سنسنی خیز میچ میں ہندوستان نے آسٹریلیا کو 8 رنوں سے دی شکست ، سیریز میں 2-0 برتری حاصل

Source: S.O. News Service | By Shahid Mukhtesar | Published on 6th March 2019, 12:44 PM | اسپورٹس |

ناگپور، 6؍مارچ (ایس او نیوز؍ایجنسی) کپتان وراٹ کوہلی (116) کے 40ویں سنچری اور جسپریت بمراہ کی ڈیتھ اووروں کی کمال کی گیندبازی اور وجے شنکر کی کرشمائی آخری اوور کی بدولت ہندوستان نے یہاں ودربھ کرکٹ ایسوسی ایشن اسٹیڈیم میں آسٹریلیا کو دوسرے ون ڈے مقابلے میں منگل کو آٹھ رن سے ہراکر اپنے ون ڈے کی تاریخ کی 500ویں جیت درج کرلی۔ہندوستان نے 48.2 اوور میں 250 رن بنانے کے بعد آسٹریلیا کو 49.3 اوور میں 242 رن پر نمٹا کر پانچ میچوں کی سیریز میں دو صفر کی برتری حاصل کرلی اور آسٹریلیا کے خلاف ناگپور میدان پر جیت کا چوکا بھی لگادیا۔ ہندوستان نے اس میدان پر آسٹریلیا کے خلاف اپنے سبھی چاروں میچ جیت لئے۔

قبل ازیں ہندوستانی کپتان وراٹ کوہلی کی (116) رن کی شاندار سنچری کی بدولت ہندستان نے یہاں ودربھ کرکٹ ایسوسی ایشن اسٹیڈیم میں کھیلے جا رہے دوسرے ون ڈے میچ میں آسٹریلیا کے سامنے 251 رنز کا ہدف دیا ہے ۔ ٹاس ہار کر پہلے بلے بازی کرنے اتری ہندستانی ٹیم کی جانب سے کپتان وراٹ نے شاندار اننگز کھیل کر اپنے کیریئر کی 40 ویں ون ڈے سنچری لگائی۔ وراٹ نے 120 گیندوں میں 10 چوکوں کی مدد سے 116 رنز بنائے اور اپنی ٹیم کو لڑنے کے قابل اسکور تک پہنچایا۔ وراٹ کے علاوہ وجے شنکر نے 46 رنز بنائے۔ شنکر نے اپنی اننگز میں پانچ چوکے اور ایک چھکا لگایا۔ دونوں بلے بازوں کے علاوہ کوئی بھی بلے باز بڑی اننگز کھیلنے میں ناکام رہا اور ہندستان کی اننگز 48.2 اوور میں 250 رن پر سمٹ گئی۔

ہندستانی اننگز کی شروعات خراب رہی اور اس سے پہلے ہی اوور میں روہت شرما کی شکل میں پہلا جھٹکا لگا۔ روہت میچ کے پہلے اوور کی آخری گیند پر صفر کے اسکور پر آؤٹ ہوئے۔ انہیں پیٹ کمنز نے ایڈم زمپا کے ہاتھوں کیچ کراکر پویلین بھیجا۔ روہت کے بعد دھون بھی زیادہ دیر نہیں ٹک سکے اور 21 رنز کے اسکور پر آؤٹ ہو گئے۔ انہیں گلین میکسویل نے ایل بی ڈبلیو کر دیا۔

ایک نظر اس پر بھی

ورلڈ کپ میں ہندوستان کی پاکستان کے خلاف لگا تار ساتویں جیت ، ڈک ورتھ لوئس کے تحت 89 رنوں سے شکست

آئی سی سی کرکٹ ورلڈ کپ 2019 کے 22ویں میچ میں ہندستان اور پاکستان کا مقابلہ بارش کی وجہ سے رکا ہوا ہے ۔ تاہم اگر یہاں سے میچ نہیں ہوتا ہے ہندوستانی ٹیم کی جیت یقینی ہے کیونکہ ڈک ورتھ لوئس کے اعتبار سے ہندوستان 86 رنوں سے پاکستان سے آگے ہے۔

سچن تندولکر نے کیا آسٹریلیائی کمپنی پر مقدمہ، 20 لاکھ ڈالر کا مطالبہ

ہندستانی آئکن کرکٹر سچن تندولکر نے آسٹریلیائی بیٹ بنانے والی کمپنی اسپارٹن اسپورٹس پر 20 لاکھ ڈالر کی رائلٹی ادا نہ کرنے کے خلاف مقدمہ درج کرایا ہے۔ سچن نے کمپنی پر ان کے نام کا استعمال کرتے ہوئے اپنے پروڈكٹس فروخت کرنے کا الزام لگایا اور انہیں رائلٹی نہیں دینے کے خلاف فیڈرل ...

یوراج سنگھ نے بین الاقوامی کرکٹ کو کہا ’الوداع‘

لمیٹڈ اوورز کے کرکٹ میں ہندوستان کے بہترین ہر فن مولا کھلاڑیوں میں شمار یوراج سنگھ نے آج بین الاقوامی کرکٹ سے ریٹارئمنٹ کا اعلان کر دیا۔ یوراج نے ایک پریس کانفرنس سے یہ اعلان کیا۔ یوراج سنگھ نے کہا کہ وہ کافی وقت سے ریٹائرمنٹ کے بارے میں سوچ رہے تھے تھے اور اب ان کا پلان آئی سی ...