ممبئی ٹیسٹ: اعجاز پٹیل نے ایک اننگ میں 10 وکٹ لے کر رقم کی تاریخ، ایسا کرنے والے دنیا کے تیسرے گیندباز

Source: S.O. News Service | Published on 4th December 2021, 8:34 PM | اسپورٹس |

ممبئی،4؍دسمبر (ایس او نیوز؍ایجنسی) نیوزی لینڈ کے گیندباز اعجاز پٹیل نے کسی ٹیسٹ میچ کی ایک اننگ کے تمام 10 وکٹ حاصل کر کے تاریخ رقم کر دی ہے۔ اعجاز پٹیل ایسا کرنے والے نیوزی لینڈ کے پہلے اور دنیا کے تیسرے گیند باز ہیں۔ اعجاز سے پہلے یہ کارنامہ انیل کمبلے اور جیم لیکر انجام دے چکے ہیں۔

انیل کمبلے نے 1999 میں پاکستان کے خلاف دہلی کے فیروز شاہ کوٹلہ میدان میں یہ کمال کیا تھا۔ وہیں، جیم لیکر نے سال 1956 میں آسٹریلیا کے خلاف ٹیسٹ میچ کی ایک اننگ میں 10 وکٹ حاصل کر کے یہ کارنامہ انجام دیا تھا۔

غور طلب ہے کہ اعجاز پٹیل ممبئی میں ہی پیدا ہوئے ہیں۔ انہوں نے ہندوستان کے خلاف ممبئی کے وانکھیڈے اسٹیڈیم میں چل رہے ٹیسٹ میچ میں 47.5 اوور کی گیندبازی کی اور 12 اوور میڈن ڈالتے ہوئے 119 رن دے کر 10 وکٹ حاصل کرنے کا کمال کر دکھایا۔ نیوزی لینڈ کی ٹیسٹ کرکٹ کی تاریخ میں اعجاز پٹیل نے یہ کارنامہ انجام دے کر اپنا نام تاریخ کے صفحات میں درج کرا لیا۔

سیریز کے اس دوسرے ٹیسٹ میچ میں اسپینر اعجاز پٹیل کے 10 وکٹ حاصل کرنے کے بعد ہندوستانی تیم 325 رنوں پر محدود رہ گئی۔ سلامی بلے باز مینک اگروال نے شاندار اننگ کھیلتے ہوئے سنچری اسکور کی۔ انہوں نے 311 گیندوں کا سامنا کرتے ہوئے 4 چھکوں اور 17 چوکوں کی مدد سے 150 رن بنائے۔ وہیں، اکشر پٹیل نے 52 رن کی اننگ کھیلتے ہوئے نصف سنچری اسکور کی۔

اعجاز پٹیل نے شبھمن گل کو 44 کے اسکور پر آؤٹ کیا۔ ان کا کیچ روس ٹیلر نے لپکا۔ چیتیشور پجارا صفر پر آؤٹ ہوئے۔ وراٹ کوہلی اور ردھیمان ساہا بھی اعجاز کے ہاتھوں ایل بی ڈبلیو ہو گئے۔ شریئس ایر کو پٹیل نے کیچ آؤٹ کرایا اور اشون کو بولڈ کر دیا۔ اس کے علاوہ انہوں نے مینک کو 150 پر، اکشر پٹیل کو 52 پر، جینت یادو کو 12 اور محمد سراج کو 4 رن پر آؤٹ کر کے پویلین واپس بھیج دیا۔

ایک نظر اس پر بھی

حیدرآباد نے آئی پی ایل کا سب سے بڑا اسکور بنایا ، ممبئی کو 31 رنز سے دی بری طرح شکست

آئی پی ایل 2024 کے 8ویں میچ میں سن رائزرز حیدرآباد نے ممبئی انڈینز کو 31 رنز سے شکست دے دی۔ میچ میں حیدرآباد نے پہلے بیٹنگ کرتے ہوئے مقررہ 20 اوورز میں 3 وکٹوں پر 277 رنز بنائے۔ جواب میں ممبئی کی ٹیم 20 اوورز میں 246/5 ​​رنز ہی بنا سکی۔ تلک ورما نے ممبئی کے لیے کافی دیر کوشش کی اور 64 رنز کی ...

