بارش کی تباہیوں کا شکار عوام کو فوری معاوضہ فراہم کیاجائے:پرمیشور

Source: S.O. News Service | Published on 4th September 2022, 11:53 AM | ریاستی خبریں |

بنگلورو، 4؍ستمبر(ایس او نیوز)  موسلا دھار بارش کی وجہ سے امڈا گونڈناہلی کے مکینوں کو کافی مشکلات کا سامناکرناپڑرہاہے،عارضی طورپر انہیں معاوضہ فراہم کرکے عام زندگی کو معمول پر لانے کی ذمہ داری حکومت کی ہے۔ بارش سے ہوئی تباہی اور عوام کوہوئے نقصان کے تعلق سے تفصیلی رپورٹ حکومت کو پیش کرناافسروں کی ذمہ داری ہے۔ اس کام میں کسی بھی طرح کی لاپروائی نہ ہو اس طرح خصوصی توجہ دی جائے۔یہ با ت سابق نائب وزیراعلیٰ ڈاکٹر جی پرمیشور نے کہی۔

انہوں نے یہاں پوراوراہوبلی کے سیلاب متاثر ین سے ملاقات کرنے کے بعد کہاکہ تیس سال کے بعد ہوئی اس طرح کی موسلا دھار بارش سے عام زندگی مفلوج ہے،افسروں کی طرف سے خصوصی توجہ دے کر مستقل حل ڈھونڈ نکالنے کیلئے اقدامات کئے جانے چاہئیں۔بارش کے دوران ایک طرف جئے منگلی ندی بہتی ہے تو دوسری طرف تعلقہ کے اکثر تالاب بھرکر کوڑی نکلتی ہے،جس سے قریوں میں پانی داخل ہونے کا خدشہ ہے،ایسے قریوں میں بارش سے ہونے والی تباہی سے بچنے کیلئے قبل از وقت احتیاطی اقدامات کئے جائیں گے۔پرمیشورنے کہاکہ بارش سے تباہ ہوئی ناریل اور سپاری کی فصلوں کیلئے معاوضہ دیاجائے اور بارش کی وجہ زمین بوس ہوچکے گھروں کی تعمیر اور مرمت کیلئے بھی فوری اقدامات کئے جائیں۔

اس موقع پرمدھوگیری کے اسسٹنٹ کمشنرسومپا کوڈکولا،تحصیلدار سریش آچار،تعلقہ پنچایت ای او لکشمن،محکمہ تعمیرات عامہ کے سریش ریڈی،اے ای ای راج گوپال،بلاک کانگریس کمیٹی کے صدر اشوتھ نارائن،راج کمار،پی ڈی او ناگ وینی اور دیگر موجو د تھے۔

ایک نظر اس پر بھی

بجٹ 2023: ’کوئی امید نہیں، بجٹ ایک بار پھر ادھورے وعدوں سے بھرا ہوگا‘، سدارمیا کا اظہارِ خیال

یکم فروری کو مرکز کی مودی حکومت رواں مدت کار کا آخری مکمل بجٹ پیش کرنے والی ہے۔ مرکزی وزیر مالیات نرملا سیتارمن کے ذریعہ بجٹ پیش کیے جانے سے قبل بجٹ 2023 کو لے کر کانگریس کے کچھ لیڈران نے اپنے خیالات ظاہر کیے ہیں۔

کرناٹک ہائی کورٹ کی وارننگ، کہا: چیف سکریٹری دو ہفتوں میں لاگو کرائیں حکم

کرناٹک ہائی کورٹ نے منگل کو انتباہ دیا کہ اگر ریاستی حکومت دو ہفتوں کے اندر سبھی گاؤں اور قصبوں میں قبرستان کے لئے زمین فراہم کرانے کے اس کے حکم پر عمل درآمد کرنے میں ناکام رہتی ہے تو وہ چیف سکریٹری کے خلاف توہین عدالت کی کارروائی شروع کرنے پر مجبور ہوجائے گا ۔

منگلورو: محمد فاضل قتل میں ہندوتوا عناصر ملوث ہونے کا دعویٰ - اپوزیشن پارٹیوں نےکیا کیس کی دوبارہ جانچ کامطالبہ 

بی جے پی یووا مورچہ لیڈر پروین نیٹارو قتل کے بدلے میں عناصر کی طرف سے سورتکل میں محمد فاضل کو قتل کرنے کا کھلے عام دعویٰ کرنے والے وی ایچ پی اور بجرنگ دل لیڈر شرن پمپ ویل کے خلاف کانگریس ، جے ڈی ایس اور ایس ڈی پی آئی جیسی اپوزیشن پارٹیوں نے اس قتل کیس کی ازسر نو جانچ کا مطالبہ کیا ...

ٹمکورو میں اشتعال انگیز بیان دینے والے شرن پمپ ویل سمیت دیگر ہندوتوا لیڈروں کے خلاف قانونی کارروائی کا مطالبہ لے کر اے پی سی آر نے ایس پی کو دیا میمورنڈم

حال ہی میں ریاست کرناٹک کے  ٹمکور میں  منعقدہ شوریہ یاترا کے دوران وی ایچ پی لیڈر شرن پمپ ویل نے جو متنازع اور اشتعال انگیز بیان دیا  تھا ، اس پر کٹھن کارروائی کرتے ہوئے اسے گرفتارکرنے کا مطالبہ لے کر  ایسوسی ایشن فار پروٹیکشن آف سوِل رائٹس (اے پی سی آر) کے  ایک وفد نے ٹمکورو ...