گلف سے بھٹکل لوٹنے والوں کے لئے 27اپریل کوہوگا انڈین نوائط فورم کا جاب میلہ؛ فوری فارم بھرکر اپنا نام رجسٹرڈ کرائیں

Source: S.O. News Service | By I.G. Bhatkali | Published on 28th March 2019, 9:34 PM | ساحلی خبریں | خلیجی خبریں | ان خبروں کو پڑھنا مت بھولئے |

بھٹکل 28/اپریل (ایس او نیوز) حال ہی میں خلیجی ممالک کی بعض پالیسیوں سے پریشان ہوکرجو لوگ گلف سے بھٹکل واپس لوٹ چکے ہیں اُن کے لئے انڈین نوائط فورم (INF) کی جانب سے  مورخہ 27 اپریل  کو بھٹکل نوائط کالونی ،رابط  ہال میں  جاب میلہ  کا انعقاد کیا گیا  ہے جس میں مختلف میدانوں میں کام کا تجربہ رکھنے والوں کو اُن کی قابلیت کے اعتبار سے الگ الگ کمپنیوں میں ملازمت فراہم کی جائے گی، اسی طرح جو لوگ انڈیا میں  کاروبار شروع کرنا چاہتے ہوں یا سرمایہ کاری کے ذریعے تجارت کرنا چاہتے ہوں، اُن کے لئے بھی  ضروری رہنمائی اور تجارت کے سلسہ میں تمام اُمور کی مکمل جانکاری دی   جائے گی۔ اس بات کی اطلاع   انڈین نوائط فورم کے  جنرل سکریٹری جناب  جوکاکو معاذ نے دی ہے۔

پریس ریلیز جاری  کرتے ہوئے انہوں نے بتایا  کہ گلف کے چھ ممالک میں بعض پالیسوں کی وجہ سے سینکڑوں لوگ ملازمت سمیت اپنا کاروبار  ختم کرکے واپس بھٹکل لوٹ چکے ہیں،  جن کا آج کوئی پرسان حال نہیں ہے۔ سینکڑوں لوگ جن کو گلف کا اچھا خاصا تجربہ ہے اور ان میں کئی لوگ کاروبار کرنے میں بھی ماہر ہیں، آج بے روزگار ہوکر پریشان ہیں۔ اُن سبھی کی مشکلات کو دور کرنے اور اُنہیں مناسب روزگار فراہم کرنے کی غرض سے  اس طرح کے میلہ کا انعقاد کیا گیا ہے۔ پریس ریلیز میں بتایا گیا ہے کہ جو لوگ ملازمت کے متلاشی ہیں اُنہیں ملازمت کے مواقع فراہم کئے جائیں گے، اسی طرح جو لوگ کاروبار شروع کرنا چاہتے ہیں اُن کے لئے  27 اپریل کو  ایک خصوصی ورکشاپ بھی رکھا گیا ہے جس میں کاروباری اور سرمایہ کاری کرنے  والوں کو  مکمل رہنمائی  فراہم کی جائے گی۔

ریلیز میں واضح کیا گیا ہے کہ جاب میلہ میں کئی کاونٹرس لگائے جائیں گے اوریہ میلہ بھٹکل کےسبھی عوام کے لئے جو ملازمت  حاصل کرنا چاہتے ہوں،  اوپن رہے گا۔  اس میلہ میں تعلیم کی کوئی قید نہیں ہے، کم سے کم پڑھے لکھے  لوگ اور زیادہ سے زیادہ پڑھے لکھے لوگ بھی اس میلہ میں شریک ہوکر سنہرے موقع کا فائدہ اُٹھاسکتے ہیں۔

