وراٹ کوہلی آئی سی سی رینکنگ میں دوسرے نمبر پر برقرار،ا سمتھ پہلے مقام پر قائم

Source: S.O. News Service | Published on 16th September 2019, 6:24 PM | اسپورٹس |

دبئی،16 /ستمبر(ایس او نیوز/آئی این ایس انڈیا) ہندوستانی کپتان وراٹ کوہلی پیر کو جاری آئی سی سی ٹیسٹ بلے بازوں کی تازہ ترین درجہ بندی میں آسٹریلیا کے اسٹیو اسمتھ کے بعد دوسرے مقام پربرقرار ہیں۔کوہلی کے نام 903 ریٹنگ پوائنٹس ہیں جبکہ ا سمتھ 937 پوائنٹس کے ساتھ سب سے اوپر ہیں۔آسٹریلیا کے سابق کپتان اسمتھ کے علاوہ ٹیم کے ان کے ساتھی فاسٹ بولر پیٹ کمنس بھی آئی سی سی ٹیسٹ بولنگ رینکنگ میں پہلے مقام پر قائم ہیں۔اسمتھ اور کمنس کی شاندار کارکردگی کی بدولت آسٹریلیا ایشز سیریز کو اپنے پاس رکھنے میں کامیاب رہا۔اس میچ میں اسمتھ نے 80 اور 23 رنز کی اننگز کھیلی جس سے وہ اپنے 937 ریٹنگ پوائنٹس کو برقرار رکھنے میں کامیاب رہے۔اس سیریز کے شروع ہونے سے پہلے ان کے نام 857 ریٹنگ پوائنٹس تھے اور وہ چوتھے نمبر پر تھے۔ انہوں نے سیریز کے چار میچوں میں 774 رن بنائے۔کمنس بھی دوسرے نمبر پر قابض کاگسو رباڈا پر 57 پوائنٹس کی بڑی برتری قائم کئے ہوئے ہیں۔وہ ایشز سیریز میں 29 وکٹ کے ساتھ سب سے کامیاب بولر رہے۔ہندوستان کے جسپریت بمراہ رینکنگ میں تیسرے نمبر پر ہیں۔ آسٹریلیا کے میتھیو ویڈ اور مشیل مارش بھی رینکنگ کو بہتر بنانے والے کھلاڑیوں میں شامل رہے۔ویڈ نے اتوار کو اپنی چوتھی ٹیسٹ سنچری بنائی جس سے وہ 32 مقام کی بہتری کے ساتھ 78 ویں نمبر پر پہنچ گئے۔ پہلی بار پانچ وکٹ لینے والے مشیل مارش بھی 20 مقامات کی بہتری کے ساتھ 54 ویں مقام پر پہنچ گئے۔مارچ 2017 کے بعد یہ ان کی بہترین رینکنگ ہے۔ ڈیوڈ وارنر کو سات مقامات کا نقصان ہوا ہے جو اب 24 ویں نمبر پر ہیں۔وارنر نے پانچ میچوں کی 10 اننگ میں کل 95 رن بنائے۔انگلینڈ کے فاسٹ بولر جوفرا آرچر پہلی بار ٹاپ 40 میں جگہ بنانے میں کامیاب رہے۔انہوں نے پانچویں ٹیسٹ میں چھ وکٹ لئے تھے۔سیم کرین کوبھی چھ مقامات کا فائدہ ہوا اور 65 ویں نمبر پر پہنچ گئے۔  میچ میں 70 اور 47 رنز کی اننگز کھیلنے والے جوس بٹلر اس سال جنوری کے بعد پہلی بار ٹاپ 30 میں پہنچنے میں کامیاب رہے۔ ٹیسٹ میں کیریئر کی بہترین 94 رنز کی اننگز کھیلنے والے کو ڈینلی کیریئر کے بہترین 57 ویں نمبر پر پہنچ گئے۔روری برنس بھی پانچ مقامات کی بہتری کے ساتھ 56 ویں نمبر پر قابض ہیں۔

ایک نظر اس پر بھی

آئی پی ایل فائنل میں چنئی نے دی کولکاتا نائٹ رائڈرس کو شکست، چنئی بنا چوتھی مرتبہ آئی پی ایل چیمپئن

سلامی بلے باز ڈو پلیسسز (86) کی بہترین نصف سنچری کے ساتھ روبن اتھپا کے (31) اور معین علی کے (ناٹ آؤٹ37) کی جارحانہ اننگز کے نتیجے میں چنئی سپر کنگس نے کولکاتا نائٹ رائڈرس کو  27 رنوں سے شکست دے دی اور چوتھی بار آئی پی ایل چمپئن بننے کا فخر حاصل کرلیا۔ 

آئی پی ایل 2021: کولکاتہ تیسری مرتبہ آئی پی ایل کے فائنل میں ، راہل ترپاٹھی نے چھکا لگا کر دلائی جیت

)  آئی پی ایل 2021 کا خطابی مقابلہ اب کولکاتہ نائٹ رائیڈرس اور چنئی سپرکنگس کے درمیان کھیلا جائے گا ۔ کے کے آر نے کوالیفائر 2 کے میچ میں دہلی کیپیٹلز کو 3 وکٹوں سے شکست دیدی ہے ۔ دہلی کی ٹیم پوائنٹس ٹیبل پر سرفہرست رہی تھی اور اس کو کوالیفائر 1 میں چنئی سپرکنگس نے شکست دی تھی ۔ میچ ...

چنئی نے ریکارڈ بنایا، نویں بار آئی پی ایل کے فائنل میں پہنچی، دہلی کو دی شکست

دبئی میں کھیلے گئے کوالیفائنگ مقابلہ میں چنئی سپر کنگس (سی ایس کے) نے دہلی کیپیٹلس کو شکست دے کر فائنل میں اپنی جگہ بنا لی ۔ سی ایس کے کپتان دھونی نے ایک شاندار پاری کھیلتے ہوئے چھہ گیندوں میں 18 رن بنائے اور آخری گیند پر چوکا لگاکر ٹیم کو جیت دلائی۔رابن اتھپا اور رتو راج ...