عالمی پیرا ایتھلیٹکس میں 9 میڈل، ہندوستان کی بہترین کارکردگی

Source: S.O. News Service | Published on 18th November 2019, 12:46 PM | اسپورٹس |

دبئی،18/نومبر (ایس او نیوز/ایجنسی) ہندوستان نے دوبئی میں اختتام پذیر ہوئی عالمی پیرا ایتھلیٹکس چیمپئن شپ میں اس بار نو میڈلوں کے ساتھ اپنی بہترین کارکردگی پیش کی ہے اور وہ 9دنوں تک چلے ٹورنامنٹ کے بعد ٹیبل میں 24ویں نمبر پر رہا۔

ہندوستان نے اس سے پہلے لندن میں 2017 میں ہوئی عالمی پیرا یتھلیٹکس چیمپئن شپ میں ایک طلائی سمیت پانچ میڈل جیتے تھے اور وہ 34 ویں نمبر پر رہا تھا جو اس کی ان کھیلوں میں بہترین کارکردگی رہی تھی لیکن دوبئی میں اس نے اپنی گزشتہ کارکردگی کو پیچھے چھوڑ دیا۔

دوبئی میں ہندوستان نے دو طلائی، دو چاندی اور پانچ کانسہ کے میڈل جیتے جبکہ کئی مقابلوں میں وہ چوتھے نمبر پر رہا۔ اسی کے ساتھ ہندوستان نے ان کھیلوں میں اگلے برس ہونے والے ٹوکیو اولمپک۔2020کے لئے بھی 13کوٹہ بھی حاصل کرلئے۔

اوور آل عالمی ایتھلیٹکس چیمپئن شپ میں چین 25 سونے سمیت سب سے زیادہ 59 میڈلوں کے ساتھ چوٹی پر رہا۔ برازیل 39میڈل، برطانیہ 28میڈل کے ساتھ دوسرے اور تیسرے نمبر پر رہے۔ امریکہ 34میڈل لیکر چوتھے نمبر پر رہا۔ 2016 میں ڈوپنگ معطلی کے بعد ان کھیلوں میں پہلی بار حصہ لے رہے روس نے مجموعی طورپر 41 میڈلوں کے ساتھ چھٹا مقام حاصل کیا۔

ہندوستانی پیرا لمپک کمیٹی کے عبوری صدر گرشرن سنگھ نے ٹیم کو مبارکباد دیتے ہوئے کھلاڑیوں کی کارکردگی پر اطمینان کا اظہار کیا۔ انہوں نے کہاکہ کھلاڑیوں کی اس کارکردگی سے ٹوکیو پیرالمپک 2020 کے لئے توقعات بڑھ گئی ہیں۔

ایک نظر اس پر بھی

انگلینڈ نے 9 وکٹ گنوانے کے باوجود چوتھا ٹیسٹ ڈرا کرایا

جیک کرولی (77) اور بین اسٹوکس (60) کی شاندار نصف سنچری اننگز اور نچلے آرڈر کے بلے بازوں کی ہمت افزا کارکردگی کی بدولت آسٹریلیا کے خلاف چوتھے ایسیز ٹسٹ میچ کو 9 وکٹ سے گنوانے کے باوجود پانچویں اور آخری دن اتوار کو ڈرا کرالیا۔ آسٹریلیا یہ ٹسٹ ڈرا ہونے کے باوجود پانچ میچوں کی سیریز میں ...

بھٹکل میں ڈاکٹر محمد حنیف کولا ٹرافی تعلقہ لیول کرکٹ ٹورنامنٹ میں انفا کی شاندار جیت؛ فائنل میں شاہین مخدوم کو دی پانچ وکٹوں سے شکست

بھٹکل تعلقہ اسٹڈیم  المعروف وائی ایم ایس اے  میدان میں منعقدہ بھٹکل تعلقہ لیول کرکٹ ٹورنامنٹ میں انفا نے شاندار جیت درج کرتے ہوئے فائنل مقابلے میں شاہین مخدوم کو پانچ وکٹوں سے شکست دے دی جس کے ساتھ ہی  قریب ایک ماہ سے جاری ٹورنامنٹ  دلچسپ  مقابلوں  کے بعداختتام کو پہنچ گیا۔

مشہور آف اسپنر ہربھجن سنگھ نے ہر سطح کے کرکٹ کو کہا الوداع

ہندوستان کے مشہور و معروف اسپن گیندباز ہربھجن سنگھ نے کرکٹ کے سبھی فارمیٹ سے ریٹائرمنٹ کا اعلان کر دیا ہے۔ انھوں نے اپنے سوشل میڈیا اکاؤنٹ کے ذریعہ اس بات کی جانکاری پوری دنیا کو دی۔ قابل ذکر ہے کہ ہربھجن سنگھ نے ہندوستان کے لیے 23 سال میں 711 وکٹ لیے۔