نجی چٹ فنڈ کمپنی سے 25/کروڑ روپئے کا گھپلہ 150 سرمایہ کاروں کی جانب سے شکایتیں، سب کی رقم لوٹانے ڈائرکٹر کا تیقن

Source: S.O. News Service | By Shahid Mukhtesar | Published on 4th May 2019, 2:24 PM | ریاستی خبریں | ان خبروں کو پڑھنا مت بھولئے |

بنگلورو،4/مئی (ایس او نیوز/ایجنسی) شہر کے اندرا نگر میں ایک نجی چٹ فنڈ کمپنی کی وجہ سے 150 سرمایہ کاروں کو 25 کروڑ روپئے تک کا دھوکہ ہوا ہے- کئی شکایتوں کے بعد رجسٹرار آف کوآپریٹیو سوسائٹیز نے اندرا نگر چٹ فنڈز پرائیویٹ لمیٹڈ نامی اس کمپنی کے خلاف معاملہ درج کیا ہے- محکمہ جاتی ذرائع نے بتایا کہ 150 سے زیادہ افراد نے گزشتہ کچھ سال سے کئی کروڑ روپئے کا سرمایہ اس کمپنی میں لگایا تھا- کمپنی کی جانب سے طے شدہ منافع دینے میں تاخیر پر انہیں کچھ شک ہوا- آخری قسط بھرنے کے باوجود منافع کی رقم نہ ملنے پر رجسٹرار آف کوآپریٹیو سوسائٹیز اینڈ چٹ فنڈز میں سرمایہ کاروں کی طرف سے شکایتوں کی بھرمار ہونے لگی-

جمعرات کو مشتعل سرمایہ کار ملیشورم کے مارگوسا روڈ پر واقع ڈپٹی رجسٹرار کے دفتر میں گھس پڑے- وہ ان کی مداخلت کا مطالبہ کررہے تھے-حالانکہ چٹ فنڈ کمپنی کے ساتھ آر بٹریشن کے لئے وقت لیا گیا تھا- لیکن ڈپٹی رجسٹرار غیر حاضر رہے- یہ بات بھی سرمایہ کاروں کا غصہ بڑھانے کا باعث رہی-بار بار فون کرنے پر ڈپٹی رجسٹرار اشوتھ نارائن نے انہیں بتایا کہ ایک کیس کے معاملہ میں وہ سی آئی ڈی کے پاس مصروف ہیں -مارتہلی میں مقیم ایک تاجر وی اننت نارائن ایّر (69) نے کہا کہ انہوں نے گزشتہ 40ماہ کے دوران ماہانہ 25 ہزار روپئے کے حساب سے 10لاکھ روپئے کا سرمایہ لگایا ہے- دسمبر 2018 کے دوران انہیں معلوم ہوا کہ کمپنی طے شدہ منافع دینے کے معاملے میں ٹال مٹول کررہی ہے- حالانکہ انہوں نے تمام قسطیں ادا کردی ہیں - ان سرمایہ کاروں میں چھوٹے موٹے دکان والوں سے لے کر بڑے ہوٹلوں، فرنیچر شورومس مالکان اور وظیفہ یاب سرکاری ملازمین بھی شامل ہ یں - ایک اور سرمایہ کار سرنیواس ایچ نے شکایت کی ہے- ”میں نے گزشتہ 5 سال کے دوران مختلف چٹس میں 69 لاکھ روپئے کا سرمایہ لگایا ہے“ مہیندر ورما نامی ایک اور فرد کاکہنا ہے ”مجھے نہیں لگتا کہ میری رقم واپس ملے گی- پھر بھی میں ان کے خلاف قانونی کارروائی کروں گا-“ اسی دوران اندرا نگر چٹ فنڈز پرائیویٹ لمیٹڈ کے ڈائرکٹروں میں سے ایک چندر شیکھر بابو نے کہا ”ہم کہیں نہیں گئے ہیں، ہم یہیں ہیں تاکہ ہر ایک کی رقم لوٹا سکیں، ہم نے حکومت اور سرمایہ کاروں پر اپنا موقف واضح کردیا ہے- کمپنی نے کاروبار جاری رکھنے بھاری قرضہ لے رکھا تھا- لیکن اب یہ ناکام ہوچکا ہے- ہم آر بڑیٹر اور ڈپٹی رجسٹرار کی بات سننے کے لئے موجود ہیں جو حکم دیں گے کہ سرمایہ کاروں کو رقم کیسے لوٹا ئی جائے- اس کی مناسبت سے ہم سب کو ان کی رقم لوٹا دیں گے-“ دریں اثنا اشوتھ نارائن نے بتایا کہ انہیں 150 شکایتیں موصول ہوئی ہیں اور انہوں نے اندرا نگر پولیس تھانہ میں معاملہ درج کروایا ہے-