جاب میلہ میں شریک ہونے کے لئے مندرجہ ذیل لنک پر کلک کرکے اُمیدوار اپنا نام رجسٹرڈ کراسکتے ہیں ۔

https://goo.gl/forms/nEuG3feZbbtHiIow2

اگرکوئی اُمیدوار  آن لائن فارم بھرنے سے قاصر ہیں تو وہ  مجلس اصلاح و تنظیم دفتر یا رابطہ آفس پہنچ کر بھی وہاں پر رکھا ہوا فارم بھر کر اپنا نام رجسٹرڈ کراسکتا ہے۔ اُمیدوار ساحل آن لائن دفتر (نزد نور مسجد، بھٹکل)،  نقش نوائط آفس (چوک بازار، بھٹکل)، بھٹکلیس آفس (نوائط کالونی، بھٹکل) اور جامعہ اسلامیہ (جامعہ آباد، بھٹکل) پہنچ کر بھی اپنا نام رجسٹرڈ کراسکتے ہیں۔

نام رجسٹرڈ کرنے کے بعد اُمیدواروں کو منتظمین کی طرف سے پروگرام کے  ایک ہفتہ پہلے  آگاہ کیا جائے گا، جس کے بعد اُمیدوار میلہ میں شریک ہوسکے گا۔ میلہ میں شریک ہونے والوں کے لئے درخواست کی گئی ہے کہ وہ اپنے ساتھ اپنی تمام تر تفصیلات( بائیوڈاٹا)  کے چار، پانچ سیٹ اور چار پانچ پاسپورٹ سائر فوٹوز بھی لے کر آئیں۔جن لوگوں کے پاس اپنا بائیوڈاٹا  نہیں ہے یا بنوانے سے قاصر ہیں، اُن سے کہا گیا ہے کہ وہ  27 اپریل کو رابطہ ہال میں قائم  ہیلپ ڈیسک سے  رجوع ہوسکتے ہیں۔

معاذ جوکاکو نے بتایا کہ  جاب میلہ اور ورکشاپ کے انعقاد  کا مقصد بے روزگار نوجوانوں کو غیرسرکاری ملازمت سے جوڑنا ہے اور بھٹکل سے تعلق رکھنے والے لوگوں کو بغیر کسی  اعلیٰ تعلیمی قابلیت  کے باوجود بھی  ہر ایک کے لئے ممکنہ ملازمت کے مواقع فراہم کرنے کی پوری پوری کوشش کرنا ہے۔

خیال رہے کہ انڈین نوائط فورم بیرون بھٹکل( مگر اندرون ہند) کی آٹھ  جماعتوں پر مشتمل ایک پلیٹ فارم ہے جس کا قیام گذشتہ سال عمل میں آیا تھا۔ جاب میلہ یا ورکشاپ کے تعلق سے مزید جانکاری کے لئے فورم کے صدر جناب جوکاکو عبدالمجید، نائب صدر ایس ایم ارشد، کنوینرآفتاب حُسین کولا یا دیگر ذمہ دارن سے بھی رابطہ کیا جاسکتا ہے۔

ایک نظر اس پر بھی

انکولہ میں اندوہناک حادثہ؛ ہائی وے پردوڑتی لاری کو الیکٹرک وائر چھوگئی، ڈرائیور ہلاک

اگر آپ کسی بڑی سواری پر سفر کررہے ہیں تو   ہوشیار،  آپ کی سواری اوپر سے گذرتی ہوئی الیکٹرک وائر کو چھوسکتی ہے جس کے نتیجے میں جان سے ہاتھ دھو نا یقینی ہے۔ جی ہاں، ایسا ممکن ہے کیونکہ   اتوار کو ہبلی انکولہ نیشنل ہائی وے پر اس طرح کا حادثہ پیش آچکا ہے جس میں لاری ڈرائیو کی ...

