راہل گاندھی کے تمام مودی کو چور کہنے کے معاملے میں سشیل مودی نے درج کروایا بیان

Source: S.O. News Service | By Jafar Sadique Nooruddin | Published on 26th April 2019, 7:55 PM | ملکی خبریں |

پٹنہ: 26 /اپریل(ایس اونیوز /آئی این ایس انڈیا) راہل گاندھی کے خلاف دائر ہتک عزتی کیس کے سلسلے میں جمعہ کو یہاں ایک عدالت کے سامنے پیش ہوئے بہار کے نائب وزیراعلیٰ سشیل کمار مودی نے کہا کہ کانگریس صدر نے یہ تبصرہ کرکے ان کی شبیہ خراب کی ہے کہ تمام چوروں کا لقب مودی کیوں ہے؟ بی جے پی کے سینئر لیڈر نے عدالت سے درخواست کی کہ گاندھی کے تبصرے پر ہتک عزت سے متعلق مختلف دفعات کے تحت نوٹس لیا جائے اور کاگر س صدر کو سمن جاری کرکے ان کے خلاف سماعت کی جائے۔سشیل نے بتایا کہ انہوں نے عدالت سے کہا کہ صرف وہ نہیں بلکہ لاکھوں دیگر لوگ جن کا نام مودی ہے وہ کانگریس صدر کے تبصرہ کی وجہ سے بے عزتی محسوس کررہے ہیں۔سشیل نے کہاکہ میں نے گزشتہ ہفتے دائر ہتک عزت بحث کو لے کر عدالت کی ہدایت کے مطابق چیف جوڈیشیل مجسٹریٹ کے سامنے پیش ہوا۔میں نے کہا کہ راہل گاندھی نے کرناٹک کے کولار ضلع کی ایک ریلی میں تبصرہ کیا تھا کہ تمام چوروں کا لقب مودی ہوتا ہے۔انہوں نے کہاکہ اس بیان کا نیوز چینلز پر نشر ہوا اور اخبارات میں بھی شائع ہوا اس کی وجہ سے مجھے شرمندگی اٹھانی پڑی۔۔ کانگریس صدر اپنی کئی ریلیوں میں بدعنوانی کو لے کر وزیر اعظم نریندر مودی پر نشانہ سادھ چکے ہیں اور انہوں نے بھگوڑے کاروباری نیرو مودی اور سابق آئی پی ایل سربراہ للت مودی کے تناظر میں سوال اٹھایا تھا کہ تمام چوروں کا لقب مودی کیوں ہوتا ہے۔

ایک نظر اس پر بھی

بنگلورو کےپروگرام میں ’پاکستان زندہ باد‘ کا نعرہ ؛ امولیا کو سی اے اے مخالف احتجاجیوں نے کردیا باہر ؛ کیا تھا امولیا کا منشاء ؟

شہریت قانون کی مخالفت میں ٹیپو سلطان فرنٹ کے زیراہتمام بنگلور کے فریڈم پارک میں منعقدہ احتجاجی جلسہ میں اچانک  امولیا نامی خاتون مقرر نے پاکستان زندہ باد کے نعرے لگانے شروع کردیے  جس پر منتظمین اور اسٹیج پر تشریف فرما حیدر آباد کے رکن پارلیمان اسد الدین اویسی  حیرت میں پڑ ...

شاہین باغ: مظاہرین اور مذاکرات کاروں کی بات چیت بے نتیجہ،شہریت قانون واپس لینے تک ڈٹے رہنے کا عزم

شاہین باغ میں گزشتہ68 دنوں سے شہریت ترمیمی قانون، این آر سی و این پی آر کے خلاف جاری عالمی شہرت حاصل کر چکے دھرنا و مظاہرہ میں 19فروری کا دن بہت خاص رہا کیونکہ سپریم کورٹ کے ذریعہ مقرر کردہ مذاکرہ کار سنجے ہیگڈے اور سادھنا رام چندرن بات چیت کرنے پہنچے-

آسام: زبیدہ بیگم کے پاس15دستاویزات موجود شہریت ثابت کرنے میں پھر بھی ناکام!

پورے ہندوستان میں این آر سی لگائے جانے اور اس کے اثرات پر بحث جاری ہے- آسام میں این آر سی سے پیدا مشکلات کو سامنے رکھ کر لوگ پورے ملک میں این آر سی لگائے جانے کی مخالفت کر رہے ہیں - آسام میں کئی معاملے سامنے آ چکے ہیں جس میں برسوں سے وہاں رہ رہے لوگوں کو شہریت ثابت کرنے میں مشکل پیش ...

جس طرح سے سی وی سی کی تقرری ہوئی اس طرح تو چپراسی کی بھی تقرری نہیں ہو سکتی: کانگریس

کانگریس نے چیف ویجلنس کمشنر (سی وی سی) اور ویجلنس کمشنر (وی سی ) کی تقرری کو اداروں کو تباہ کرنے کی ایک اور مثال قرار دیتے ہوئے اسے غیر قانونی قرار دیا اور الزام لگایا کہ اس میں طریقہ کار پر عملدرآمد ہی نہیں کروایا گیا ہے۔

تملناڈو میں بس اور کنٹرینر ٹرک کے درمیان بھیانک ٹکر، 20 کی موت 24 زخمی

ضلع تریپور کے اویناشی میں  بس اور کنٹینر ٹرک کے درمیان ہوئی بھیانک ٹکر میں 20 لوگوں کی موت واقع ہوگئی جبکہ 24 لوگ شدید زخمی ہوگئے۔ حادثہ جمعرات کی اولین ساعتوں میں  اس وقت پیش آیا جب تیز رفتار کنٹرینر ٹرک کا ایک پہیہ پھٹ گیا جس کے نتیجے میں ٹرک بے قابو ہوکر تیز رفتاری کے ساتھ  ...