ایک نظر اس پر بھی

بیدر میں گرلزاسلامک آرگنائزیشن کی جانب سے یومِ اُردو کا انعقاد؛ ”ایک قدم...اُُردو کی بقاء ترقی و ترویج کیلئے“

گرلز اسلامک آرگنائزیشن آف انڈیا کرناٹک (بیدریونٹ) کی جانب سے یومِ اُردو بعنوان ”ایک قدم...اُردو کی بقا ء ترقی و ترویج کیلئے“کا انعقاد بیدر میں منعقد ہوا  جس میں مہمانِ خصوصی کی حیثیت سے خطاب کرتے ہوئے محترمہ ڈاکٹر سرورعرفانہ سی آر پی بھا لکی محکمہ تعلیمات عامہ بیدر نے کہا کہ ...

ریاست میں ڈینگو بخار سے عوام پریشان : جنوری سے ابھی تک 14757افراد ڈینگو میں مبتلا

ریاست میں ڈینگو بخار کا ہنگامہ جاری ہے، محکمہ صحت اور خاندانی فلاح وبہبودی کے مطابق یکم جنوری سے ابھی تک 14757افراد ڈینگو میں مبتلا پائے گئے ہیں، جس سے پچھلے ایک دہے میں سب سے زیادہ ڈینگو معاملات امسال درج کئے گئے ہیں۔

آپریشن کنول کا بھانڈا پھوٹا؛کمارسوامی حکومت کوگرانے کی کوشش امیت شاہ کی ہدایت پر ہوئی:رمیش جارکی ہولی

کل ہی بی جے پی میں شمولیت اختیار کرنے والے نا اہل اراکین اسمبلی نے جہاں سابقہ مخلو ط حکومت کوگرانے کے لئے کئے گئے آپریشن کنول کے متعلق انکشافات کئے ہیں وہیں ان باغیوں کے لیڈر سمجھے جانے والے رمیش جارکی ہولی نے یہ علی الاعلان کہا ہے کہ ریاست کی کمارسوامی حکومت کو مرکزی وزیر ...

بنگلورو میں نااہل قراردئیے ارکان اسمبلی بی جےپی میں شامل : ضمنی انتخابات میں روشن بیگ کو چھوڑ کر دیگر تما 13ارکان کو بی جے پی نےدیا ٹکٹ

ملیشور میں واقع بی جےپی دفتر کے سامنے منعقد ہوئے پروگرام میں وزیر اعلیٰ بی ایس یڈیورپا کی موجودگی میں نااہل قرار دئیے گئے ارکان اسمبلی بی جے پی پرچم کو حاصل کرتے ہوئے بی جے پی میں شامل ہوئے۔

رویو پٹیشن داخل کرنے اور متبادل زمین کی پیش کش کو مسترد کرنے کے مسلم پرسنل لا بورڈ کے فیصلےکا پاپولر فرنٹ آف انڈیا نے کیاخیرمقدم

پاپولر فرنٹ آف انڈیا کی قومی مجلس عاملہ کے اجلاس نے بابری مسجد پر سپریم کورٹ کے فیصلے کے خلاف رویو پٹیشن داخل کرنے اور پانچ ایکڑ متبادل زمین کی پیش کش کو مسترد کرنے کے آل انڈیا مسلم پرسنل لا بورڈ کے فیصلے کا خیرمقدم کیا ہے۔

گوتم گمبھیر لاپتہ: ’آخری مرتبہ اندور میں جلیبی کھاتے نظر آئے تھے‘

دہلی میں بی جے پی کے رکن پارلیمنٹ گوتم گمبھیر کے لاپتہ ہونے کے پوسٹر لگائے گئے ہیں۔ پوسٹروں میں لکھا ہے، ’’کیا آپ نے انہیں دیکھا ہے؟ آخری بار انہیں اندور میں جلیبی کھاتے دیکھا گیا تھا۔ پوری دہلی انہیں ڈھونڈ رہی ہے۔‘‘

کل پیر سے شروع ہو گا پارلیمنٹ کا سرمائی اجلاس،  شہریت بل کو منظور کرانے کی تیاری میں حکومت

پیر سے شروع ہونے جا رہے پارلیمنٹ کے سرمائی اجلاس میں شہریت بل پیش کرنے کی حکومت کی منصوبہ بندی، جموں کشمیر کی صورتحال، اقتصادی سست روی اور بے روزگاری جیسے مسائل پر حکمراں پارٹی اور اپوزیشن کے درمیان ٹکراؤہونے کا امکان ہے۔شہریت (ترمیم) بل کو منظور کرانے کے علاوہ اس سیشن کے ...