آسٹریلیا کو 100 ویں ٹیسٹ میچ میں شکست دے کر ہندستان نے کی برابری

Source: S.O. News Service | Published on 29th December 2020, 1:10 PM | اسپورٹس |

میلبورن،29؍دسمبر (ایس او نیوز؍ایجنسی)  ہندوستان نے اپنے گیند بازوں کی مضبوط کارکردگی کا مظاہرہ کرتے ہوئے دوسرے باکسنگ ڈے ٹیسٹ کے چوتھے روز آسٹریلیا کو آٹھ وکٹوں سے شکست دے کر چار میچوں کی سیریز 1-1 سے برابر کرلی۔ ہندوستان نے آسٹریلیا کو دوسری اننگز میں 200 رنوں پر سمیٹ دیا اور فتح کے لئے ملا 70 رنوں کا ہدف دو وکٹیں گنوا کر پورا کرلیا۔ دونوں ممالک کے مابین یہ 100 واں ٹیسٹ تھا جس میں ہندوستان نے کامیابی حاصل کی ہے۔

اس طرح ہندوستان نے اجنکیہ رہانے کی کپتانی میں یادگار فتح حاصل کی۔ ایڈیلیڈ میں دوسرے دن۔ رات کے ٹیسٹ میچ کی دوسری پاری میں اپنے کم ترین اسکور 36 پر آؤٹ ہونے اور آٹھ وکٹوں سے شکست کے بعد ہندوستان نے شاندار واپسی کرتے ہوئے فتح حاصل کرلی۔ گزشتہ سال 19۔2018 میں ہندوستان نے اپنے آسٹریلیائی دورے میں بھی میلبورن میں باکسنگ ڈے ٹیسٹ میچ 137 رنوں سے جیتا تھا اور اس بار بھی اس نے باکسنگ ڈے ٹیسٹ میں فتح کا پرچم لہراتے ہوئے میلبورن کو بیرونی سرزمین پر اپنا سب سے کامیاب میدان بنا دیا۔

ٹیم انڈیا کے باقاعدہ کپتان ویراٹ کوہلی کے وطن واپس آنے کے بعد کپتان کا عہدہ سنبھالنے والے رہانے چار دن تک کھیل پر اپنا کنٹرول برقرار رکھا اور اپنی کپتانی میں مسلسل تیسرا ٹیسٹ جیت لیا۔ اس سے پہلے 17۔2016 میں رہانے نے آسٹریلیا کو دھرم شالہ میں آٹھ وکٹوں سے اور افغانستان کو بنگلور میں ایک اننگز اور 262 رنوں سے ہرایا تھا۔ رہانے کو پہلی اننگز میں ان کی شاندار سنچری کے لئے مین آف دی میچ قرار دیا گیا ہے۔

ہندوستان نے گیندبازوں کی شاندار کارکردگی کی بدولت آسٹریلیا کی دوسری اننگز کو 200 رنوں پر ہی سمیٹ دیا۔ آسٹریلیا کو 69 رنوں کی برتری حاصل ہوئی اور ہندوستان کو جیت کے لئے 70 رنوں کا ہدف دیا۔ ہدف کا تعاقب کرتے ہوئے ہندستان کے مینک اگروال اور چیتشور پجارا محض 19 رنوں پر ہی آؤٹ ہوگئے لیکن نوجوان اوپنر شبھمن گل نے ناٹ آؤٹ 35 رن اور کپتان رہانے نے ناٹ آؤٹ 27 رن بنا کر ہندوستان کو فتح سے ہمکنار کردیا۔

مینک پانچ اور پجارا تین رن بنا کر آؤٹ ہوئے۔ مشیل اسٹارک نے مینک کو اور پیٹ کمنس نے پجارا کو آؤٹ کیا۔ لیکن چونکہ ہدف چھوٹا تھا اور ہندوستان کو اسے حاصل کرنے میں کوئی دشواری نہیں ہوئی۔ گل نے 36 گیندوں میں سات چوکے لگائے جبکہ رہانے نے 40 گیندوں میں تین چوکے لگائے۔

اس طرح ہندستان نے میلبورن میں اپنی چوتھی جیت حاصل کی اور غیر ملکی سرزمین پر میلبورن ہندوستان کے لئے سب سے کامیاب میدان بن گیا۔ ہندستان کی میلبورن میں 14 ٹیسٹ میچوںمیں یہ چوتھی جیت ہے۔ ہندستان نے پورٹ آف اسپین میں 13 ٹیسٹ میچوں میں تین ، کنگسٹن میں 13 ٹیسٹ میچوں میں تین اور کولمبو میں نو ٹیسٹ میچوںمیں تین ٹیسٹ جیتے ہیں۔

