بھٹکل:29؍نومبر(ایس اؤ نیوز)مڈگاؤں سے منگلورو چلنے والی ٹرین میں غیر قانونی طورپر گوا کی شراب سپلائی کرنےکے الزام میں بھٹکل ریلوے پولس اور ایکسائز افسران نے مشترکہ کارروائی کرتے ہوئے ایک شخص کو گرفتار کرلیا ہے جس کی شناخت رام نگر ٹونک کے رہنے والے سوریا کرشنا تانڈیل کی حیثیت سے کی گئی ہے۔
پولس نے بتایا کہ ملزم کے پاس سے 19.5لیٹر شراب ضبط کرنے کے بعد اُسے عدالت میں پیش کیا گیا ہے جہاں سے اُسے عدالتی تحویل میں بھیج دیا گیا ہے۔
بھٹکل آر سی ایف ششوپال سنگھ، ایکسائز انسپکٹر جی ایل بورکر، ریشما وی باناولیکر، گجانن نائک، وینکٹ رمن موگیر کارروائی میں شریک تھے۔