بنگلوروشہر میں پارکنگ کی خلاف ورزیوں میں اضافہ

Source: S.O. News Service | By Shahid Mukhtesar | Published on 11th June 2019, 10:31 AM | ریاستی خبریں |

بنگلورو،11؍جون (ایس او نیوز) ریجنل ٹرانسپورٹ آفس (آر ٹی او) کی رپورٹ کے مطابق شہر کی سڑکوں پر 73 لاکھ سے بھی زائد گاڑیاں دوڑ رہی ہیں اور روزانہ ایک ہزار سے بھی زائد نئی گاڑیاں سڑکوں پر اتر رہی ہیں جس کی وجہ سے پارکنگ کے لئے جگہ تنگ ہوتی جارہی ہے- مزید یہ کہ 55لاکھ سے بھی زائد دو پہیوں والی گاڑیاں بنگلور کی سڑکوں پر گھوم رہی ہیں - جو ٹرافک اژدہام میں بھی راستہ بنا کر نکل جاتے ہیں - دن بہ دن گاڑیوں کے اضافے سے پارکنگ کی خلاف ورزیوں میں اضافہ ہورہا ہے- زیادہ سے زیادہ لوگ اپنی گاڑیوں کو اپنی منزل کے قریب رکھنا چاہتے ہیں - ایک سے زائد گاڑیاں رکھنے والے کار مالک اپنی کاروں کو رہائشی مکانوں کے آگے پارکنگ کررہے ہیں جس کی وجہ سے دوسری گاڑی گزرنے کے لئے سڑک تنگ ہوجاتی ہے- ٹرافک کے ماہرین کے مطابق ایک سے زائد گاڑیاں رکھنے کے شوق میں اضافہ ہوتا ہی جارہا ہے غیر قانونی طو پر سڑکوں کے کنارے گاڑیوں کو کھڑی کر کے دوسری گاڑیوں کے لئے راستہ تنگ کرنا قانون کے خلاف ہے- ان حالات سے نمٹنے کے لئے بنگلور ٹرافک پولیس نے 16 ایسی سرکاری زمینوں کی شناخت کی ہے جنہیں پارکنگ کے لئے استعمال کیاجاسکتا ہے- جن میں چار اشوک نگر، دوہلسور میں، جیون بھیم نگر میں 3 اور کے آر پورم اور ایچ اے ایل میں ایک ایک سرکاری زمین کی شناخت کی گئی ہے- ٹرافک پولیس کے ایک سینئر افسر نے بتایا کہ بی بی ایم پی کو اس سلسلے تمام تفصیلات دے دی گئی ہے - مگر ابھی تک کمشنر منجوناتھ پرساد کی جانب سے کوئی جواب نہیں ملا ہے- انہوں نے بتایا کہ اب یہ سماجی اداروں کی ذمہ داری ہے کہ وہ اس سرکاری زمین کا کس طرح استعمال کرنا ہے، طے کریں -

ایک نظر اس پر بھی

گھوٹالہ باز جناردن ریڈی کی بی جے پی میں شمولیت مودی حکومت کے بدعنوانی ختم کرنے کے دعووں کی قلعی کھول رہی: کانگریس

کانگریس نے 35 ہزار کروڑ روپے کے غیر قانونی خام لوہا کانکنی گھوٹالہ کے ملزم جناردن ریڈی کے بی جے پی میں شامل ہونے پر آج زوردار حملہ کیا۔ کانگریس لیڈر پون کھیڑا نے نئی دہلی واقع کانگریس ہیڈکوارٹر میں ایک پریس کانفرنس سے خطاب کرتے ہوئے کہا کہ گھوٹالہ باز جناردن ریڈی کی بی جے پی ...

منگلورو میں 'جاگو کرناٹکا' کا اجلاس - پرکاش راج نے کہا : اقلیتوں کا تحفظ اکثریت کی ذمہ داری ہے 

'جاگو کرناٹکا' نامی تنظیم کے بینر تلے مختلف عوام دوست اداروں کا ایک اجلاس شہر کے بالمٹا میں منعقد ہوا جس میں افتتاحی خطاب کرتے ہوئے مشہور فلم ایکٹر پرکاش راج نے کہا کہ ایک جمہوری ملک میں اقلیتوں کو تحفظ فراہم کرنا اکثریت کی ذمہ داری ہوتی ہے ۔

تنازعات میں گھرے رہنے والے اننت کمار ہیگڈے کو مودی نے کیا درکنار

پارلیمانی الیکشن کے دن قریب آتے ہی اننت کمار ہیگڑے نے گمنامی سے نکل کر اپنے حامیوں کے بیچ پہنچتے ہوئے اپنے حق میں ہوا بنانے کے لئے جو دوڑ دھوپ شروع کی تھی اور روز نئے متنازعہ بیانات  کے ساتھ سرخیوں میں بنے رہنے کی جو کوششیں کی تھیں اس پر پانی پھِر گیا اور ہندوتوا کا یہ بے لگام ...

لوک سبھا انتخابات میں بی جے پی نے اننت کمار ہیگڈے کو دکھایا باہرکا راستہ؛ اُترکنڑا کی ٹکٹ کاگیری کو دینے کا اعلان

اپنے کچھ موجودہ ممبران پارلیمنٹ کو نئے چہروں کے ساتھ تبدیل کرنے کے اپنے تجربے کو جاری رکھتے ہوئے، بی جے پی نے سابق مرکزی وزیر اور اُتر کنڑ اکے ایم پی، اننت کمار ہیگڑے کو باہر کا راستہ دکھاتے ہوئے  آنے والے لوک سبھا انتخابات میں  ان کی جگہ اُترکنڑا حلقہ سے  سابق اسمبلی اسپیکر ...

ٹمکورو میں جلی ہوئی لاشوں کا معاملہ - خزانے کے چکر میں گنوائی تھی  تین لوگوں نے جان

ٹمکورو میں جلی ہوئی کار کے اندر بیلتنگڈی سے تعلق رکھنے والے تین افراد کی جو لاشیں ملی تھیں، اس معاملے میں پولیس کی تحقیقات سے اب یہ بات سامنے آئی ہے کہ خزانے میں ملا ہوا سونا سستے داموں پر خریدنے کے چکر میں ان تینوں نے پچاس لاکھ روپوں کے ساتھ اپنی بھی جانیں گنوائی تھیں ۔