گجراتی تاجر کے23 ٹھکانوں پر آئی ٹی کا چھاپہ، 518 کروڑ روپئے کے غیر قانونی لین دین کا خلاصہ
نئی دہلی ،25؍ ستمبر (آئی این ایس انڈیا) ٹیکس چوری کے بارے میں انٹیلی جنس معلومات کی بنیاد پر انکم ٹیکس ڈیپارٹمنٹ نے 22 ستمبر کو گجرات کے ایک معروف ہیرا تاجر کے گھروں چھاپہ مارا ۔ ہیروں کے کاروبار کے علاوہ یہ گروپ ٹائل بنانے کا بھی کاروبار کرتا ہے۔ محکمہ کے عہدیداروں نے گجرات کے سورت ، نوساری ، موربی اور وانکانیر اور مہاراشٹر کے ممبئی سمیت کل 23 مقامات پر چھاپہ مارا ۔ تلاشی کے دوران حکام نے کاغذ کے ساتھ ساتھ ڈیجیٹل کی شکل میں ضبط کئے گئے بے حساب ڈیٹا ضبط کیا ہے ، جو کہ سورت ، نوساری ، ممبئی میں اپنے قابل اعتماد ملازمین کی تحویل میں خفیہ جگہوں پر چھپا رکھا گیا تھا۔
اعداد و شمار میں بے حساب خریدوفروخت کا ذکر کیا گیا ہے ، جس کے لیے بے حساب نقدرقم لین دین ہوا ہے۔اعداد و شمار کے ابتدائی تجزیے سے یہ بات سامنے آئی ہے کہ تاجر نے بے حساب نقد رقم اور اسٹاک کا کاروبار کیا ہے۔ ابتدائی تجزیے سے پتہ چلا ہے کہ تاجر نے 518 کروڑ روپئے کے ہیروں کا غیر قانونی کاروبار کیا ہے۔مزید یہ کہ اعداد و شمار سے پتہ معلوم ہوا ہے کہ بے حساب ہیرے کی خریدوفروخت کی گئی ہے ۔ اس کے بہی کھاتوں میں 2742 کروڑ روپئے کے چھوٹے ہیرے درج ہیں ، جن کے خلاف زیادہ تر خریداری نقد کی گئی تھی ، اور خریداری کے بل صحیح طریقے سے جمع نہیں کیے گئے تھے۔