سائبرکرائم پرقابوپانے کیلئے سخت اقداما ت کئے جارہے ہیں: وزیرداخلہ ارگاگیانیندرا

Source: S.O. News Service | Published on 23rd August 2021, 12:35 AM | ریاستی خبریں |

بنگلورو،22؍اگست(ایس او نیوز) ریاستی وزیرداخلہ ارگاگیانیندرانے کہاکہ سائبرکرائم،غنڈہ گردی،منشیات کی اسمگلنگ اورریئل یسٹیٹ دھندہ کرنے والوں کے خلاف سخت کارروائی کرنے کی پولیس کوہدایت دی گئی ہے۔

بروزہفتہ شیموگہ میں اخباری نمائندوں سے بات چیت کے دوران انہوں نے کہاکہ ریاست میں سائبرکرائم ڈپارٹمنٹ کومضبوط کیاجارہاہے۔سائبرکرائم کے لیے درکارسافٹ ویئراوروسائل نصب کئے گئے ہیں۔ریاست کی پولیس کوجرائم کے معاملات تیزرفتاری سے تفتیش اورحل کرتے ہوئے ملزموں کوگرفتارکرنے کے لیے انفوسیس سے تعاون لیاجارہاہے۔اس کے لیے پولیس کوخصوصی تربیت بھی دی جارہی ہے،بیرون ریاست کی پولیس بھی یہاں آکرتربیت حاصل کررہی ہے۔

انہوں نے مزیدکہاکہ بنگلورمیں غنڈہ گردی کی بیخ کنی کے لیے پولیس کوہدایت دی گئی ہے،پولیس افسررات دن محنت کرتے ہوئے غنڈہ عناصرکی کلاس لے رہے ہیں،ان کے گھروں اوراڈوں پرچھاپہ مارکارروائی بھی انجام دی جارہی ہے۔اس موقع پرانہوں نے مزیدکہاکہ افغانستان میں موجودکرناٹک والوں کی بحفاظت واپسی کے لیے اقدامات کئے جارہے ہیں۔مرکزی حکومت نے یہ ذمہ داری لی ہے۔مرکزکے ساتھ ہمارے رابطے ہیں۔ مرکز سے تعاون وبات چیت کے مقصدسے ہی ہم نے سی آئی ڈی کے اہم افسر اومیش کونوڈل افسر کے طورپرمقررکیاہے،یہ افسر اس سے پہلے کئی ملکوں میں بحفاظت واپسی کے کام میں شامل رہے ہیں۔اس لیے ان کونامزد کیاگیاہے، افغانستان میں پھنسے تیرتھ ہلی کے پادری سمیت تمام کی بحفاظت واپسی کویقینی بنایاجائے گا۔

ایک نظر اس پر بھی

ہبلی میں مبینہ تبدیلی مذہب کی مخالفت کرتے ہوئے شدت پسند ہندو تنظیموں کے کارکنوں نے چرچ کے اندر گھس کر گایا بھجن

ہبلی میں تبدیلی مذہب کی مخالفت کرتے ہوئے ہندو شدت پسند تنظیموں کے کارکنوں نے ایک چرچ کے اندر گھس کر بھجن گانا شروع کردیا جس کی وائرل ہونے والی ویڈیو میں درجنوں مرد و خواتین کو دیکھا گیا ہے کہ وہ کس طرح ہبلی کے بیری ڈیوارکوپا چرچ کے اندر بیٹھے ہاتھ جوڑ کر بھجن گارہے ہیں۔

ایڈی یورپاکی عوامی تحریکوں میں کروبا طبقے کاتعاون اہم رہاہے:راگھویندرا

تعلقہ میں بی ایس ایڈی یورپاکے تمام عوامی وفلاحی تحریکوں میں کروبا طبقہ کا تعاون اہم رہاہے،اس کے بدلے میں ایڈی یورپانے بھی اپنے دور اقتدار میں طبقے کی ترقی کیلئے جتنابھی ممکن ہوسکے کام کیا اور ہر طرح سے امداد فراہم کی۔یہ بات رکن پارلیمان بی وائی راگھویندرانے کہی۔

جے ڈی ایس ہی مسلمانوں کو سیاسی مستقبل کی ضمانت دے سکتی ہے: محیط الطاف

ریاستی اسمبلی میں اس وقت مسلم نمائندگی پر تشویش ظاہر کرتے ہوئے جے ڈی ایس لیڈر ونئی دہلی میں سابق خصوصی نمائندہ برائے کرناٹک ڈاکٹر سید محیط الطاف نے آج کہا کہ ریاست کرناٹک میں 45اسمبلی حلقے ایسے ہیں جہاں اگر مسلمان متحد ہوکر کام کریں تو مسلم امیدوار منتخب ہوسکتے ہیں اور 75اسمبلی ...

بنگلورومیں بارش کے ساتھ ڈینگی معاملات میں اضافہ، 15دنوں میں 177نئے کیس سمیت جملہ 717متاثرین

راجدھانی بنگلورومیں بارش کی مقدارمیں اضافہ ہوتاجارہاہے،سلسلہ وارحادثات بھی پیش آرہے ہیں،ا س کے ساتھ ڈینگی بخار کے معاملات میں اضافہ ہورہاہے۔برساتی موسم سے پہلے یعنی ماہ مئی میں 102ڈینگی معاملات دکھائی دئے تھے،اکتوبر میں اس تعدادمیں 717تک اضافہ ہوگیا،گزشتہ 15دنوں کے دوران ...