ہند-فرانس دفاعی مذاکرات سے قریبی ہوں گے اسٹریٹجک تعلقات: راج ناتھ سنگھ
پیرس،9اکتوبر(ایس او نیوز/آئی این ایس انڈیا) وزیر دفاع راج ناتھ سنگھ اور فرانس کی وزیر دفاع فلورنس پارلے کے درمیان سالانہ ہند۔ فرانس دفاعی مذاکرات ختم ہو گئے۔اس مذاکرات میں راجناتھ کا اوپری ایجنڈا اسٹریٹجک تعلقات کو قریبی کرنا تھا۔فرانس کی وزارت دفاع کے ہیڈ کوارٹر ’ہوٹل ڈی برائن‘ میں منگل کی رات راج ناتھ نے فوجی گارڈآف آنر کا معائنہ کیا۔ہندوستانی فضائیہ (آئی اے ایف) کے لیے فرانس سے خریدے گئے 36 رافیل لڑاکا طیاروں کی سیریز میں پہلا ہوائی جہاز سونپے جانے کے لیے منگل کی رات منعقد ایک تقریب میں سنگھ اپنی فرانسیسی ہم منصب فلوریس پارلے کے ساتھ شریک ہوئے تھے، جہاں سنگھ کو باضابطہ طور پر پہلا رافیل طیارہ سونپا گیا۔سنگھ نے رافیل لڑاکا طیارے میں پرواز سے ٹھیک پہلے نئے طیارے کا اسلحہ پوجن کیا اور کہاکہ یہ ہند۔فرانس اسٹریٹجک پارٹنرشپ میں ایک نیا سنگ میل ہے اور دو طرفہ دفاعی تعاون ایک نئے مقام پر پہنچا ہے۔ایسی حصولیابی ہمیں اور کام کرنے کے لیے حوصلہ افزائی کرتی ہیں اور جب میں وزیر پارلے سے ملاقات کروں گا تو یہ میرے ایجنڈے میں ہوگا۔ انہوں نے کہاکہ یہ ہندوستانی مسلح افواج کے لیے ایک تاریخی دن ہے، جو ہندوستان اور فرانس کے درمیان اسٹریٹجک پارٹنرشپ کی گہرائی کو دکھاتا ہے۔آج وجے دشمی ہے اور ساتھ ہی ہندوستانی فضائیہ کا 87 واں یوم تاسیس بھی ہے۔ انہوں نے ہوائی جہاز سے اترنے کے فوری بعد کہاکہ یہ طیارے فضائیہ کی جنگی صلاحیت کو بہت زیادہ بڑھائے گا۔یہ اپنے دفاع کے لیے مزاحم طاقت ہے اور اس کا کریڈٹ وزیر اعظم مودی کو جاتا ہے۔ سنگھ نے کہاکہ میں ہر سال لکھنؤ میں اسلحہ پوجن کرتا ہوں اور آج میں نے فرانس میں یہاں اسلحہ کے طور پر رافیل کی پوجاکی۔