ابو ظہبی میں مقیم ہندوستانی جوڑے کی لاش برآمد

Source: S.O. News Service | Published on 27th July 2020, 11:37 AM | ملکی خبریں | خلیجی خبریں |

ابو ظہبی،27؍جولائی(ایس او نیوز؍ایجنسی) ابو ظہبی میں ایک ہندوستانی جوڑے کو ان کے فلیٹ میں مردہ حالت میں پایا گیا ہے۔ جوڑے کا تعلق ریاست کیرالہ سے تھا اور وہ دونوں گزشتہ 18 سالوں سے ابوظہبی میں مقیم تھے۔ غیر ملکی میڈیا کے مطابق ان کے نام جناردھنن پیٹیری اور منیجا تھا۔ ان کا اکلوتہ بیٹا بنگلورو میں کام کرتا ہے۔ موت کے وجوہات کا فی الحال پتہ نہیں چل سکتا ہے اور پولیس معاملہ کی جانچ کر رہی ہے۔

خلیج ٹائمز کے مطابق 57 سالہ پیٹیری ایک ٹریول ایجنسی میں کام کرتا تھا جبکہ اس کی 52 سالہ بیوی مینیجا ایک آڈٹ فرم میں کام کرتی تھی۔ ان کے دفاتر میں ان کے ساتھ کام کرنے والے دیگر ساتھیوں کے مطابق دونوں میاں بیوی معمول کے مطابق زندگی بسر کر رہے تھے۔ تاہم شوہر پیٹیری کی گزشتہ دنوں نوکری چلی گئی تھی۔

ان کے ساتھ کام کرنے والے ایک ساتھی کا کہنا تھا کہ "وہ دونوں خاموش طبع اور پرسکون لوگ تھے، مجھے یاد نہیں پڑتا کہ ان کا کبھی کسی دوسرے ساتھی کے ساتھ جھگڑا ہوا ہو۔ پیٹٰیری کی گزشتہ دنوں نوکری چلی گئی تھی اور انہوں نے اپنی کار بھی بیچ دی تھی”۔ ان کے کولیگ کا مزید کہنا تھا کہ ان کی موت غیر متوقع ہے، اس خبر سے تمام دوست اور کولیگ سکتے میں ہیں۔ جاں بحق ہونے والے جوڑے کا ایک ہی بیٹا ہے جس نے ابوظہبی سے تعلیم حاصل کی اور جو اس وقت ہندوستان کے شہر بنگلورو میں نوکری کرتا ہے۔

جناردھنن پیٹیری اور منیجا کے دوست نے بتایا کہ جاں بحق ہونے والے جوڑے کے بیٹے نے مجھے فون پر بتایا کہ اس کے والدین گزشتہ چار دنوں سے اس کے فون کا جواب نہیں دے رہے، جس پر میں جہاں وہ رہائش پذیر تھے اس عمارت میں گیا۔ مجھے اس عمارت کے چوکیدار نے بتایا کہ میں نے ان لوگوں کو گزشتہ کچھ دنوں سے نہیں دیکھا۔ تاہم جمعرات کی رات پولیس نے انہیں ان کے فلیٹ میں مردہ حالت میں پایا۔ ایک سماجی کارکن ان کی میتیں ہندوستان واپس بھیجنے کے لیے کوشش کر رہا ہے۔

ایک نظر اس پر بھی

دہلی میں ای-گاڑی پالیسی کا اعلان، الیکٹرک گاڑیوں کی خریداری پر رعایت ملے گی

ہلی کی اروند کیجریوال حکومت نے دارالحکومت کو آلودگی سے پاک کرنے کے منصوبے کے تحت جمعہ کے روز ای- گاڑی پالیسی کو نافذ کرنے کا اعلان کیا، جس میں مختلف زمروں کی الیکٹرک گاڑیاں خریدنے کے لئے 30 ہزار سے لے کر 1.5 لاکھ روپے تک رعایت دی جائے گی۔

بے لگام میڈیا پر جمعیۃ کی عرضی: جب تک عدالت حکم نہیں دیتی حکومت خود سے کچھ نہیں کرتی: چیف جسٹس

مسلسل زہر افشانی کرکے اور جھوٹی خبریں چلاکر مسلمانوں کی شبیہ کوداغدار اور ہندوؤں اورمسلمانوں کے درمیان نفرت کی دیوارکھڑی کرنے کی دانستہ سازش کرنے والے ٹی وی چینلوں کے خلاف داخل کی گئی

دہلی فسادات: پروفیسر اپوروانند کی حمایت میں سامنے آئے ملک و بیرون ملک کے دانشوران

 ملک اور بیرون ملک کے ایک ہزار سے زائد معروف دانشوروں، نوکر شاہوں، صحافیوں، مصنفوں، ٹیچروں او اسٹوڈنٹس نے دہلی یونیورسٹی کے پروفیسر اپوروانند سے مشرقی دہلی میں فسادات کے معاملے میں پوچھ گچھ کئے جانے اور انکا موبائل فون ضبط کرنے کے واقعہ کی شدید مذمت کی ہے اور پولیس کے ذریعہ ...

کالعدم چینی کمپنیوں سے بی جے پی کے گہرے رشتے ہیں: کانگریس

 کانگریس نے الزام عائد کیا ہے کہ حکومت نے قومی سلامتی کے لیے خطرہ بتاتے ہوئے جن چینی کمپنیوں پر پابندی لگائی ہے ان میں سے کئی کے بھارتیہ جنتا پارٹی (بی جے پی) سے گہرے رشتے ہیں اور گزشتہ عام انتخابات میں ان کمپنیوں نے اس کے لیے تشہیری مہم کا کام کیا تھا۔

سعودی عرب کی حکومت کا اہم فیصلہ

سعودی پبلک پراسیکیوشن نے قانون تحفظ اطفال کے حوالے بعض نکات کی وضاحت کی ہے، جس کے مطابق بچوں کے ساتھ کیے جانے والے غیر قانونی سلوک پر سخت سزائیں دی جائیں گی۔ ...

مطافِ کعبہ میں تنہا دعا کرنے والی دنیا کی خوش قِسمت خاتون

کورونا وائرس کی وَبا کے پیش نظر اس مرتبہ حج کے ایّام میں بعض بڑے نادر اور منفرد واقعات پیش آئے ہیں جن کا عام حالات میں تصور بھی ممکن نہیں۔ ایسے واقعات میں تازہ اضافہ ایک تنہا مسلم خاتون کی کعبۃ اللہ کے سامنے عبادت وریاضت ہے اور ان کے ساتھ مطاف میں کوئی دوسرا فرد نظر نہیں آرہا ہے۔