عمر خالد کی گرفتاری پر یوگیندر یادو اور شہلا بھی ناراض، مودی حکومت پر کیا حملہ

Source: S.O. News Service | Published on 14th September 2020, 11:09 PM | ملکی خبریں |

نئی دہلی،14؍ستمبر (ایس او نیوز؍ایجنسی) دہلی پولس کی اسپیشل سیل کے ذریعہ جے این یو کے سابق طلبا لیڈر عمر خالد کی یو اے پی اے کے تحت گرفتاری کے خلاف دانشور طبقہ میں حیرانی اور ناراضگی دیکھنے کو مل رہی ہے۔ کئی افراد مودی حکومت کو تنقید کا نشانہ بھی بنا رہے ہیں اور اس گرفتاری کو پوری طرح سے غلط ٹھہرا رہے ہیں۔ 'سوراج ابھیان' کے لیڈر یوگیندر یادو نے اس تعلق سے ایک ٹوئٹ بھی کیا ہے جس میں انھوں نے لکھا ہے کہ "مجھے حیرانی ہو رہی ہے کہ عمر خالد جیسے نوجوان، اچھی سوچ اور اصول پسند سماجی کارکن کے خلاف یو اے پی اے کا استعمال کیا گیا ہے۔"

یوگیندر یادو نے اپنے ٹوئٹ میں یہ بھی لکھا ہے کہ "خالد نے ہمیشہ کسی بھی طرح کے تشدد اور فرقہ پرستی کی مخالفت کی ہے۔ بلاشبہ وہ ان لیڈروں میں سے ہے جس کا ہندوستان اہل ہے۔ دہلی پولس ہندوستان کے مستقبل کو طویل مدت تک حراست میں نہیں رکھ سکتی۔"

سماجی کارکن ہرش مندر نے بھی عمر خالد کے حق میں آواز اٹھائی ہے۔ ان کا کہنا ہے کہ عمر خالد ان ہزاروں آوازوں میں سے ایک ہے جنھوں نے خاص طور سے پرامن، غیر تشدد اور جمہوری طریقوں کو دھیان میں رکھتے ہوئے ملک بھر میں ہوئے سی اے اے مخالف مظاہروں میں آئین کے حق میں بات کی۔ علاوہ ازیں عمر خالد کے تعلق سے نوجوان خاتون لیڈر شہلا راشد نے ایک ٹوئٹ کیا ہے جس میں انھوں نے پی ایم مودی کو طنز کا نشانہ بنایا ہے۔ انھوں نے اپنے ٹوئٹ میں لکھا ہے کہ "جس طرح مودی کی 'ڈگری-شادی' فیک ہے، اسی طرح یہ کیس بھی فیک ہے۔"

ایک نظر اس پر بھی

بالاسبرامنیم اس ملک کے موسیقی اورلسانی ثقافت کی ایک عمدہ مثال تھے: سونیا گاندھی

کانگریس  کی  چیئرپرسن سونیا گاندھی نے موسیقی کی دنیا کی ایک عظیم ہستی بالاسبرامنیم کے انتقال پراپنے گہرے رنج  وغم  کا اظہار کرتےہوئے کہا ہے کہ وہ ملک کی  موسیقی اور لسانی  ثقافت کے عمدہ مثال تھے اور ان کے نہیں رہنے  سے آرٹ اور کلچرل کی دنیا پھیکی پڑگئی ہے۔

الطاف بخاری کا راجوری کے تین متاثرہ کنبوں کو معقول معاوضہ و نوکریاں فراہم کرنے کا مطالبہ

اپنی پارٹی کے صدر سید محمد الطاف بخاری نے کہا ہے کہ پولیس کی فارنسک رپورٹ میں امشی پورہ شوپیاں انکاؤنٹر میں ہلاک ہونے والے راجوری ضلع کے 3 مقتول مزدوروں کی شناخت کی تصدیق سے قانون کے تحت سزا یقینی ہے