بنگلورو، 20؍اگست (ایس او نیوز) سب کو حیران کردینے والا ایک بیان دیتے ہوئے سابق وزیر اعلیٰ و جے ڈی ایس لیڈر ایچ ڈی کمار سوامی نے کہا ہے کہ اگر کانگریس لیڈر ڈی کے شیو کمار وزیر اعلیٰ بنیں گے تو وہ ان کی تائید کریں گے۔ 

انہوں نے کہا کہ ان کی کامیابی سے مجھے جلن نہیں۔ اگر بھگوان کی کر پارہی تو وہ وزیر اعلیٰ بن جائیں گے۔ میری تائید اور تعاون ہمیشہ ان کے ساتھ رہے گا۔ چترادرگہ ضلع کے ہر یورو میں کل منعقد کلیگا طبقہ کی ایک تقریب میں کل رات دیر گئے انہوں یہ بات کہی۔ 

قبل ازیں اپنی تقریر میں کے پی سی سی صدر ڈی کے شیو کمار نے کہا کہ اقتدار کی لکشمی ہمارے طبقہ کے ہاتھ تھامے ہوئے ہے۔ ہمیں اس کا خیر مقدم کرنا چاہئے۔ ریاست کی عوام کو میری تائید کرنی چاہئے۔ انہوں نے یہ بھی کہا کہ دونوں طبقات کے سوامیوں کو منالوں گا۔