سرسی:16؍جنوری (ایس اؤ نیوز)مرکزی اور ریاستی حکومتوں کی طرف سےجاری کئے گئے نئے زرعی قوانین کی مخالفت میں 26جنوری کو سرسی میں بڑےپیمانے پر ’’ٹریکٹر ریلی ‘‘کا اہتمام کرتےہوئے سبھی کسان تنظیموں نے متبادل یوم ِ جمہوریہ پریڈ منانے کا فیصلہ کیا ہے، اس بات کی جانکاری  بھومی حقوق تحریکی  کمیٹی کے صدر ایڈوکیٹ رویندر نائک نے دی ہے۔

انہوں نے بتایا کہ  سرسی بھومی کمیٹی دفتر میں منعقدہ  کسانوں کی میٹنگ میں  یہ فیصلہ لیا گیا ہے جس میں  متنازعہ زرعی قوانین کے خلاف دہلی کی سرحدوں پر احتجاج کررہے کسانوں کے حق میں جہاں 26جنوری کو  متبادل یوم ِ جمہوریہ کا پریڈ کریں گے، ہم بھی اس کی حمایت کرتےہوئے اُسی طرز پر سرسی میں بھی ٹریکٹر ریلی کا اہتمام کریں گے۔

مرکزی اور ریاستی  حکومتیں کسان مخالف پالیسی پر عمل پیرا ہیں، جمہوری طریقہ سے اس کی مخالفت کرنا اشد ضروری ہے، اسی لئے سبھی کسان تائیدی تنظیموں کی حمایت لینےکا بھی فیصلہ لئےجانےکی بات کہی۔میٹنگ میں  بھومی حقو ہوراٹ کمیٹی کے تعلقہ صدر لکشمن مالکنور نے استقبال کیا۔ میٹنگ میں ابراہیم صاحب، راجو ارئیر، تما مراٹھی ، شیوپانائک بچگاؤں وغیرہ موجود تھے۔

اس موقع پر  رویندرنائک نے کہاکہ عدالت عظمیٰ کے حکم کا ہم استقبال کرتےہیں، متنازعہ زرعی قوانین کے نفاذ پر روک لگائےجانے کا بھی ہم استقبال کرتے ہیں۔ دراصل یہ کسانوں کے جدوجہد  کی جیت ہے۔انہوں نے توقع ظاہر کی کہ آئندہ دنوں میں عدالت ِ عظمیٰ  کسانوں کے حق میں فیصلہ سنائے گی۔