نئی دہلی ،2؍ دسمبر (آئی این ایس انڈیا) گزشتہ 24 گھنٹوں کے دوران ملک بھر میں کورونا وائرس کے کل 9,765 نئے کیسز رپورٹ ہوئے ہیں۔ نیز ملک میں کووڈ متاثرین کی کل تعداد اب تک بڑھ کر 3 کروڑ 46 لاکھ 06 ہزار 541 ہو گئی ہے۔ گزشتہ 24 گھنٹوں میں ملک بھر میں کووڈ کی وجہ سے کل 477 لوگوں کی موت ہوئی ہے۔ ملک میں کووڈ سے اب تک کل 4 لاکھ 69 ہزار 724 لوگوں کی موت ہو چکی ہے۔

مرکزی وزارت صحت کے اعداد و شمار کے مطابق ملک بھر میں فعال کیسوں کی کل تعداد 99,763 درج کی گئی ہے۔ فعال کیسز کل انفیکشن کے ایک فیصد سے بھی کم ہیں۔ اس وقت یہ 0.29 فیصد ہے جو کہ مارچ 2020 کے بعد سب سے کم ہے۔اس وقت ملک میں صحت یابی کی شرح 98.35 فیصد ریکارڈ کی گئی ہے جو مارچ 2020 کے بعد سب سے زیادہ ہے۔

گزشتہ 24 گھنٹوں میں ملک بھر میں کل 8,548 مریض صحت یاب ہوئے ہیں۔ ملک بھر میں اب تک مجموعی طور پر 3 کروڑ 40 لاکھ 37 ہزار 54 افراد اس وبا کو شکست دے چکے ہیں۔ملک میں ہفتہ واری مثبت شرح 0.85 فیصد ریکارڈ کی گئی ہے جو گزشتہ 18 دنوں سے ایک فیصد نیچے ہے۔ یومیہ مثبت شرح بھی 0.89 فیصد ریکارڈ کی گئی ہے۔ یہ بھی گزشتہ 59 دنوں سے دو فیصد سے نیچے ہے۔ وزارت کے مطابق قومی ٹیکہ کاری مہم کے تحت اب تک ملک بھر میں 124.96 کروڑ ویکسین کی خوراکیں لوگوں کو دی جا چکی ہیں۔