لکھنؤ،13فروری (آئی این ایس انڈیا)نارکوٹکس کنٹرول بیورو نے ایک کروڑوں کے منشیات ریکٹ کا پردہ فاش کیا ہے۔اس ریکٹ کو آن لائن ادویات فروخت کرنے کی آڑ میں طویل وقت سے چلایا جا رہا تھا۔21 سالہ دیپو لکھنؤ کے عام باغ میں واقع ایک گھر سے اس پورے دھندے کو آپریٹ کر رہا تھا۔دیپو ایک ریٹائرڈ پی سی ایس افسر کا بیٹا ہے اور لکھنؤ کے ایک کالج سے ہوٹل مینجمنٹ کا کورس کیا ہے۔اسے حال ہی میں منشیات کنٹرول بیورو کی ٹیم نے دہلی سے گرفتار کیا ہے۔اس کے گھر سے تلاشی کے دوران قریب 12 ہزار نشیلی گولیاں ملی ہیں، جنہیں منشیات اور فٹنس سپلمیٹ کے پیکٹ میں پیک کر رکھا گیا تھا۔ملزم پولیس کو چکمہ دینے کے لئے کریپٹو کرسی میں ہی ادائیگی لیتا تھا۔اس پورے کھیل کا پتہ تب چلا جب برطانیہ جا رہے ایک منشیات کنسائن منٹ کو این سی بی نے ممبئی میں پکڑا۔تفتیش کے دوران 17 جنوری کو رومانیہ جا رہا ایک اور کنسائنمنٹ پکڑا گیا۔این سی بی کے ایک افسر نے بتایا کہ کارگو نے کے وائی سی پر عمل نہیں کیا تھا اور ادائیگی بھی ڈیجیٹل کر دیا گیا تھا۔اس کی جانچ کرنے پر ہندوستان سے تار جڑتے نظر آئے۔اس دوران دہلی میں برطانیہ جا رہا 10200 ٹیبلٹ کا ایک اور پارسل پکڑا گیا۔این سی بی افسر نے بتایاکہ ہم نے جب پارسل کا منبع معلوم کیا، تو لکھنؤ کا ایک اڈریس سامنے آیا۔افسر نے بتایاکہ ہم نے ایک سرولانس ٹیم قائم کرکے دیپو کو پکڑنے کا پلان بنایا۔گرفتاری کے بعد تفتیش میں اس نے بتایا کہ وہ اس دھندے میں 2018 سے ہے اور اب تک تقریبا 600 ایسے کسانمیٹ دنیا بھر میں بھیج چکا ہے۔