یلاپور میں کار اور ٹینکر کی بھیانک ٹکر؛ دلہا ہلاک چار دیگر شدید زخمی

یلاپور نیشنل ہائی وے 63 پر کار اور ٹینکر کے درمیان ہوئی خطرناک ٹکر میں کار پر سوار دُلہا کی موقع پر ہی موت واقع ہوگئی جبکہ کار پر سوار دیگر رشتہ دار شدید زخمی ہوگئے۔ حادثہ اتوار کو ملن ہوٹل  کے قریب واقع ایک موڑ پر پیش آیا۔

یلاپور ضمنی انتخابات :ہیبار صاحب تمہارے پوتوں کو نااہل کا مطلب کیا بتائیں گے : ٹی ایشور

یلاپور ضمنی انتخابات میں گرمی آتی جارہی ہے، مخالف فریقوں کے درمیان بیان بازی شروع ہوچکی ہے۔ کانگریس پسماندہ طبقات شعبہ کے ریاستی صدر ٹی ایشور نے بی جےپی امیدوار شیورام ہیبار کا مذاق اڑاتے ہوئے سوال پوچھا کہ   ہیبار صاحب ! آپ کے پوتے ہونگے ؟ جب وہ آپ سے  نااہل کے  مطلب پر سوال ...

 امریکی سفارت خا نہ نے لبنان میں پرامن مظاہرین کی حمایت  کی

بیروت میں امریکی سفارتخا نہ نے ہفتے کے روز ایک بیان میں ملک میں جاری پرامن مظاہروں کی حمایت کا اعلان کیا ہے۔ٹویٹر پر پوسٹ کردہ ایک بیان میں امریکی سفارت خانے کا کہنا ہے کہ لبنانی عوام کے پرامن اور قومی وحدت کی علامت کے مظاہروں کی حمایت کی جائے گی۔

سعودی عرب: بازوں کی نیلامی میں ایک شاہین 4 لاکھ ریال میں فروخت

سعودی عرب کے شہر حفر الباطن میں منعقد ہونے والے’بازوں‘ کے نیلام میں ایک شاہین 4 لاکھ ریال (1.6 کروڑ روپے سے زیادہ) میں فروخت ہوا۔ اس کے علاوہ نیلام میں 4 دیگر بازوں کو مجموعی طور پر 1.14 لاکھ ریال میں خریدا گیا۔ایک ماہ قبل نیلام کے آغاز کے بعد سے یہ اب تک کی سب سے بڑی ڈیلوں میں سے ہے۔

انکولہ میں اندوہناک حادثہ؛ ہائی وے پردوڑتی لاری کو الیکٹرک وائر چھوگئی، ڈرائیور ہلاک

اگر آپ کسی بڑی سواری پر سفر کررہے ہیں تو   ہوشیار،  آپ کی سواری اوپر سے گذرتی ہوئی الیکٹرک وائر کو چھوسکتی ہے جس کے نتیجے میں جان سے ہاتھ دھو نا یقینی ہے۔ جی ہاں، ایسا ممکن ہے کیونکہ   اتوار کو ہبلی انکولہ نیشنل ہائی وے پر اس طرح کا حادثہ پیش آچکا ہے جس میں لاری ڈرائیو کی ...

یلاپور میں کار اور ٹینکر کی بھیانک ٹکر؛ دلہا ہلاک چار دیگر شدید زخمی

یلاپور نیشنل ہائی وے 63 پر کار اور ٹینکر کے درمیان ہوئی خطرناک ٹکر میں کار پر سوار دُلہا کی موقع پر ہی موت واقع ہوگئی جبکہ کار پر سوار دیگر رشتہ دار شدید زخمی ہوگئے۔ حادثہ اتوار کو ملن ہوٹل  کے قریب واقع ایک موڑ پر پیش آیا۔

رویو پٹیشن داخل کرنے اور متبادل زمین کی پیش کش کو مسترد کرنے کے مسلم پرسنل لا بورڈ کے فیصلےکا پاپولر فرنٹ آف انڈیا نے کیاخیرمقدم

پاپولر فرنٹ آف انڈیا کی قومی مجلس عاملہ کے اجلاس نے بابری مسجد پر سپریم کورٹ کے فیصلے کے خلاف رویو پٹیشن داخل کرنے اور پانچ ایکڑ متبادل زمین کی پیش کش کو مسترد کرنے کے آل انڈیا مسلم پرسنل لا بورڈ کے فیصلے کا خیرمقدم کیا ہے۔