کاروار کے ماجالی چک پوسٹ پر ضبط کی گئی 21.22روپئے مالیت کی غیر قانونی شراب نذرآتش

Source: S.O. News Service | By Abu Aisha | Published on 11th June 2020, 1:19 PM | ساحلی خبریں |

کاروار:11؍جون (ایس اؤ نیوز) کاروار ایکسائز افسران نے کل 85 چھاپہ ماری کے معاملات میں ضبط کی گئی 3320لیٹر شراب ، 3338لیٹر فینی اور 630 لیٹر بئیر کو نذر آتش کیا۔ جس کی کل قیمت اندازاً 21.22لاکھ روپئے بتائی جارہی ہے۔

ایکسائز محکمہ کی طرف سے ضبط کی گئی غیرقانونی شراب کو ماجالی ایکسائزچک پوسٹ تھانہ کے قریب والے جنگل میں ایکسائز افسران کی موجودگی میں آگ کے حوالے کرتے ہوئے بربادکیاگیا۔ریاست گوا سے کرناٹک میں داخل ہونے کے دوران میں غیرقانونی شراب کو ضبط کرکے یہاں رکھا جاتاتھا۔

عوام اس بات پر تعجب کا اظہار کررہے ہیں کہ کروناوائرس کو لے کر لاک ڈاؤن کے جاری رہتے ہوئے چک پوسٹ پر شراب پکڑنے کے سب سے زیادہ معاملات پیش آرہے تھے ، بتایا گیا ہے کہ  کئی معاملات میں ملزم گرفتارہوئے ہیں تو کچھ کیسوں میں ملزمان فرار ہونے سے ابھی تک ان کا پتہ نہیں چل پایا ہے۔ اس موقع پر ایکسائز نائب کمشنر وائی آر موہن ، تحصیلدار آر وی کٹی اور ایکسائز افسران اپنے عملے کے ساتھ موجودتھے۔

ایک نظر اس پر بھی

کاروار:ایس ایس ایل سی امتحان کے نتائج۔ سرسی کی سنّدھی ہیگڈے نے پایا ریاست میں پہلا رینک

امسال ریاست میں ایس ایس ایل سی کے جو امتحانات ہوئے تھے اس کا سامنا طلبہ نے کووڈ وباء کے پس منظر میں ذہنی تناؤ کے ساتھ کیا تھا۔اس کے بعد کافی دنوں سے طلبہ بڑی بے چینی کے ساتھ اپنے نتائج کا انتظار کررہے تھے۔

یلاپورکے دیہات میں محکمہ جنگلات کے افسران اور عملے کی طرف سے مسلسل ہراسانی کے خلاف بھٹکل میں دیا گیا میمورنڈم

ضلع شمالی کینرا کے یلاپور تعلقہ میں گولاپور نامی دیہاتی علاقے میں رہائش پزیر ایک 70سالہ خاتون اوراس کے خاندان کو محکمہ جنگلات کے افسران اور عملے کی جانب سے مسلسل ہراساں کیے جانے کا الزام لگاتے ہوئے جنگلاتی زمین پر بسنے والے لوگوں کے حقوق کے لیے جدوجہد میں مصروف تنظیم نے وزیر ...