کورونا سے پھرجنگ کی تیاری، ملک کی14ریاستوں میں کورونا کے ایکٹیو کیسوں میں اضافہ

Source: S.O. News Service | Published on 23rd February 2021, 12:34 PM | ملکی خبریں |

نئی دہلی،23؍فروری (ایس او نیوز؍ایجنسی)ملک میں کورونا وائرس کا پھیلاؤ ایک بار پھر بڑھتا جارہا ہے - اس معاملے میں جہاں ایک طرف سرکار عوام سے احتیاطی تدابیر پر سختی سے عمل کرنے کی ہدایت دے رہی ہے وہیں عملی طورپر بھی خودسرکارحرکت میں آگئی ہے -

مہاراشٹرا سرکار نے متعدد اضلاع میں لاک ڈاؤن کے بعد مختلف مقامات پر ماسک لگانے اوردیگر احتیاطی تدابیر پر عمل کرانے کے لئے اہلکاروں کو تعینات کردیا ہے -وہیں مدھیہ پردیش کے وزیراعلیٰ شیوراج سنگھ چوہان نے بھی اعلیٰ افسروں کے ساتھ میٹنگ کرکے سخت ہدایات جاری کی ہیں - ان سب کے درمیان مرکزی وزیر داخلہ امیت شاہ نے بھی پیرکو وزارت داخلہ اور دیگر محکمہ کے افسروں کے ساتھ جائزہ اجلاس طلب کیا-جس میں انہوں نے ویکسنیشن مہم کے تعلق سے جانکاری حاصل کی اوراحتیاطی تدابیر پر عمل کرنے کی سخت ہدایات دیں -

گذشتہ 24گھنٹوں کے دوران قومی دارالحکومت دہلی، مہاراشٹر، پنجاب، کرناٹک اور مدھیہ پردیش سمیت 14 ریاستوں اور مرکز کے زیر انتظام علاقوں میں کورونا کے ایکٹیو کیسوں میں اضافہ ہوا ہے -مہاراشٹر میں سب سے زیادہ 4,519کیسوں کا اضافہ ہوا ہے، جبکہ پنجاب میں 136، کرناٹک میں 58، مدھیہ پردیش میں 57اور دہلی میں 46 کیس بڑھے ہیں - اسی طرح ہریانہ، گجرات، چھتیس گڑھ، چنڈی گڑھ، بہار، آندھرا پردیش، جموں و کشمیر، اڈیشہ اور پڈوچیری میں بھی ایکٹیو کیسوں میں اضافہ ہوا ہے -

پیر کی صبح مرکزی وزارت صحت کے جاری کردہ تازہ ترین اعداد و شمار کے مطابق گذشتہ 24گھنٹوں کے دوران ملک میں کورونا وائرس کے 14,199نئے کیس رپورٹ ہوئے ہیں جس سے متاثرین کی مجمورعی تعداد ایک کروڑ 10لاکھ 5 ہزار سے زیادہ ہوگئی ہے - ایکٹیو کیس4,421سے بڑھ کر مجموعی تعداد اب 1.50لاکھ کو عبور کر چکی ہے - گذشتہ 24گھنٹوں کے دوران 9,695مریض صحت مند ہوئے جس سے ملک میں اب تک ایک کروڑ6 لاکھ 99ہزار 410مریض شفایاب ہوچکے ہیں - اسی عرصے کے دوران 83مریضوں کی ہلاکت سے اموات کی مجموعی تعداد بڑھ کر ایک لاکھ 56ہزار 385ہوگئی-

ایک نظر اس پر بھی

ترنمول کانگریس کے لیڈر اور سابق وزیر ریلوے دنیش تریویدی بی جے پی میں شامل

ترنمول کانگریس کے لیڈر اور سابق وزیر ریلوے دنیش تریویدی نے بھارتیہ جنتا پارٹی (بی جے پی) میں شمولیت اختیار کر لی۔ تریویدی نے یہاں ہفتے کے روز بی جے پی صدر جگت پرکاش نڈا کی موجودگی میں پارٹی کی رکنیت حاصل کی۔

کسانوں کو ہراساں کرکے اقتدار میں ٹکنا مشکل:اکھلیش یادو

حکومت کا جو کسانوں کے ساتھ رویہ ہےاس کو لے کر غصہ بڑھتا جارہا ہے۔ سماج وادی پارٹی کے صدر اکھلیش یادونے اس تعلق سے کہا ہےکہ مرکز کی بھارتیہ جنتا پارٹی (بی جے پی) حکومت کو یہ سمجھ لینا چاہئے کہ کسانوں کو ہراساں کرکے کوئی اقتدار میں نہیں ٹک سکتا۔