بھٹکل میں صحت کارڈ(آروگیہ کارڈ)کے لئے عوام کا ہجوم :بہت جلدتعلقہ اسپتالوں میں بھی کارڈ دستیاب ہوگا : میڈیکل آفیسر
بھٹکل:18؍جولائی (ایس اؤ نیوز)ریاست میں جاری سیاسی ناٹک بازی کی وجہ سے کوئی بھی ترقی جات کام نہیں ہونے کے متعلق عوامی سطح پر شکایات گردش میں ہیں۔ اکثر محکمہ جات میں کام سست ہونےکا الزام لگایا جارہاہے۔ عوام اس تعلق سے کوئی سرخراب کئے بغیر اگر صحت اچھی رہی تو زندگی میں بہت کچھ حاصل کرنے کی امید میں آروگیہ کارڈ کے لئے ٹوٹ پڑرہے ہیں۔
حالیہ برسوں میں حکومتوں کی طرف سے عوامی صحت کے کئی منصوبہ جاری کئے جارہے ہیں، عام عوام کو مشہور ومعروف اسپتالوں میں علاج کی سہولیات فراہم کرتے ہوئے مرکزی و ریاستی حکومتیں مشترکہ طورپر جاری کردہ ’آیوشکان بھارت آروگیہ کرناٹکا‘ منصوبے کی طرف عوام کا زائد رجحان دیکھا جارہاہے۔ عام عوام کے لئے بڑے بڑے اسپتالوں میں بل ادا کرنا کسی مصیبت سے کم نہیں ہے۔ انہی حالات کی وجہ سے آروگیہ کارڈ جاری کرنے کی بات کہی جارہی ہے۔ عوام کو امید ہے کہ متعلقہ صحت کارڈ سے اخراجات کم ہونے کی امیدلے کر عوام پچھلے چار مہینوں سے آروگیہ کارڈ کے لئے کوشش میں ہیں۔
آروگیہ کارڈ جاری کرنے کے بعد ہر سطح پر رشوت خوری کا بازار عام ہوتاہوگیا،عوام کو لوٹنے کے نئے نئے راستہ ڈھونڈ نکالے گئے اس کے بعداس تعلق سے ایک گھپلہ بھی منظر عام پر آیا تو آروگیہ کارڈ تقسیم کاری طریقہ کار میں ترمیمات کی گئیں۔ جس میں خاص کر انگوٹھے کا نشان لازمی قرار دیا گیا ہے۔ مستفیدین کمپیوٹر مرکز پہنچنا ضروری ہوگیاہے جس کے نتیجے میں مرکزوں پر عوام کا جمگھٹا دیکھا جاسکتاہے۔ صبح سے شام تک اپنے کام کاج چھوڑ کر کمپیوٹر سنٹروں پر عوام کھڑے رہتےہیں۔ موصولہ اطلاعات کے مطابق کمپیوٹر سنٹروں پر سہولیات نہیں ہونے سے عوام کو کافی پریشانی ہورہی ہے۔اس کے علاوہ چند سنٹروں میں رعایتی فیس لی جارہی ہے تو بعض سنٹروں کی فیس 200سے زائد ہونے کی بات کہی جارہی ہے۔ لیکن عوام بڑی بیماری کا علاج 200روپئے میں ہورہاہے تو کوئی فکر نہیں کہہ رہے ہیں۔
تعلقہ میڈیکل آفیسر ڈاکٹر مورتی راج بھٹ کا کہنا ہے کہ عوام آروگیہ کارڈ کے لئے جلد ی نہ مچائیں، آئندہ دنوں میں یہ کارڈ تعلقہ اسپتال، پرائمری ہیلتھ سنٹر وں میں دستیاب ہوگا۔ اب اگر آروگیہ کارڈ نہیں ہے تو بی پی ایل یا اے پی ایل راشن کارڈ کے ذریعے کسی بھی بڑے اسپتال میں بیماری کا علاج کرسکتے ہیں۔