آئی پی ایل 2024: دفاعی چمپئن چنئی نے جیت کے ساتھ کیا آغاز، بنگلورو کو 6 وکٹ سے ملی شکست

آج آئی پی ایل 2024 کا پہلا میچ دفاعی چمپئن چنئی سپرکنگز (سی ایس کے) اور رائل چیلنجرس بنگلور (آر سی بی) کے درمیان کھیلا گیا جس میں چنئی کو 6 وکٹ سے جیت ہاتھ لگی ہے۔ بنگلورو نے چنئی کے سامنے جیت کے لیے 174 رنوں کا ہدف رکھا تھا جسے اس نے 18.4 اوورس میں محض 4 وکٹ کے نقصان پر حاصل کر لیا۔ اس ...

ہندوستان نے پانچویں ٹیسٹ میں انگلینڈ کو اننگ اور 64 رن سے شکست ، سیریز پر 4-1 سے قبضہ

دھرم شالہ میں کھیلے جا رہے پانچویں ٹیسٹ میچ میں ہندوستان نے انگلینڈ کو اننگز اور 64 رنز سےشکست دی  ہے۔ اس طرح ہندوستان نے سیریز 4-1 سے جیت لی۔ ہندوستانی ٹیم نے میچ کے تیسرے دن انگلینڈ کو بڑی شکست دی۔ انگلینڈ کی ٹیم دوسری اننگز میں بھی بری طرح لڑکھڑا گئی۔ صرف جو روٹ ہی بلے سے کچھ ...

ہندوستان نے دوسرے ٹیسٹ میں انگلینڈ کو 106 رنوں سے دی شکست، سیریز 1-1 سے برابر

) ہندوستان نے پہلے ٹیسٹ میچ میں انگلینڈ سے ملی شکست کا بدلہ آج وشاکھاٹنم میں لے کر سیریز کو 1-1 سے برابر کر دیا ہے۔ 5 ٹیسٹ میچوں کی سیریز کا دوسرا ٹیسٹ ہندوستان نے 106 رنوں سے جیت لیا ہے۔ اس جیت کے ہیرو پلیئر آف دی میچ جسپریت بمراہ رہے جنھوں نے دونوں اننگ میں مجموعی طور پر 9 ...

کیپ ٹاؤن میں ہندوستان کی جنوبی افریقہ پر تاریخی فتح، میچ دوسرے ہی دن ختم، ٹیسٹ سیریز 1-1 سے برابر

ہندوستانی مینس کرکٹ ٹیم نے 2024 کا آغاز ایک شاندار اور ریکارڈ ساز جیت کے ساتھ کیا ہے۔ کیپ ٹاؤن کے نیولینڈس میں 3 جنوری سے شروع ہوا ٹیسٹ میچ 4 جنوری یعنی دوسرے دن ہی ختم ہو گیا۔ ہندوستان کو جیت کے لیے دوسری اننگ میں 79 رنوں کا ہدف ملا تھا جسے روہت بریگیڈ نے محض 3 وکٹ کے نقصان پر حاصل ...

جنوبی آفریقہ نے پہلے ٹیسٹ میں انڈیا کو دی ایک اننگ اور 32 رنوں سے شکست

جنوبی افریقہ کے خلاف دو ٹیسٹ میچوں کی سیریز کا پہلا ٹیسٹ ہندوستانی ٹیم ایک اننگ اور 32 رنوں سے ہار گئی ہے۔ اس شرمناک شکست کا ذمہ دار ہندوستانی بلے باز اور گیندبازوں دونوں رہے، کیونکہ پہلی اننگ میں کسی طرح 245 رن کا اسکور بنانے کے بعد ہندوستانی ٹیم دوسری اننگ میں محض 131 رنوں پر ...