انڈونیشیا میں سیلاب اور تودے سے مرنے والوں کی تعداد 89 ہوئی

Source: S.O. News Service | By Shahid Mukhtesar | Published on 20th March 2019, 12:29 PM | عالمی خبریں | ان خبروں کو پڑھنا مت بھولئے |

جکارتہ،20؍مارچ (ایس او نیوز؍ یو این آئی )  انڈونیشیا کے مشرقی علاقے پاپوا میں سیلاب اور مٹی کے تودے گرنے سے مرنے والوں کی تعداد بڑھ کر 89 ہو گئی ہے اور لاپتہ 74 لوگوں کی تلاش کے لئے ریسکیو آپریشن چلایا جا رہا ہے۔ راحت رسانی مہم میں مصروف حکام نے منگل کو یہاں یہ اطلاع دی۔

نیشنل ڈیزاسٹر مینجمنٹ ایجنسی کے ترجمان ستوپو پروو نگروهو نے کہا کہ اختتام ہفتہ کے دوران ضلع جاياپورہ میں قدرتی آفت سے 84 لوگوں شدید زخمی اور 159 لوگوں زخمی ہو گئے تھے۔ مسٹر ستوپو نے ژنہواکو بتایا کہ " متاثرہ علاقوں میں متاثرین کی تعداد بڑھ رہی ہے"۔

ترجمان نے کہا کہ قدرتی آفت میں 6831 لوگوں کو مجبورا گھر چھوڑنا پڑا اور سیلاب اور مٹی کے تودے گرنے سے کل 350 گھروں، تین پلوں، آٹھ اسکول کی عمارتوں ، تین مذہبی عمارتیں منہدم ہو گئی ہیں۔

انہوں نے بتایا کہ ریسکیو ٹیم کے 1600 سے زائد اہلکاروں نے منگل کو دیگر ہنگامی امدادی گروپوں کے ساتھ تلاش اور راحت رسانی جاری رکھی۔

ایک نظر اس پر بھی