اندرا گاندھی کی 102 ویں یوم پیدائش، پی ایم مودی، راہل گاندھی نے کیا یاد، خراج عقیدت پیش کرنے پہنچیں سونیا گاندھی
نئی دہلی،19نومبر(ایس او نیوز/آئی این ایس انڈیا) ملک کی سابق وزیر اعظم اندرا گاندھی کی 102 ویں یوم پیدائش پر آج ملک انہیں یاد کر رہا ہے۔اس موقع پر وزیر اعظم نریندر مودی اور راہل گاندھی نے ٹویٹ کرکے انہیں خراج عقیدت پیش کیا۔وہیں کانگریس کی عبوری صدر سونیا گاندھی نے بھی انہیں یاد کیا۔اس موقع پر سابق وزیر اعظم منموہن سنگھ اور سابق صدر پرنب مکھرجی ان کے ساتھ تھے،یہ تمام کانگریسی لیڈر اندرا گاندھی کی سمادھی شکتی کے مقام پر گئے،یہ راج گھاٹ کے قریب واقع ہے۔جواہر لال نہرو اور کملا نہرو کے یہاں 19 نومبر، 1917 کو پیدا ہونے والی اندرا کو ان کے دادا موتی لال نہرو نے یہ نام دیا تھا،پھر باپ نے ان کا اس میں پریہ درشنی بھی جوڑ دیا تھا۔اندرا گاندھی نے مسلسل تین بار اور کل چار بار ملک کی باگ ڈور سنبھالی اور وہ ملک کی پہلی اور واحد خاتون وزیر اعظم رہیں۔اندرا گاندھی نے جنوری 1966 سے مارچ 1977 تک اور پھر جنوری 1980 سے اکتوبر 1984 میں قتل ہونے تک وزیر اعظم کے طور پر ملک کی خدمت کی تھی۔