح کرتے ہوئے بھٹکل اسسٹنٹ کمشنر ساجد ملا نے کہاکہ صفائی صرف ایک دن کی شوبازی نہ ہو، بلکہ وہ ہماری تہذیب کا حصہ بنے ، بھارت میں صفائی ستھرائی کوترجیح دی جارہی ہے جس پر ہمیں فخر ہونا چاہئے۔ مرڈیشور ساحل کو سیاحوں کا دھیان رکھتے ہوئے صاف رکھنا بہت ضروری ہے اور ہم سب کی یہ ذمہ داری بھی ہے۔ انہوں نے صفائی مہم میں شریک سبھی محکمہ جات کے افسران اور عملہ کو مبارکباد دی۔
تحصیلدار وی پی کوٹرولی، بلدیہ چیف آفیسر دیوراج، جالی پنچایت کارگزار چیف آفیسر وینوگوپال شاستری، تعلقہ پنچایت افسر لکشمی نارائن سوامی ، بی ای اؤ منجی، ہیسکام انجنئیر منجوناتھ، ضلع پنچایت انجنئیر فیاض، کوسٹل سکیورٹی انسپکٹر سریش نایک، ہوناور پنچایت چیف آفیسر این ایم میستاسمیت 100 سےز ائد لوگ صفائی مہم میں شریک تھے۔