برطانیہ سے ہندوستان آنے والی پروازوں پر31دسمبر تک پابندی
نئی دہلی،22؍دسمبر(ایس او نیوز؍ایجنسی) حکومت نے برطانیہ سے آنے والی سبھی پروازوں پر23سے31دسمبر تک کیلئے پابندی عائد کردی ہے - برطانیہ میں کوروناکے نئے اسٹرین کے سامنے آنے کے بعد یہاں ایک اعلیٰ سطحی میٹنگ میں یہ فیصلہ لیا گیا-
شہری ہوابازی کی وزارت نے31دسمبر کی رات12بج کر 59منٹ تک برطانیہ سے یا برطانیہ ہوکر ہندوستان آنے والی پروازوں پر پابندی عائد رہے گی- یہ پابندی22دسمبر کی رات12بج کر ایک منٹ سے عمل میں آئے گی-جو پروازیں برطانیہ سے پرواز کرچکی ہیں یا ملک سے روانہ ہوچکی ہیں، جن ہندوستانی طیاروں کو برطانیہ سے یا وہاں کے راستے واپس آنا ہے - ان کیلئے22دسمبر کی رات11بج کر59منٹ تک ملک میں اترنے کی اجازت ہوگی-ان سبھی طیاروں سے آنے والے سبھی مسافروں اور ہوائی اڈے پر ہی آر ٹی- پی سی آر جانچ کی جائے گی-
وزارت نے ٹوئٹ کرکے بتایاکہ احتیاط برتتے ہوئے 22دسمبر کی رات 11بج کر59منٹ تک برطانیہ سے یا برطانیہ ہوکر ہندوستان آنے والی پروازوں کے سبھی مسافروں کی لازمی طور پر آر ٹی- پی سی آر جانچ کی جائے گی-