قربانی کئے بغیر جانور کی رقم صدقہ کرنا جائز نہیں، یہ قربانی کا بدل نہیں ہوسکتا، کرناٹک امارت شرعیہ کا اہم فتوی

Source: S.O. News Service | Published on 10th July 2020, 10:17 PM | ریاستی خبریں |

بنگلورو،10؍جولائی(ایس و نیوز) کرناٹک کے امارت شرعیہ نے کورونا وائرس کی وبا کے پیش نظر آنے والی بقر عید (عیدالاضحیٰ) کے سلسلے میں اہم ہدایات جاری کئے ہیں۔ ریاست کے امیر شریعت مولانا صغیر احمد رشادی کی جانب سے جاری کئےگئے تحریری ہدایات میں کہا گیا ہےکہ قربانی شعائر اسلام ہے، قربانی کے تین دنوں (ذی الحجہ 10، 11، 12 ) میں صاحب نصاب پر قربانی واجب ہے، ان دنوں میں قربانی کے جانور کا خون بہانے سے افضل کوئی عمل نہیں۔ قربانی کئے بغیر جانور کی رقم صدقہ کرنا جائز نہیں ہے، یہ قربانی کا بدل نہیں ہو سکتا۔ لہٰذا تمام احتیاطی تدابیر اور پاکی صفائی کا مکمل لحاظ رکھتے ہوئے قربانی کرنے کا پورا اہتمام کریں۔ البتہ پوری کوشش کے باوجود قربانی نہ کی جاسکے تو قربانی کے تین دنوں کے بعد جانور کی رقم یا جانور بطور صدقہ دے سکتے ہیں۔ تاہم کورونا کی وبا کو دیکھتے ہوئے کرناٹک کی امارت شرعیہ نے جانوروں کی قربانی کے مشترکہ نظم سے گریز کرنے کی اپیل کی ہے۔

امیر شریعت مولانا صغیر احمد رشادی کی جانب سے جاری کئے گئے تحریری ہدایات میں کہا گیا ہے کہ وبائی مرض کے پھیل جانے اور مختلف قسم کی بندشوں کی وجہ سے اس مرتبہ مشترکہ قربانی کا عمومی نظام نہ بنائیں تو بہتر ہوگا۔ موجودہ حالات کے پیش نظر مساجد میں پنج وقتہ نماز اور جمعہ کی نماز کے سلسلے میں بھی اہم ہدایات جاری کی گئی ہے۔ مکمل احتیاط کے ساتھ مسجدوں میں پنج وقتہ نمازیں ادا کی جائیں، خاص حالات میں کمیٹیاں غورکرکے فیصلہ کرلیں، جمعہ میں صرف عربی خطبہ پر اکتفاء کیا جائے، مسجد میں سماجی فاصلے کی رعایت کے ساتھ جتنے لوگ نماز پڑھ سکتے ہوں پڑھ لیں۔ امارت شرعیہ کرناٹک نے کہا کہ نماز عیدالاضحٰی کے سلسلے میں جلد ہی ہدایات جاری کی جائیں گی۔

واضح رہے کہ امارت شرعیہ، کرناٹک مذہبی امور میں ریاست کے مسلمانوں کی رہبری کا اہم فریضہ انجام دے رہا ہے۔ کورونا کی بیماری کی وجہ سے نافذ کئے گئے لاک ڈاؤن اور پابندیوں کے دوران امارت شرعیہ کی بنگلورو میں کئی مرتبہ میٹنگز  ہوئے اور یہاں سے وقت وقت پر مسلمانوں کیلئے ضروری ہدایات اور رہنمایانہ خطوط جاری کئے گئے ہیں۔ اب آنے والی عید قربان  کے سلسلے میں بھی امارت شرعیہ کرناٹک نے اہم ہدایات جاری کئے ہیں۔

ایک نظر اس پر بھی

کیرالہ میں پیش آیا چٹان کھسکنے کا خطرناک حادثہ۔ 15ہلاک اور60سے زائدافراد ہوگئے لاپتہ۔ ملبے میں دب گئیں 30جیپ گاڑیاں 

کیرالہ کے مشہور تفریحی مقام ’مونار‘ سے قریب ’ایڈوکی‘ میں چٹان کھسکنے کا ایک خطرناک حادثہ پیش آیا جس میں تاحال 15افراد ہلاک ہونے اور 60سے زیادہ لوگ لاپتہ ہونے کے علاوہ 30جیپ گاڑیاں چٹان کے ملبے میں دب کر رہ جانے کی خبر ہے۔

کورونا کی وبا اور دعوت رجوع الی اللہ، اس عنوان کے تحت جماعت اسلامی ہند، کرناٹک کی 15 روزہ مہم کا آغاز

  کورونا کی وبا سے اس وقت پوری انسانیت پریشان ہے۔ اس مرض کا مقابلہ کرنے کیلئے حفاظتی اور احتیاطی تدابیر اختیار کرتے ہوئے لوگ اپنے رب سے رجوع ہوں۔ کورونا جیسی بیماریوں پر قابو پانے کیلئے طبی علاج کے ساتھ روحانی اور اخلاقی طاقت کا ہونا بھی ضروری ہے۔

کرناٹک سے 40 امیدوار سیول سرویسز امتحان میں کامیاب

کرناٹک سے زائداز 40 امیدواروں نے 2019 کے یونین پبلک سرویس کمیشن (یو پی ایس سی ) سیول سرویس امتحان میں کامیابی حاصل کی اور اب آئی اے ایس ، آئی ایف ایس اور آئی پی ایس اور دیگر میں ملازمت حاصل کریں گے۔