ہندوستانی ٹیم کی نگاہیں کینیا کو شکست دے کر خطاب جیتنے پر
ممبئی ،09؍جون ( ایس او نیوز؍آئی این ایس انڈیا )ہندوستانی ٹیم کی نگاہیں کرشمائی سنیل چھیتری کی کارکردگی کے بل کل یہاں انٹرکانٹینینٹل کپ کے فائنل میں کینیا کو شکست دے کر ٹرافی اپنے نام کرنے پر لگی ہوگی۔ٹیم چاہے گی کہ اس میچ کے لیے اسٹیڈیم کھیل مداحوں سے بھرا ہو تاکہ گھریلو کھلاڑی اچھا کھیل دکھانے کی حوصلہ افزائی ہو سکے۔منتظمین نے اس میچ کے تمام ٹکٹ فروخت ہونے کا دعوی کیا ہے۔گول کرنے میں تیسرے نمبر پر قابض چھیتری نے تین میچوں میں گول داغے ہیں جس چینی تائی پے کے خلاف ہیٹ ٹرک اور کینیا کے خلاف دو گول شامل ہیں۔میزبان ہندوستان اس ٹورنامنٹ کو اگلے سال جنوری میں ہونے والے اے ایف سی ایشیائی کپ کی تیاریوں کے طور پر کھیل رہا ہے اور اگر اسے اس ٹورنامنٹ کے فائنل میں فتح ملتی ہے تو اس سے یقینی طور پر اس اعتماد میں اضافہ ہوگا۔ ہندوستان نے لیگ میچوں میں کینیا کو 3-0 سے تباہ کیا تھا جو کپتان چھیتری کا ملک کے لیے 100 واں میچ بھی تھا۔اور ہندوستانی کپتان نے بھی دو گول کر اس میچ کو یادگار بنا دیا تھا۔اب ٹیم اس افریقی ٹیم کے خلاف اپنے لیگ میچ کی کارکردگی کو فائنل میں بھی اعادہ چاہے گی۔میزبان ٹیم نے پورے ٹورنامنٹ میں جارحانہ کھیل کا مظاہرہ ہے۔لیکن اسٹیفن کانسٹینٹائن کی ٹیم کینیا کو ہلکے میں نہیں لے سکتی کیونکہ اس نے نیوزی لینڈ کو 2-1 سے اور گزشتہ رات چینی تائی پے کو 4-0 سے شکست دی۔کانسٹینٹائن یقینی بنائیں گے کہ ان کی بہترین ابتدائی الیون کل میدان میں اترے کیونکہ گزشتہ میچ میں نیوزی لینڈ کے خلاف ان کی سات کھلاڑیوں کو تبدیل کرنے کی حکمت عملی ان کے خلاف گئی تھی جس میں ٹیم کو 1-2 سے شکست ملی تھی۔