امریکا میں دو ہفتے میں 97 ہزار بچے کرونا وائرس کا شکار
واشنگٹن،09 /اگست (آئی این ایس انڈیا) امریکا میں دو ہفتوں کے دوران 97 ہزار بچے کرونا وائرس کا شکار ہو گئے ہیں۔ تفصیلات کے مطابق امریکی محکمہ صحت کی ایک رپورٹ میں کہا گیا ہے کہ دو ہفتوں کے دوران 97 ہزار بچے کرونا وائرس کا شکار ہوئے ہیں، یہ کیسز 16 جولائی سے 30 جولائی کے درمیان رپورٹ ہوئے۔
امریکا میں کرونا سے متاثرہ افراد کی تعداد 50 لاکھ سے تجاوز کر گئی ہے، 50 لاکھ متاثرین میں سے 3 لاکھ سے زائد بچے ہیں۔
خیال رہے کہ اب تک امریکا میں کرونا کیسز کی تعداد 51 لاکھ 50 ہزار ہو چکی ہے، جب کہ ہلاکتوں کی تعداد 1 لاکھ 65 ہزار سے بڑھ گئی ہے۔
ادھر کورونا وائرس نے دنیا کو تاحال بری طرح جکڑ رکھا ہے، مجموعی متاثرین کی تعداد 2 کروڑ کے قریب پہنچ گئی ہے، جب کہ اموات کی تعداد 7 لاکھ 29 ہزار ہو گئی۔
امریکا، برازیل اور ہندوستان سب سے زیادہ متاثرہ ممالک ہیں، بھارت میں ایک دن میں ریکارڈ 64 ہزار سے زیادہ کیسز رپورٹ ہوئے ہیں، ہندوستان میں متاثرین کی تعداد 21 لاکھ 52 ہزار ہو گئی۔
امریکہ کے بعد برازیل میں بھی اموات کی تعداد 1 لاکھ سے بڑھ گئی، جب کہ مجموعی کیسز کی تعداد 30 لاکھ 13 سے بڑھ گئی ہے۔