بھٹکل تعلقہ پنچایت کی میٹنگ میں اندرا کینٹن شروع کرنے میں تاخیر پر اراکین نے جتایا اعتراض

Source: S.O. News Service | Published on 7th November 2019, 12:32 PM | ساحلی خبریں | ان خبروں کو پڑھنا مت بھولئے |

بھٹکل6/نومبر (ایس او نیوز) بھٹکل تعلقہ پنچایت کی کے ڈی پی میٹنگ میں اراکین نے اس بات پر جتایا کہ سابقہ سدارامیا حکومت کے دوران دو سال قبل شروع کیے گئے اندرا کینٹین کا کام ابھی تک مکمل نہیں ہوا ہے اور انتہائی سست رفتاری کا مظاہرا کیا جارہا ہے۔

میٹنگ کی شروعات میں تعلقہ پنچایت صدر ایشور نائک نے اس مسئلے کو اٹھاتے ہوئے کہا کہ اندرا کینٹین منصوبے سے غریب عوام کو فائدہ پہنچتا ہے۔ بھٹکل تعلقہ کے مختلف علاقوں سے عوام اپنے مختلف قسم کے کام انجام دینے کے لئے بھٹکل شہر میں آتے ہیں۔اور وہ لوگ اندرا کینٹین کی سہولت سے فائدہ اٹھا سکتے ہیں۔لہٰذا کینٹین کی تعمیر میں جو سست رفتاری ہورہی ہے اس پر بھٹکل بلدیہ کے افسران کو اقدام کرنا ہوگا۔اس کا جواب دیتے ہوئے ٹی ایم سی چیف آفیسر نے کہا کہ کینٹین کی تعمیر کا کام حکومت نے مختلف ایجنسیوں کو دے رکھا ہے۔ اس مسئلے کے بارے میں متعلقہ ٹھیکیدار سے بات کی جائے گی۔اور تعلقہ پنچایت کے آئندہ  عام اجلاس سے قبل اندرا کینٹین شروع کرنے کا یقین دلایا۔

تعلقہ پنچایت رکن وشنو دیواڈیگا، مہابلیشور نائک اور اسٹانڈنگ کمیٹی کی صدر میناکشی جیٹپّا نائک وغیرہ نے برسات کے دنوں میں ہوئی بھٹکل شہر کی سڑکوں کی خستہ حالت کا مسئلہ اٹھایا۔رکن ہنومنتا نائک نے کچرے کی نکاسی کا کا م دوپہر کے وقت انجام دینے سے عوام کو ہونے والی تکلیف کا مسئلہ اٹھایا۔مرڈیشور علاقے کی رکن وہاں کے اسپتال میں مریضوں کو درپیش مسائل کا تذکرہ کرتے ہوئے ہیلتھ آفیسر ڈاکٹر مورتی بھٹ کی توجہ اس طرف مبذول کروائی۔بینگرے میں مجوزہ جانوروں کے اسپتال کی تعمیر کے لئے مناسب مقام کی نشاندہی نہ کیے جانے سے اس سے پہلے منظور کیا گیا فنڈ واپس لوٹائے جانے کا مسئلہ بھی زیر بحث آیا۔تحصیلدار وی پی کوٹرلّی نے یقین دلایا کہ اسپتال قائم کرنے کے لئے مناسب مقام کی نشاندہی کرنے کے لئے سروے افسران کو ہدایت جاری کی جائے گی۔

چند دن پہلے بھٹکل سرکاری اسپتال میں زچگی کے دو دن بعدمالتی اچاری نامی خاتون کی موت واقع ہوجانے کے معاملے پرتعلقہ پنچایت نائب صدر رادھا وئیدیا کے سوال کا جواب دیتے ہوئے بھٹکل سرکاری اسپتال کے ڈاکٹر لکشمیش نے بتایا کہ پوسٹ مارٹم رپورٹ ابھی منی پال سے موصول نہیں ہوئی ہے۔ رادھا وئیدیا نے کہا عوام کے اندر یہ بات عام ہوگئی ہے کہ ڈیوٹی پر موجود نرس کی غفلت اور کوتاہی کی وجہ سے زچہ کی موت ہوئی ہے۔ اس لئے اس واقعے کی گہرائی سے جانچ ہونی چاہیے۔

ایک نظر اس پر بھی

یلاپور ودھان سبھا حلقہ ضمنی انتخابات : کانگریس امیدوار بھیمنانائک نے داخل کیا پرچہ نامزدگی ؛ہزاروں کارکنان کا جلوس

یلاپور ودھان سبھا حلقہ کے لئے 5دسمبر کو ہونےو الے ضمنی انتخابات کے لئے کانگریس امیدوار بھیمنانائک نے 14نومبر بروز جمعرات سابق وزیر اور ہلیال کے رکن اسمبلی آر وی دیش پانڈے کی قیادت میں پرچہ نامزدگی داخل کیا۔

کاروار کے لیڈی بیچ پر غیر قانونی سرگرمیوں پر نگاہ رکھنے وائر لس سی سی ٹی وی کیمروں کی نصب کاری : ماہی گیر نائب ڈائرکٹر کا بیان

شہر کے سمندر ی ساحل کے ’’لیڈی بیچ ‘‘ پر وائر لس سی سی ٹی وی کیمروں کو نصب کرنے کے متعلق غور کئے جانے کی جانکاری محکمہ ماہی گیر کے نائب ڈائرکٹر ناگراج نے دی ۔

ریاست کے مختلف مہانگر پالیکا اور میونسپالٹی ، پنچایت کے انتخابی نتائج کا اعلان : منگلورو میں بی جےپی تو ڈاونگیرہ میں کانگریس

ریاست میں بی ایس یڈیورپا کی قیادت والی بی جےپی حکومت اقتدار سنبھالنےکےبعد ہوئے مقامی عوامی اداروں کے لئے 12 نومبر کو انتخابات ہوئے تھے ، جس کے نتائج 14نومبر کو اعلان کئے گئے۔ ظاہری طورپر ریاست کے جن مقامی اداروں  کے اعلان کئے گئے نتائج میں مہانگرپالیکا کے کل وارڈوں میں سے ...

بھٹکل ڈونگر پلی میں آج رات ہوگا سیرت النبی کا شاندار جلسہ؛ دلچسپ اسلامک کوئیز اور نعتیہ مقابلہ؛ حاضرین کےلئے بھی ریفل ڈراء کے ذریعے ہوگاگولڈ کوئین

آج جمعرات بعد نماز عشاء ڈونگرپلی  ،مون اسٹار اسپورٹس گراونڈ پر  سیرت النبیﷺ کا شاندار جلسہ منعقد کیا گیا ہے جس میں اسلامک کوئیز کا سیمی فائنل اور فائنل  سمیت شاندار پیمانے پر نعتیہ مقابلہ بھی ہوگا۔

بھٹکل ڈونگر پلی میں آج رات ہوگا سیرت النبی کا شاندار جلسہ؛ دلچسپ اسلامک کوئیز اور نعتیہ مقابلہ؛ حاضرین کےلئے بھی ریفل ڈراء کے ذریعے ہوگاگولڈ کوئین

آج جمعرات بعد نماز عشاء ڈونگرپلی  ،مون اسٹار اسپورٹس گراونڈ پر  سیرت النبیﷺ کا شاندار جلسہ منعقد کیا گیا ہے جس میں اسلامک کوئیز کا سیمی فائنل اور فائنل  سمیت شاندار پیمانے پر نعتیہ مقابلہ بھی ہوگا۔