آئی سی سی خواتین ورلڈ ٹی 20 میں ہندوستان کی قیادت کریں گی ہرمن پریت

Source: S.O. News Service | By S O News | Published on 28th September 2018, 7:40 PM | اسپورٹس |

نئی دہلی،28؍ ستمبر (آئی این ایس انڈیا؍ ایس او نیوز)جارحانہ بلے باز ہرمن پریت کور نو سے 24 نومبر کے درمیان ویسٹ انڈیز میں ہونے والے چھٹے آئی سی سی خواتین ورلڈ ٹوئنٹی 20 میں ہندوستان کی 15 رکنی ٹیم کی قیادت کریں گی۔آل انڈیا خاتون سلیکشن کمیٹی نے ٹیم کو منتخب کیا جس میں اسمرتی مندانہ کو نائب کپتان بنایا گیا ہے۔ اسمرتی اس سال شاندار فارم میں ہیں۔متالی راج، ویدا کرشن مورتی، دیپتی شرما، جیما روڈرگس، انجا پاٹل، ایکتا بشٹ اور پونم یادو وغیرہ کو بھی ٹیم میں جگہ ملی ہے۔ ہندوستان کو دس ٹیموں کی اس مقابلے میں آسٹریلیا، نیوزی لینڈ، پاکستان اور آئر لینڈ کے ساتھ گروپ بی میں رکھا گیا ہے۔ہندوستان اپنی مہم کا آغاز نو نومبر کو نیوزی لینڈکے خلاف گیانا میں کرے گا۔اس کے بعد وہ روایتی حریف پاکستان (11 نومبر)، آئر لینڈ (15 نومبر) اور آسٹریلیا (17 نومبر) کو میچ کھیلے گا۔

ایک نظر اس پر بھی

آئی پی ایل فائنل میں چنئی نے دی کولکاتا نائٹ رائڈرس کو شکست، چنئی بنا چوتھی مرتبہ آئی پی ایل چیمپئن

سلامی بلے باز ڈو پلیسسز (86) کی بہترین نصف سنچری کے ساتھ روبن اتھپا کے (31) اور معین علی کے (ناٹ آؤٹ37) کی جارحانہ اننگز کے نتیجے میں چنئی سپر کنگس نے کولکاتا نائٹ رائڈرس کو  27 رنوں سے شکست دے دی اور چوتھی بار آئی پی ایل چمپئن بننے کا فخر حاصل کرلیا۔ 

آئی پی ایل 2021: کولکاتہ تیسری مرتبہ آئی پی ایل کے فائنل میں ، راہل ترپاٹھی نے چھکا لگا کر دلائی جیت

)  آئی پی ایل 2021 کا خطابی مقابلہ اب کولکاتہ نائٹ رائیڈرس اور چنئی سپرکنگس کے درمیان کھیلا جائے گا ۔ کے کے آر نے کوالیفائر 2 کے میچ میں دہلی کیپیٹلز کو 3 وکٹوں سے شکست دیدی ہے ۔ دہلی کی ٹیم پوائنٹس ٹیبل پر سرفہرست رہی تھی اور اس کو کوالیفائر 1 میں چنئی سپرکنگس نے شکست دی تھی ۔ میچ ...

چنئی نے ریکارڈ بنایا، نویں بار آئی پی ایل کے فائنل میں پہنچی، دہلی کو دی شکست

دبئی میں کھیلے گئے کوالیفائنگ مقابلہ میں چنئی سپر کنگس (سی ایس کے) نے دہلی کیپیٹلس کو شکست دے کر فائنل میں اپنی جگہ بنا لی ۔ سی ایس کے کپتان دھونی نے ایک شاندار پاری کھیلتے ہوئے چھہ گیندوں میں 18 رن بنائے اور آخری گیند پر چوکا لگاکر ٹیم کو جیت دلائی۔رابن اتھپا اور رتو راج ...