کرکٹ پر کورونا کا منفی اثر جاری، ٹی-20 عالمی کپ کی ہندوستان سے باہر منتقلی طے!

Source: S.O. News Service | Published on 26th June 2021, 11:23 PM | اسپورٹس |

نئی دہلی،26؍جون (ایس او نیوز؍ایجنسی) کورونا انفیکشن کا اثر کھیلوں پر لگاتار بڑھتا جا رہا ہے۔ کئی کرکٹ ٹورنامنٹس اس کورونا وائرس کی وجہ سے متاثر ہوئے ہیں۔ آئی پی ایل 2021 کا نصف حصہ ہندوستان میں ہوا اور پھر کورونا وبا کی وجہ سے اس کو روک دیا گیا، بعد ازاں نصف حصہ کو یو اے ای منتقل کرنے کا اعلان کیا گیا، جس سے بی سی سی آئی کو کافی نقصان بھی اٹھانا پڑ رہا ہے۔ اب اس سال ہندوستان میں ہونے والے ٹی-20 عالمی کپ کو بھی یو اے ای منتقل کیے جانے کی بات چل رہی ہے اور کہا جا رہا ہے کہ یہ منتقلی طے ہے۔

ٹی-20 عالمی کپ 17 اکتوبر سے شروع ہو کر متحدہ عرب امارات (یو اے ای) میں 14 نومبر تک چلے گا۔ ایک میڈیا رپورٹ میں کہا گیا ہے کہ شروعاتی کچھ میچ عمان میں کھیلے جائیں گے۔ ایسے میں جب کہ معطل آئی پی ایل-2021 کے بقیہ میچ 15 اکتوبر کو ختم ہو رہے ہیں، ٹی-20 عالمی کپ دو دن بعد آٹھ ٹیموں بنگلہ دیش، سری لنکا، آئرلینڈ، نیدرلینڈس، اسکاٹ لینڈ، نامیبیا، عمان، پاپوا نیو گنی کے ساتھ شروع ہوگا۔ ان میں سے چار ٹیمیں سپر-4 میں جگہ بنانے کے لیے جدوجہد کریں گی۔

راؤنڈ 1 المنیشن میچ یو اے ای کے ساتھ ساتھ عمان میں بھی منعقد کیے جائیں گے۔ جمعہ کی شام کو رابطہ کیے جانے پر ایک بین الاقوامی کرکٹ کونسل ترجمان نے کہا کہ فی الحال کوئی اعلان نہیں کیا گیا ہے۔ آئی سی سی اور ہندوستانی کرکٹ کنٹرول بورڈ، جسے ٹورنامنٹ الاٹ کیا گیا تھا، دونوں مل کر اس کی تاریخوں اور مقامات کے تعلق سے 28 جون کے بعد ہی سامنے آئیں گے۔

ایک نظر اس پر بھی

کرشنا ناگر نے ٹوکیو پیرالمپکس میں ہندوستان کو دلایا پانچواں طلائی تمغہ

ٹوکیو پیرالمپکس میں ہندوستان کے کرشنا ناگر نے تاریخ رقم کرتے ہوئے ہندوستان کو پانچواں طلائی تمغہ دلا دیا ہے۔ کرشنا ناگر نے اتوار کے روز بیڈمنٹن کے مردوں کے سنگلز (ایس ایچ-6) مقاملہ کے فائنل میں ہانگ کانگ کے چو من کائی کو ہراکر گولڈ جیتا۔

پیرالمپکس: طلائی سے چوکے نوئیڈا کے ڈی ایم سہاس، ہندوستان کو دلایا چاندی کا تمغہ

  ہندوستانی بیڈمنٹن پیرا کھلاڑی اور گوتم بدھ نگر کے ضلع مجسٹریٹ سہاس ایل یتی راج ٹوکیو پیرالمپکس کے فائنل مقابلہ میں فرانس کے پیرا کھلاڑی لوکاس مزور سے ہار گئے اور انہیں چاندی کے تمغے پر ہی اکتفا کرنا پڑا۔

ٹی-20 کرکٹ میں بنگلہ دیشی گیندبازوں کا قہر، نیوزی لینڈ کو 7 وکٹوں سے ملی شکست

گیندبازوں کی عمدہ گیندبازی اور بلے بازوں کی بہترین اننگز کی بدولت میزبان بنگلہ دیش نے بدھ کو یہاں شیر بنگلہ نیشنل اسٹیڈیم میں پہلے ٹی-20 میں نیوزی لینڈ کو7  وکٹوں سے شکست دے دی۔ پہلے بلے بازی کرتے ہوئے نیوزی لینڈ کی ٹیم بنگلہ دیش کی شاندار گیندبازی کے سامنے پوری طرح بے بس ...