خواتین کرکٹ عالمی کپ: ہندوستان کی سنسنی خیز مقابلہ میں آسٹریلیا کے ہاتھوں 6 وکٹ سے شکست

Source: S.O. News Service | Published on 19th March 2022, 8:50 PM | اسپورٹس |

آکلینڈ،19؍مارچ (ایس او نیوز؍ایجنسی) کپتان میگ لیننگ (97) اور وکٹ کیپر ایلیسا ہیلی (72) کے شاندار اسکور کی بدولت آسٹریلیا کی خواتین کرکٹ ٹیم نے ہفتہ کو یہاں آئی سی سی 2022 خواتین کرکٹ ورلڈ کپ کے ایک سنسنی خیز مقابلے میں ہندوستان کو چھ وکٹوں سے شکست دے دی۔ یہ آسٹریلیا کی مسلسل پانچویں جیت ہے۔

ٹاس ہارنے کے بعد پہلے بیٹنگ کرتے ہوئے ہندوستانی ٹیم نے کپتان متالی راج (68)، ہرمن پریت کور (57) اور یستیکا بھاٹیہ (59) کی نصف سنچریوں کی بدولت 50 اوورز میں 7 وکٹوں پر 277 رنز کا مشکل ہدف بنایا۔ نتیجہ خیز میچ ایک دلچسپ مقابلہ رہا، بالآخر چھ بار ورلڈ کپ جیتنے والی آسٹریلوی ٹیم نے چھ وکٹوں سے فتح اپنے نام کی۔

آسٹریلیا کے لیے کپتان لیننگ اپنی سنچری سے محروم رہیں لیکن انہوں نے 107 گیندوں پر 13 چوکوں کی مدد سے 97 رنز کی میچ وننگ اننگز کھیلی جس کے لیے انہیں 'پلیئر آف دی میچ قرار دیا گیا۔ ان کے علاوہ ہیلی نے 65 گیندوں میں نو چوکوں کی مدد سے 72 رنز بنائے۔ آخر میں بیتھ مونی نے 20 گیندوں میں چار چوکوں کی مدد سے 30 رنز بنا کر ٹیم کو فتح دلائی۔ آسٹریلیا کو آخری اوور میں جیتنے کے لیے آٹھ رنز درکار تھے اور مونی نے جھولن گوسوامی پر دو چوکے مار کر میچ جیت لیا۔ اس سے قبل آسٹریلیا کی جانب سے ڈارسی براؤن اور الانا کنگ نے بالترتیب تین اور دو وکٹیں حاصل کیں۔

ہندوستان کی جانب سے کپتان متالی نے 96 گیندوں پر چار چوکوں اور ایک چھکے کی مدد سے 68، یستیکا نے چھ چوکوں کی مدد سے 83 گیندوں پر 59 اور ہرمن پریت نے چھ چوکوں کی مدد سے 47 گیندوں پر 57 رنز بنائے۔ بالنگ میں پوجا وستراکر نے 10 اوورز میں 43 رنز دے کر دو وکٹیں حاصل کیں، اسنیہ رانا اور میگھنا سنگھ نے ایک ایک وکٹ حاصل کی۔

اس ٹورنامنٹ میں آسٹریلیا کی لگاتار پانچویں جیت ہے جب کہ ہندوستان کی تیسری شکست۔ آسٹریلیا اپنے پانچ میں سے پانچ میچ جیت کر 10 پوائنٹس کے ساتھ ٹاپ پر ہے اور پلے آف کے لیے کوالیفائی کرنے کے بہت قریب ہے۔ دوسری جانب ہندوستان پانچ میچوں میں دو جیت اور تین ہار کے ساتھ چار پوائنٹس کے ساتھ چوتھے نمبر پر ہے۔ اب اگر ہندوستان پلے آف میں پہنچنا چاہتا ہے تو اسے یہاں سے ہر میچ جیتنا ضروری ہوگا۔ ہندوستان کے لیے اچھی بات یہ ہے کہ ان کا نیٹ رن ریٹ اب بھی پلس میں ہے۔

ایک نظر اس پر بھی

حیدرآباد نے آئی پی ایل کا سب سے بڑا اسکور بنایا ، ممبئی کو 31 رنز سے دی بری طرح شکست

آئی پی ایل 2024 کے 8ویں میچ میں سن رائزرز حیدرآباد نے ممبئی انڈینز کو 31 رنز سے شکست دے دی۔ میچ میں حیدرآباد نے پہلے بیٹنگ کرتے ہوئے مقررہ 20 اوورز میں 3 وکٹوں پر 277 رنز بنائے۔ جواب میں ممبئی کی ٹیم 20 اوورز میں 246/5 ​​رنز ہی بنا سکی۔ تلک ورما نے ممبئی کے لیے کافی دیر کوشش کی اور 64 رنز کی ...

