بھٹکل:04؍اپریل (ایس او نیوز)13اپریل سے منائے جانے والے تعلقہ کے چن پٹن شری ہنومنت مندر رتھ اتسوا کی مناسبت سے بدھ کو بھٹکل اسسٹنٹ کمشنر ساجد ملا کی صدارت میں مختلف مذاہب کے ذمہ داران کے ساتھ پیس میٹنگ کا انعقاد ہوا۔
اس موقع پر اے سی ساجد ملا نے خوشی کااظہار کرتے ہوئے کہاکہ بھٹکل میں منائے جانے والے مختلف میلوں میں سبھی ذات پات اور دھرموں کے لوگ شامل ہونا بڑی مسرت کی بات ہے۔ بھٹکل کی خاطر ہر ایک اپنی ذمہ داری کو سمجھ کرا داکرے۔ فی الوقت ہم انتخابی دور سے گزررہے ہیں، ضابطہ اخلاق بھی نافذہےمگر تہواروں اور میلوں کے لئے کوئی پابندی نہیں ہے، لیکن اس بات کا خاص خیال رکھیں کہ کسی کو بھی انتخابی ضابطہ اخلاق کی خلاف ورزی کا موقع نہ دیں۔ تحصیلدار بی این پاٹل ، ڈی وائی ایس پی ولنٹائن ڈیسوزا ، سی پی آئی گنیش کے ایل ، بلدیہ چیف آفیسر دیوراج وغیرہ موجود تھے۔