نئی دہلی،10؍مئی (ایس او نیوز؍ایجنسی) ہندوستان سمیت پوری دنیا میں نہ تھمنے والا کورونا کا قہر جاری ہے- ہندوستان دنیا کا 16واں ملک بن گیا ہے جہاں کورونا سے 2ہزار افراد کی موت ہوچکی ہے- ہندوستان نے یہ تخمینہ ہفتہ کے روز یعنی 9؍مئی کو پورا کرلیاہے- حالانکہ یہاں 11مارچ کو پہلی موت ہوئی تھی یعنی کل 59دنوں میں 2ہزار لوگوں کی جان گئی ہے-

ماہرین بتاتے ہیں کہ یہ دنیا میں سب سے دھیمی رفتار ہے- سب سے اموات برطانیہ اور اندولس میں ہوئی ہیں - جہاں محض 23 دنوں میں 2ہزار سے زیادہ لوگوں کی موت ہوئی تھی- اسی طرح بلجیم اور سویڈن میں بھی ایسا ہی ہوا تھا جہاں 11مارچ کو ہی ہندوستان کے ساتھ کورونا سے پہلی موت ہوئی تھی لیکن وہاں بھی ہندوستان سے پہلے 2ہزار لوگوں کی جان چلی گئی- بلجیم صرف 27دن اور سویڈن میں 43دن میں کورونا سے مرنے والوں کی تعداد 2ہزار پہنچ گئی تھی-