ہندوستان کو فتح کی خوشی تو تب ہی مل گئی تھی جب اس نے تیسرے دن کے کھیل میں 131 رنوں کی برتری حاصل کرنے کے بعد آسٹریلیا کی دوسری باری میں 133 رنوں پر چھ وکٹیں گرادیئے تھے۔ چوتھے دن آسٹریلیا نے یہاں سے آگے کھیلنا شروع کیا لیکن انڈیا نے اپنے گیندبازوں کی مضبوط کارکردگی کی بدولت آسٹریلیا کی اننگ پہلے ہی سیشن میں 103.1 اووروں میں 200 رنوں پر سمیٹ دی۔

ہندوستان کے لئے اس میچ سے آغاز کرنے والے تیز گیندباز محمد سراج نے 21.3 اووروں میں 37 رن دے کر تین وکٹیں حاصل کیں، بائیں ہاتھ کے اسپنر رویندر جڈیجہ نے 14 اووروں میں 28 رن دے کر دو وکٹیں، جسپریت بمراہ نے 27 اووروں میں 54 رن دے کر دو وکٹیں ، آف اسپنر رویچندرن اشون نے 37.1 اووروں میں 71 رن پر دو وکٹیں اور امیش یادو نے 3.3 اوور میں پانچ رن دے کر ایک وکٹ حاصل کیا۔

ایک نظر اس پر بھی

ٹی-20 ورلڈ کپ: پاکستان نے ہندوستان کو 10 وکٹوں سے شکست دی

پاکستان نے اپنے اوپنرز کپتان بابر اعظم (ناٹ آؤٹ 68) اور محمد رضوان (ناٹ آؤٹ 79) کی شاندار نصف سنچریوں اور 152 رنوں کی ریکارڈ اوپننگ پارٹنرشپ کی مدد سے آئی سی سی ٹی-20 ورلڈ کپ میں ہندوستان کو یکطرفہ انداز میں 10 وکٹوں سے شکست دے کر ورلڈ کپ میں مسلسل پانچ میچوں میں شکست کھانے کا سلسلہ توڑ ...

ٹی۔ 20 ورلڈ کپ: جنوبی افریقہ کو پانچ وکٹوں سے شکست دے کر آسٹریلیا کا فاتحانہ آغاز

آسٹریلیا نے ہفتہ کے روز اپنے گیندبازوں کی شاندار کارکردگی کی بدولت یہاں ٹی 20 ورلڈ کپ 2021 کے افتتاحی میچ میں جنوبی افریقہ کو پانچ وکٹوں سے شکست دے کر پورے پوائنٹس حاصل کئے۔ آسٹریلیا نےجنوبی افریقہ کو گروپ 1 کے اس مقابلے میں نو وکٹوں پر 118 رن کے معمولی اسکور پر روکنے کے بعد 19.4 اوور ...

آئی پی ایل فائنل میں چنئی نے دی کولکاتا نائٹ رائڈرس کو شکست، چنئی بنا چوتھی مرتبہ آئی پی ایل چیمپئن

سلامی بلے باز ڈو پلیسسز (86) کی بہترین نصف سنچری کے ساتھ روبن اتھپا کے (31) اور معین علی کے (ناٹ آؤٹ37) کی جارحانہ اننگز کے نتیجے میں چنئی سپر کنگس نے کولکاتا نائٹ رائڈرس کو  27 رنوں سے شکست دے دی اور چوتھی بار آئی پی ایل چمپئن بننے کا فخر حاصل کرلیا۔ 

آئی پی ایل 2021: کولکاتہ تیسری مرتبہ آئی پی ایل کے فائنل میں ، راہل ترپاٹھی نے چھکا لگا کر دلائی جیت

)  آئی پی ایل 2021 کا خطابی مقابلہ اب کولکاتہ نائٹ رائیڈرس اور چنئی سپرکنگس کے درمیان کھیلا جائے گا ۔ کے کے آر نے کوالیفائر 2 کے میچ میں دہلی کیپیٹلز کو 3 وکٹوں سے شکست دیدی ہے ۔ دہلی کی ٹیم پوائنٹس ٹیبل پر سرفہرست رہی تھی اور اس کو کوالیفائر 1 میں چنئی سپرکنگس نے شکست دی تھی ۔ میچ ...