پہلی بار جرم کے دوران نظرآئے ملزم کی شناخت کرنا کمزور ثبوت: عدالت
نئی دہلی، 24/ اکتوبر (آئی این ایس انڈیا)عدالت عظمیٰ نے کہا کہ کسی گواہ کا عدالت میں ایسے ملزم کی شناخت کرنا جس کو اس نے جرم کے دوران پہلی بارہی دیکھا ہو کمزور ثبوت ہے۔ خاص طور پر جب جرائم اور بیانات کی ریکارڈنگ کی تاریخوں کے درمیان طویل فاصلہ ہو۔ سپریم کورٹ نے یہ تبصرہ ان چار افراد کی اپیل پر کیا جنہیں کیرالہ ایکسائز ایکٹ کی دفعہ 55 (اے) کے تحت سزا سنائی گئی تھی۔استغاثہ کا الزام تھا کہ چارافراد نے بغیر اجازت کے ایک ٹرک میں 174 پلاسٹک کے ڈبوں میں مجموعی طور پر 6090 لیٹر اسپریٹ کی بنااجازت کے ڈھلائی کی اورٹرک کانمبرپلیٹ نقلی تھا۔ عدالت نے ایک گواہ کی گواہی کو مسترد کر دیا کیونکہ اس نے کہا کہ وہ ان لوگوں کو پہچاننے کے قابل نہیں جنہیں اس نے 11 سال پہلے دیکھاتھا۔تاہم گواہ نے ان دو ملزمین کی نشاندہی کرلی تھی، جنہیں اس نے واقعہ کی تاریخ پر11 سال سے زیادہ پہلے پہلی بار دیکھا تھا،یہ کمزور ثبوت ہے، خاص طور پر جب جرم کی ریکارڈنگ کی تاریخ اور بیانات کے درمیان طویل فاصلہ ہو۔