منگلورو:14؍اگست (ایس اؤ نیوز)چارمڑی گھاٹ پر مسلسل برس رہی بارش کے نتیجےمیں باربار پہاڑ کھسک رہےہیں۔ سڑک کی درستی کے لئے ایک ماہ کی مدت درکار ہے،حالات کو دیکھتے ہوئے دکشن کنڑا ضلع کے ڈپٹی کمشنر سسی کانت سینتھل نے حکم جاری کیا ہے کہ 15اگست سے 14ستمبر تک چارمڑی گھاٹ سڑک سواریوں کی نقل و حمل بند رہے گی۔
دکشن کنڑا ضلع حدود کی قومی شاہراہ 73۔ منگلورو ۔ ولِّپورم کی سڑک76کلومیٹر سے 83.20کلومیٹر تک چارمڑی گھاٹ پر مانسون کی موسلادھار بارش ہورہی ہے۔ 8اگست کو چلی طوفانی ہوا سے کئی جگہوں پر پہاڑ کھسک رہے ہیں۔ پہاڑ کھسکنے والے علاقوں کی سڑکوں پر گری ہوئی مٹی نکال کر بار بار درستی کرنے کے بعد بھی پہاڑکھسکتے رہے ہیں۔ گھاٹ کے چند جگہوں پر سڑکیں منہدم ہونےکی وجہ سے سواریوں پر روک لگا دی گئی ہے۔
چارمڑی گھاٹ کا راستہ پوری طرح برباد ہوگیا ہے۔ خستہ سڑک کو ٹھیک طرح سے درستی کرنے کے لئے ایک ماہ چاہئے ، اسی لئے ٹرافک کو بند کرکے سڑک بنانے کے لئے سہولت دی گئی ہے اسی طرح عوامی جان و مال کی حفاظت کی خاطر 15اگست کی رات 12بجے سے 14ستمبر کی رات 12بجے تک ٹرافک نظام بند رکھا گیا ہے۔
چارمڑی گھاٹ بند ہونےپر ضلعی انتظامیہ نے متبادل انتظام کرتے ہوئے اُجیرے ۔ دھرمستھل ۔ کوکّڈ۔ گونڈیا ۔ شراڑی (قومی شاہراہ 75) کے ذریعے سواریوں کو جانے کے لئے سہولیات مہیا کی گئی ہیں ۔ اسی طرح موڈگیری ہیانڈ پوسٹ۔ جنّاپور۔ آنے محل ۔ شراڑی ۔ گنڈیا (قومی شاہراہ 75) کے ذریعے بھی ٹرافک کی سہولت دی گئی ہے۔