آئی پی ایل 2024: دفاعی چمپئن چنئی نے جیت کے ساتھ کیا آغاز، بنگلورو کو 6 وکٹ سے ملی شکست

آج آئی پی ایل 2024 کا پہلا میچ دفاعی چمپئن چنئی سپرکنگز (سی ایس کے) اور رائل چیلنجرس بنگلور (آر سی بی) کے درمیان کھیلا گیا جس میں چنئی کو 6 وکٹ سے جیت ہاتھ لگی ہے۔ بنگلورو نے چنئی کے سامنے جیت کے لیے 174 رنوں کا ہدف رکھا تھا جسے اس نے 18.4 اوورس میں محض 4 وکٹ کے نقصان پر حاصل کر لیا۔ اس ...

ہندوستان نے پانچویں ٹیسٹ میں انگلینڈ کو اننگ اور 64 رن سے شکست ، سیریز پر 4-1 سے قبضہ

دھرم شالہ میں کھیلے جا رہے پانچویں ٹیسٹ میچ میں ہندوستان نے انگلینڈ کو اننگز اور 64 رنز سےشکست دی  ہے۔ اس طرح ہندوستان نے سیریز 4-1 سے جیت لی۔ ہندوستانی ٹیم نے میچ کے تیسرے دن انگلینڈ کو بڑی شکست دی۔ انگلینڈ کی ٹیم دوسری اننگز میں بھی بری طرح لڑکھڑا گئی۔ صرف جو روٹ ہی بلے سے کچھ ...

ہندوستان نے دوسرے ٹیسٹ میں انگلینڈ کو 106 رنوں سے دی شکست، سیریز 1-1 سے برابر

) ہندوستان نے پہلے ٹیسٹ میچ میں انگلینڈ سے ملی شکست کا بدلہ آج وشاکھاٹنم میں لے کر سیریز کو 1-1 سے برابر کر دیا ہے۔ 5 ٹیسٹ میچوں کی سیریز کا دوسرا ٹیسٹ ہندوستان نے 106 رنوں سے جیت لیا ہے۔ اس جیت کے ہیرو پلیئر آف دی میچ جسپریت بمراہ رہے جنھوں نے دونوں اننگ میں مجموعی طور پر 9 ...

کیپ ٹاؤن میں ہندوستان کی جنوبی افریقہ پر تاریخی فتح، میچ دوسرے ہی دن ختم، ٹیسٹ سیریز 1-1 سے برابر

ہندوستانی مینس کرکٹ ٹیم نے 2024 کا آغاز ایک شاندار اور ریکارڈ ساز جیت کے ساتھ کیا ہے۔ کیپ ٹاؤن کے نیولینڈس میں 3 جنوری سے شروع ہوا ٹیسٹ میچ 4 جنوری یعنی دوسرے دن ہی ختم ہو گیا۔ ہندوستان کو جیت کے لیے دوسری اننگ میں 79 رنوں کا ہدف ملا تھا جسے روہت بریگیڈ نے محض 3 وکٹ کے نقصان پر حاصل ...

جنوبی آفریقہ نے پہلے ٹیسٹ میں انڈیا کو دی ایک اننگ اور 32 رنوں سے شکست

جنوبی افریقہ کے خلاف دو ٹیسٹ میچوں کی سیریز کا پہلا ٹیسٹ ہندوستانی ٹیم ایک اننگ اور 32 رنوں سے ہار گئی ہے۔ اس شرمناک شکست کا ذمہ دار ہندوستانی بلے باز اور گیندبازوں دونوں رہے، کیونکہ پہلی اننگ میں کسی طرح 245 رن کا اسکور بنانے کے بعد ہندوستانی ٹیم دوسری اننگ میں محض 131 رنوں پر ...