اترکنڑا اندرون ضلع اور بیرونی منتخب اضلاع کے لئے سرکاری بسوں کی آمد ورفت شروع
بھٹکل :6 ؍جون (ایس اؤ نیوز) لاک ڈاؤن کے اصول و ضوابط میں ڈھیل دینے کے بعد اترکنڑا زونل سے اہم گاؤں ، شہروں اور منتخب اضلاع کےلئے سرکاری بسیں دوڑنا شروع ہوگئی ہیں۔
تعلقہ مرکز سے تعلقہ کے مختلف دیہات کے لوگوں کو اپنے سرکاری سمیت دیگر کاموں کے لئے مرکز پہنچنے اور تعلقہ مرکز سے ضلعی مرکز کو پہنچنے کے لئے صبح 8بجے سے 30-8بجے کے درمیان سرکاری بسیں دوڑیں گی اور شام کو 4بجے سے 6بجے کے درمیان تعلقہ مرکز لوٹنے کے لئے بسوں کا انتظام کیاگیا ہے۔
اندرون ضلع سرسی ، بھٹکل ، کاروار، انکولہ، کمٹہ ، ہوناور، سداپور بنواسی ، یلاپورگوکرن ، منڈگوڈ، گیرسوپا وغیرہ کو صبح جانے اور شام کو لوٹ کر گھر آنے کے لئے بسیں ڈورنا شروع ہوچکی ہیں۔جہاں تک ضلع سے باہر بسیں دوڑانے کا سوال ہے اب تک صرف ہبلی ، ساگر کے لئے بسیں شروع ہوئی ہیں۔ سرسی اور منڈگوڈ سے ہبلی کے لئے بسیں چل رہیں تو وہیں شیموگہ ضلع کے ساگر کو بھی جانے اور آنے کے لئے بسیں جاری ہیں۔
خیال رہے کہ مینگلور سے بھٹکل ہوکر ہبلی جانے والی یکا دوکا بسیں بھی چل رہی ہیں اسی طرح کاروار سے بھٹکل ہوکر مینگلور، دھرمستھلا وغیرہ جانے والی بسیں بھی دن میں دو یا تین بار بھٹکل بس اسٹائنڈ سے ہوتے ہوئے نظر آرہی ہیں۔